ဖြေရှင်းဆောင်ရွက်ပေးမှုများ

   မကွေးတိုင်းဒေသကြီး၊ မကွေးမြို့နေ တိုင်ကြားသူတစ်ဦးသည် မကွေးမြို့မှအောင်လံသို့ xxxx ယာဉ်လိုင်းဖြင့် ဆေးဆိုင်(၅)ဆိုင်သို့ ဆေးဂျပ်ဖာ (၅) ဖာအား တန်ဆာခ စုစုပေါင်း ငွေကျပ် ၂၃,၅၀ဝ/- ပေးချေပြီး ပေးပို့စေခဲ့ရာတွင် ဆိုင်(၄)ဆိုင်သို့ဂျပ်ဖာများ ရောက်ရှိသော်လည်း ဆေးဆိုင်(၁) ဆိုင်သို့ပေးပို့သည့် ဆေးဂျပ်ဖာ တန်ဖိုးငွေကျပ် ၆၃၀,၀၀ဝ/- မှာ ရောက်ရှိခဲ့ခြင်းမရှိသည့်အတွက် ဂိတ်မှတာဝန်ရှိသူသို့ ပြောကြားခဲ့ရာ လမ်းတွင်ကျပျောက် ခဲ့ခြင်းဖြစ်သည်ဟု ပြောကြားလာပါသည်။ ယာဉ်လိုင်းမှတာဝန်ရှိသူနှင့် သွားရောက်ညှိနှိုင်းခဲ့ရာ ငွေကျပ် ၄၀၀,၀၀ဝ/-သာ ပေးလျော်နိုင်မည်ဟု ပြောကြားခဲ့သည့်အတွက် ဆုံးရှုံးနစ်နာခဲ့သည့် တန်ဖိုးငွေအပေါ်တွင် ယာဉ်လိုင်းမှတာဝန်ယူမှု အပြည့်အဝမရှိသဖြင့် စားသုံးသူရေးရာဦးစီးဌာန၊ မကွေးတိုင်းဒေသကြီး ဦးစီးမှူးရုံးသို့ လူကိုယ်တိုင်လာရောက် တိုင်ကြားလာပါ သည်။

   ဖြေရှင်းဆောင်ရွက်မှုအခြေအနေ။     တိုင်ကြားမှုနှင့်ပတ်သက်၍ ဌာနမှ တာဝန်ရှိသူများက  စားသုံးသူကာကွယ်ရေး ဥပဒေအရ စားသုံးသူထိခိုက်နစ်နာမှုရှိ/မရှိ စိစစ်ခဲ့ပြီး ၂၀-၁၁-၂၀၂၃ ရက်နေ့တွင် အမြန်ယာဉ်အသင်းမှ တာဝန်ရှိသူထံသို့ အကြောင်းကြားစာ ပေးပို့ဆောင်ရွက်ခဲ့ပါသည်။ ၂၂-၁၁-၂၀၂၃ ရက်နေ့တွင် တိုင်ကြားသူ၊ တိုင်ကြားခံရသူ၊ ပို့ဆောင်ရေးနှင့် စီမံကိန်းဦးစီးဌာန၊ ယာဉ်လိုင်းကြီးကြပ်ကွပ်ကဲရေးကော်မတီတို့မှ တာဝန်ရှိသူများအား ဖိတ်ခေါ်၍ စေ့စပ်ညှိနှိုင်းခြင်းများဆောင်ရွက်ခဲ့ပါသည်။ ဦးစီးမှူးရုံး၏ စေ့စပ်ညှိနှိုင်းမှုအပေါ် ပြေလည်မှု မရရှိခဲ့သဖြင့် စားသုံးသူကာကွယ်ရေးဥပဒေ ပုဒ်မ ၂၁၊ ပုဒ်မ ၂၇ တို့ကို လိုက်နာရန်ပျက်ကွက်သဖြင့် ပုဒ်မ ၅၂၊ ပုဒ်မခွဲ (က)အရ ၂၈-၁၁-၂၀၂၃ ရက်နေ့တွင် ဦးစီးမှူးရုံးမှ စီမံခန့်ခွဲရေးပြစ်ဒဏ်အဖြစ် xxxxမော်တော်ယာဉ်လိုင်းအား သတိပေးခြင်းပြစ်ဒဏ်နှင့် ငွေကျပ် ၅၀၀,၀၀ဝ/- ပေးလျော်စေရန် အမိန့်ချမှတ်ခဲ့ပါသည်။ ချမှတ်ခဲ့သည့်အမိန့်အပေါ် ၃၀-၁၁-၂၀၂၃ ရက်နေ့တွင် တိုင်ကြားခံရသည့်ယာဉ်လိုင်းမှ ပို့ဆောင်ရေးနှင့်စီမံကိန်းဦးစီးဌာန၊ ယာဉ်လိုင်းကြီးကြပ် ကွပ်ကဲရေးကော်မတီနှင့် စားသုံးသူရေးရာဦးစီးဌာနမှ တာဝန်ရှိသူများ၏ ရှေ့မှောက်တွင် တိုင်ကြားသူအား ငွေကျပ် ၅၀၀,၀၀ဝ/ ပေးလျော်ခဲ့သည့်အတွက်  တိုင်ကြားသူမှလည်း ကျေနပ်မှုရရှိသဖြင့် တိုင်ကြားမှုကို ပိတ်သိမ်းဆောင်ရွက်ခဲ့ပါသည်။

DOCA(စားသုံးသူရေးရာဌာနခွဲ)

    မကွေးမြို့နေ xxx သည်  ညနေ(၁၆:၀၀)နာရီအချိန်တွင် မကွေးမြို့မှ အောင်လံမြို့သို့ xxx ယာဉ်လိုင်းဖြင့် ဆေးဆိုင်(၅)ဆိုင်သို့ ဆေးဂျပ်ဖာ(၅)ဖာအား တန်ဆာခစုစုပေါင်း ကျပ်(၂၃၅၀ဝ) ပေးချေပြီး ပေးပို့စေခဲ့ပါသည်။ သို့ရာတွင် ဆေးဆိုင်(၄)ဆိုင်သို့ ဂျပ်ဖာများရောက်ရှိသော်လည်း xxx ဆေးဆိုင်သို့ပေးပို့သည့် ဆေးဂျပ်ဖာ တန်ဘိုးငွေ ကျပ်(၆၃၀၀၀ဝ)မှာ ရောက်ရှိခဲ့ခြင်းမရှိ သည့်အတွက် ဂိတ်တာဝန်ရှိသူသို့ မေးမြန်းခဲ့ရာ လမ်းတွင်ကျပျောက်ခဲ့ခြင်းဖြစ်သည်ဟု ဖြေကြားလာ၍ ယာဉ်လိုင်းမှ တာဝန်ရှိသူနှင့်သွားရောက်ညှိနှိုင်းခဲ့ရာ ငွေကျပ်(၄၀၀၀၀ဝ)သာ ပေးလျော် နိုင်မည်ဟု ပြောကြားခဲ့သည့်အတွက် ဆုံးရှုံးနစ်နာခဲ့သည့်တန်ဘိုးငွေအပေါ်တွင် ယာဉ်လိုင်းမှ တာဝန်ယူမှုအပြည့်အဝမရှိ သဖြင့် မကွေးတိုင်းဒေသကြီး၊ စားသုံးသူရေးရာဦးစီးဌာန၊ CICC ရုံးသို့ (၂၀.၁၁.၂၀၂၃)ရက်နေ့တွင် လာရောက်တိုင်ကြားလာပါသည်။

   ဌာနမှ စားသုံးသူကာကွယ်ရေးဥပဒေအရ စားသုံးသူထိခိုက်နစ်နာမှုရှိ/မရှိစိစစ်ခဲ့ပြီး တိုင်ကြားသူ၊ တိုင်ကြားခံရသူ၊ ပို့ဆောင်ရေးနှင့် စီမံကိန်းဦးစီးဌာန၊ ယာဉ်လိုင်းကြီးကြပ်ကွပ်ကဲရေးကော်မတီတို့မှ တာဝန်ရှိသူများအားဖိတ်ခေါ်၍ စေ့စပ်ညှိနှိုင်းခြင်းများ ဆောင်ရွက်ခဲ့သော်လည်း ပြေလည်မှုမရရှိခဲ့သဖြင့် ဦးစီးမှူးရုံးမှစီမံခန့်ခွဲ ရေးပြစ်ဒဏ်အဖြစ် အောင်လံမိုးမော်တော်ယာဉ်လိုင်းအား သတိပေးခြင်းပြစ်ဒဏ်နှင့် ငွေကျပ်(၅၀၀၀၀ဝ)ပေးလျော်စေရန် အမိန့်ချမှတ်ခဲ့ပါသည်။ ချမှတ်ခဲ့သည့်အမိန့်အပေါ် တိုင်ကြားခံရသည့်ယာဉ်လိုင်းမှ ပို့ဆောင်ရေးနှင့်စီမံကိန်းဦးစီးဌာန၊ ယာဉ်လိုင်းကြီးကြပ်ကွပ်ကဲရေးကော်မတီနှင့် ဌာနတာဝန်ရှိသူများ၏ရှေ့မှောက်တွင် တိုင်ကြားသူအား ငွေကျပ် (၅၀၀၀၀ဝ) ပေးလျော်ခဲ့သည့်အတွက် တိုင်ကြားသူ xxx မှလည်း စိတ်ကျေနပ်မှုရရှိကာ ကြေအေးလွှာတွင် လက်မှတ်ရေးထိုးစေလျက် အမှုအားပိတ်သိမ်းခဲ့ပါကြောင်း သိရှိရပါသည်။

DOCA(မကွေး)

           ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင် လပွတ္တာမြို့နယ်တာဝန်ခံ ဦးမြင့်ဌေးသည် မြို့နယ်စည်ပင်သာယာရေးအဖွဲ့နှင့်ပူးပေါင်း၍ (၁၂.၁၂.၂၀၂၃)ရက်နေ့ ညနေ (၁၄:၀၀)နာရီက  လပွတ္တာမြို့နယ်၊ အမှတ်(၁)ရပ်ကွက်ဈေးရှိ ကုန်အညွှန်းအမှတ်အသားဖော်ပြချက် ပြည့်စုံမှုရှိမရှိ နယ်မြေဈေးကွက်စောင့်ကြည့် စစ်ဆေးခြင်းဆောင်ရွက်ခဲ့ပါသည်။

            ထိုသို့ကွင်းဆင်းဆောင်ရွက်ရာတွင် မြို့နယ်တာဝန်ခံ ကုန်မျိုးစုံဆိုင်များတွင် ရောင်းချနေသော Max Plus အချိုရည်ဘူးများတွင် ကုန်အညွှန်းအမှတ်အသား ပြည့်စုံစွာဖော်ပြထားမှုရှိ/မရှိ စစ်ဆေးခဲ့ပြီးဆိုင်ပိုင်ရှင်များအား စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော ၂၀၁၉ ပါဥပဒေပြဌာန်းချက်များမှ ဥပဒေ အခန်း အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ-၄၁ ပုဒ်မခွဲ(ခ)နှင့် (ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြစ်စေ၊ မြန်မာဘာသာ နှင့်အခြား ဘာသာတစ်ခု (သို့) တစ်ခုထက်ပို၍ တွဲလျှက်ဖြစ်စေ ရေးသားဖော်ပြရမည်ဖြစ်ကြောင်း၊ စီးပွားရေး လုပ်ငန်းရှင်များ အနေဖြင့် ဌာနမှထုတ်ပြန်ထားသော  ဥပဒေညွှန်ကြားချက်များအား   လိုက်နာဆောင်ရွက်ကြရန်   ဈေးကွက်အတွင်း ရောင်းချနေသော ကုန်စည်အမျိုးအစားအလိုက် ကုန်အညွှန်းအမှတ်အသား ပြည့်စုံစွာဖော်ပြထားခြင်းရှိ/မရှိကိုလည်း ဌာနမှဈေးကွက်အတွင်း စဉ်ဆက်မပြတ်စောင့်ကြည့်စစ်ဆေးသွားမည်ဖြစ်ကြောင်း၊ ဥပဒေညွှန်ကြားချက်များအား လိုက်နာဆောင်ရွက်မှုမရှိပါက ထုတ်ပြန်ထားသောဥပဒေများအတိုင်း အရေးယူဆောင်ရွက်သွားမည်ဖြစ်ကြောင်း သိရှိရပါသည်။

DOCA(ဧရာဝတီ)

     ရှမ်းပြည်နယ်၊ ကျိုင်းတုံမြို့နယ်နေ တိုင်ကြားသူသည် ကျိုင်းတုံမြို့မှ စစ်ကိုင်းမြို့သို့ မော်တော်ယာဉ်လိုင်းတစ်ခုဖြင့် အစားအသောက်ပစ္စည်းများ ပေးပို့ရာတွင်  ဝန်ဆောင်ခကျသင့်ငွေ ၁၅,၀၀၀/-ကျပ်ကို ပေး‌ချေပြီးသော်လည်း ၁၂,၀၀၀/-ကျပ် ထပ်မံတောင်းခံသဖြင့် စားသုံးသူရေးရာဦးစီးဌာနသို့ လူကိုယ်တိုင် လာရောက်တိုင်ကြားခြင်း ဖြစ်ပါသည်။

     တိုင်ကြားမှုနှင့်ပတ်သက်၍ ရှမ်းပြည်နယ်ဦးစီးမှူးရုံးမှ တာဝန်ရှိသူများက မော်တော်ယာဉ်လိုင်းမှ တာဝန်ရှိသူများထံ  ဆက်သွယ်မေးမြန်းရာတွင် ကျိုင်းတုံမြို့မှ စစ်ကိုင်းမြို့သို့ တိုက်ရိုက်ပြေးဆွဲသော ယာဉ်လိုင်းမရှိသည့်အတွက် ကျိုင်းတုံ-တောင်ကြီး-မန္တလေးမှတဆင့် စစ်ကိုင်းမြို့သို့ ပို့ဆောင်ရပါကြောင်း၊ တိုင်ကြားသူ၏ ပစ္စည်းအားပေးပို့ရာတွင် ကျိုင်းတုံမြို့မှ စစ်ကိုင်းမြို့အထိ ပေးပို့သော ပြေစာပေါ်တွင် ငွေရှင်းပြီးဟု ရေးသားထားသော်လည်း တောင်ကြီးမြို့မော်တော်ယာဉ်လိုင်းမှ ပြေစာပေါ်တွင် ငွေတောင်းရန်ဟု ထပ်မံရေးသားထားသောကြောင့် မန္တလေးမော်တော်ယာဉ်လိုင်းက ဝန်ဆောင်ခအား ထပ်မံတောင်းခံခြင်းဖြစ်ကြောင်း ဖြေကြားခဲ့သည့်အတွက် ၁-၁၀-၂၀၂၃ ရက်နေ့တွင် တိုင်ကြားသူနှင့်မော်တော်ယာဉ်လိုင်းမှ တာဝန်ရှိသူတို့အား ခေါ်ယူတွေ့ဆုံပြီး တိုင်ကြားသူထံ ထပ်မံကောက်ခံသော ငွေကျပ် ၁၂,၀၀၀/-အား တာဝန်ရှိသူများရှေ့မှောက်တွင် ပြန်လည်ပေးအပ်ခဲ့သဖြင့် တိုင်ကြားသူမှ ကျေနပ်မှုရရှိပြီး တိုင်ကြားမှုကို ပိတ်သိမ်းဆောင်ရွက်ခဲ့ပါသည်။

      ကရင်ပြည်နယ်၊ ဘားအံမြို့ အမှတ် ၆ ရပ်ကွက်နေ တိုင်ကြားသူသည် XXXX ကုမ္ပဏီမှ အင်တာနက် Wifi အားရယူသုံးစွဲရာတွင် အင်တာနက်လိုင်းပြတ်တောက်ခဲ့ပြီး အင်တာနက်လိုင်း ပြတ်တောက်မှု ပတ်သက်၍ ကုမ္ပဏီဘက်သို့ ဖုန်းဆက်ခေါ်ဆိုရာတွင် ခေါ်ဆိုရခက်ခဲခြင်း၊ နစ်နာမှုနှင့်ပတ်သက်၍ ကုမ္မဏီဘက်မှ ကြေညာထားသော အာမခံမှုအတိုင်းအပြည့်အဝမရရှိခြင်း၊ Call Center မှ ကျေနပ် အောင် ဖြေကြားမှုမရှိခြင်းတို့ကြောင့် ၎င်း၏နစ်နာမှုများအတွက် ကုမ္ပဏီ၏ အာမခံချက်အတိုင်း စားသုံးသူအခွင့်အရေးအပြည့်အဝ ရရှိလိုကြောင်း တင်ပြလာမှုအပေါ် စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ဦးမျိုးဝင်းနိုင် ဦးစီးအရာရှိနှင့်စားသုံးရေးရာဌာနခွဲ တာဝန်ခံတို့သည် အင်တာနက် ဝန်ဆောင်မှုနှင့်ပတ်သက်၍ စားသုံးသူငြင်းပွားတိုင်ကြားလာမှုအပေါ်၁၁-၁၀-၂၀၂၃ ရက် နေ့၊နေ့လယ်(၁၄:၀၀)နာရီအချိန်တွင် ကရင်ပြည်နယ် စားသုံးသူရေးရာဦးစီးဌာန၊ အစည်းအဝေးခန်းမ၌ တိုင်ကြားသူနှင့် ဝန်ဆောင်မှုပေးသူ လုပ်ငန်းရှင်တို့အားခေါ်ယူတွေ့ဆုံ၍ အငြင်းပွားမှုအား ဖြေရှင်း ဆောင်ရွက်ပေးခဲ့ကြောင်းသိရသည်။

     ထိုသို့နှစ်ဦးနှစ်ဘက်ခေါ်ယူတွေ့ဆုံ၍ဖြေရှင်းဆောင်ရွက်ပေးရာတွင် ဝန်ဆောင်မှုပေးသူ XXXX ကုမ္ပဏီကိုယ်စားဘားအံရုံးခွဲတာဝန်ခံမှ စားသုံးသူနစ်နာမှုများအဆင်မပြေမှုများအတွက် တောင်းပန် ပါကြောင်း၊ အင်တာနက်ဝန်ဆောင်မှုပြတ်တောက်ချိန် ကြားကာလရက်များအတွက် ပြန်လည် အစားထိုးပေးနိုင်ရေးအတွက် ကုမ္ပဏီသို့ တင်ပြ၍ အမြန်ဆုံးဆောင်ရွက်ပေးသွားမည် ဖြစ်ပါကြောင်း၊ ထို့အပြင် Wifi မီးနီ၍ လိုင်းမတက်ခြင်းအတွက် ချက်ခြင်းဆောင်ရွက်ပေးသွားမည်ဖြစ်ပါကြောင်း သဘောတူညီမှုများကို ဌာနမှနှစ်ဦးနှစ်ဘက် ညှိနှိုင်းဆွေးနွေးပေးနိုင်ခဲ့သည်။

   ထို့နောက် ၁၁-၁၀-၂၀၂၃ ရက်နေ့ ၁၇၀၀ နာရီအချိန်တွင် ကုမ္ပဏီဘက်မှ စားသုံးသူထံဆောင်ရွက်ပေးမည့် နစ်နာမှုများအတွက် စားသုံးသူ(သုံးစွဲသူ)၏ Wifi ငွေပေးသွင်းပြီး သက်တမ်းကျန် ၁၁ ရက်အတွက် ပြန်လည်သုံးစွဲနိုင်ရန် အစားထိုးရက် ပြည်လည်ပေးအပ်ပြီး ဖြစ်ပါကြောင်း၊  ထို့အပြင် Wifi ပြတ်တောက်သည့်ကာလ ၁ လစာအား အခမဲ့အသုံးပြုခွင့်ကိုလည်း ပေးအပ်ခဲ့ပါကြောင်း၊ စားသုံးသူရေးရာဦးစီးဌာနသို့ တင်ပြခဲ့မှုအပေါ် တိုင်ကြားသူဘက်သို့ ပြန်လည်ဆက်သွယ်မေးမြန်းခဲ့ရာ ဖြေရှင်းဆောင်ရွက်ပေးမှုများအပေါ် ကျေနပ်မှုရှိပါကြောင်း ပြန်ကြားခဲ့သည့်အတွက် အမှုကို ပိတ်သိမ်းခဲ့ကြောင်း သိရသည်။

DOCA(ကရင်)