HighLight News

        စားသုံးသူရေးရာဦးစီးဌာန၊ အထက်အကြီးအကဲ၏ လမ်းညွှန်မှာကြားချက်အရ တိုင်းဒေသကြီးကွပ်ကဲမှုအောက်ရှိ ခရိုင်ဦးစီးမှူးရုံးများအနေဖြင့် စက်မှုဇုန်များတွင် "ပြည်တွင်းကုန်သွယ်မှုကဏ္ဏဖွံ့ဖြိုးတိုးတက်ရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားဖွံ့ဖြိုးတိုးတက်ရန်" ဆိုသည့်ဆောင်ပုဒ်နှင့်အညီ ပြည်တွင်းကုန်သွယ်မှုလုပ်ငန်းများလုပ်ကိုင်ရာ၌ အခက်အခဲများမရှိစေရေးအတွက် ခရိုင်အတွင်းစက်မှုဇုန်များရှိ စီးပွားရေးလုပ်ငန်းရှင်များနှင့် တွေ့ဆုံဆွေးနွေးခဲ့ကြကြောင်းသိရှိရပါသည်။

        ထိုသို့ကွင်းဆင်းစစ်ဆေးဆောင်ရွက်မှုများပြုလုပ်ရာ၌ ရန်ကုန်အရှေ့ပိုင်းခရိုင်ဦးစီးမှူး ဦးလှစိုးနှင့်ဝန်ထမ်းများသည်  ၅-၆-၂၀၂၄ ရက်နေ့၊ နံနက် (၁၀:၀၀) နာရီအချိန်တွင် ဒဂုံမြို့သစ်ခရိုင်၊ တောင်ဒဂုံစက်မှုဇုန်ရှိ မြင့်ရွှေဝါလူသုံးကုန်ထုတ်လုပ်သည့်လုပ်ငန်းသို့ သွားရောက်စစ်ဆေးမေးမြန်းခဲ့ရာ ၎င်းမှာ လူသုံးကုန်ထုတ်လုပ်သည့်လုပ်ငန်းအမျိုးအစားဖြစ်ပြီး ပလတ်စတစ်ပါကင်များထုပ်လုပ် သောလုပ်ငန်းဖြစ်ကြောင်း၊ အလုပ်ရုံ၌ လုပ်သားဦးရေ (၃၃၀)ခန့်ရှိကြောင်း လုပ်ငန်းရှင် ဦးလှသိန်းက ပြန်လည်ဖြေကြားခဲ့ကြောင်းသိရှိရပါသည်။

DOCA(ရန်ကုန်)

      ပြည်ထောင်စုဝန်ကြီး၏ လမ်းညွှန်မှာကြားချက်အရ ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ တာဝန်ရှိဝန်ထမ်းများသည် မြို့နယ်အထွေထွေ အုပ်ချုပ်ရေးဦးစီးဌာန၊ မြို့နယ်ပြည်သူ့ကျန်းမာရေးဦးစီးဌာနတို့နှင့်ပူးပေါင်းကာ ၄-၆-၂၀၂၄ ရက်နေ့၊ နံနက်(၁၁:၃၀)နာရီအချိန်တွင်  တောင်ဒဂုံမြို့နယ်၊ အမှတ်(၁၆)၊ ပြည်ထောင်စုလမ်း၊ (၃၄)ရပ်ကွက်ရှိ  ရွှေအိုးဆေးဆိုင်မှ   ဆိုင်တာဝန်ခံ ဒေါ်ဂျင်မီမီထွေးနှင့် နေ့လယ် (၁၂း၃၀) နာရီအချိန်တွင် တောင်ဒဂုံမြို့နယ်၊ အမှတ် (၈၇၁/ခ)၊ မြိတ်လမ်း၊ သစ်ခွဆေးဆိုင်မှ ဆိုင်တာဝန်ခံ ဒေါ်တင်ဇာမော်တို့နှင့်သွားရောက်တွေ့ဆုံ၍ ဆေးဆိုင်အတွင်းရှိ ဆေးဝါးများရောင်းချမှုအခြေအနေတို့ကို စစ်ဆေးမှုများပြုလုပ်ခဲ့ကြောင်းသိရှိရပါသည်။

      ထိုသို့စစ်ဆေးရာတွင် ရွှေအိုးဆေးဆိုင်အတွင်း၌ ဆေးဝါးများ(၂၀၀)ကျော်ရှိကြောင်း၊ ရောင်းအားကောင်းသောဆေး(၁၅)မျိုးရှိကြောင်း၊ အဆိုပါဆေးများကို DKSH, SUM စသည့်ဆေး ကုမ္ပဏီများမှဝယ်ယူရောင်းချကြောင်း၊ သစ်ခွဆေးဆိုင်အတွင်း၌မူ ဆေးဝါးများ (၁၀၀) ကျော်ရှိကြောင်း၊ အဆိုပါဆေးများကို Mega, AA  စသည့်ဆေးကုမ္ပဏီများမှ ဝယ်ယူရောင်းချကြောင်း၊ ၎င်းဆေးဆိုင်များမှာ ဝယ်ယူသည့်ဈေးနှုန်းအပေါ် ၅% အမြတ်တင်ရောင်းချခြင်းဖြစ်ကြောင်း၊ ပစ္စည်းပြတ်လပ်မှုမရှိကြောင်း ဖြေကြားခဲ့ပြီး ဖြစ်သင့်ဖြစ်ထိုက်သည့်‌ဈေးနှုန်းထက် ဈေးနှုန်းမြှင့်တင်ရောင်းချမှုကိုစစ်ဆေးတွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူခံရမည်ဖြစ်ကြောင်း အသိပညာပေးပြောကြားခဲ့ကြောင်း သတင်းရရှိပါသည်။

DOCA(ရန်ကုန်)

        ပြည်ထောင်စုဝန်ကြီး၏ လမ်းညွှန်မှာကြားချက်အရ ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဦး၊ ဒုတိယဦးစီးမှူးပါ (၃)ဦးတို့သည် အင်းစိန်မြို့နယ်၊ မြို့နယ်ကျန်းမာရေးဦးစီးဌာနနှင့်ပူးပေါင်း၍ (၅-၆-၂၀၂၄)ရက်နေ့၊ နံနက် (၁၁:၀၀) နာရီအချိန်တွင် အမှတ်(၂၀၄)၊ မာလာနွယ်(၁)လမ်း၊ အင်းစိန်မြို့နယ်ရှိ မိုးသောက်ပန်းဆေးဆိုင်မှ ဆိုင်တာဝန်ခံ ဒေါ်ခင်စန်းရီနှင့် နေ့လယ် (၁၂း၀၀) နာရီအချိန်တွင် အမှတ် (၂၀-က) လမ်းသစ်လမ်း၊ နံ့သာကုန်းရပ်ကွက်၊ အင်းစိန်ပန်းခြံအနီး အင်းစိန်မြို့နယ်ရှိ တော်ဝင်ဆေးဆိုင်မှ ဆိုင်တာဝန်ခံ ဒေါ်သီတာဝင်းတို့နှင့်သွားရောက်တွေ့ဆုံကာ ဆေးဆိုင်အတွင်းရှိ ဆေးဝါးရောင်းချမှုအခြေအနေတို့ကို စစ်ဆေးမှုများပြုလုပ်ခဲ့ကြောင်းသိရှိရပါသည်။

       ထိုသို့စစ်ဆေးရာတွင် မိုးသောက်ပန်းဆေးဆိုင်အတွင်း၌ ဆေးဝါးအမျိုးအစားပေါင်း (၃၀၀)ကျော်ရှိကြောင်း၊ အဆိုပါဆေးများကို Dr.Reddy’s Co.,Ltd၊ United Pharma Co.,Ltd နှင့် Sun Pharma Co.,Ltd မှ ဝယ်ယူရောင်းချကြောင်း၊ ၎င်းနောက် တော်ဝင်ဆေးဆိုင်၌မူ ဆေးဝါးအမျိုးအစားပေါင်း (၄၀၀)ကျော်ရှိကြောင်း၊ အဆိုပါဆေးများကို PA I Co.,Ltd၊ Mega Co.,Ltd၊ VS Phama Co.,Ltd၊ R’OASTS Co.,Ltd နှင့် Zizawa Co.,Ltd မှ ဝယ်ယူရောင်းချကြောင်း၊ အဆိုပါဆိုင်များမှာ ဝယ်ယူသည့်ဈေးနှုန်းအပေါ်  (၅%)မှ (၁၀%)အမြတ်တင်ရောင်းချခြင်းဖြစ်ကြောင်း၊ ပစ္စည်းပြတ်လပ်မှုလည်းမရှိကြောင်းပြောကြားခဲ့ပြီး ဌာနအနေဖြင့် ပစ္စည်းမှန်၊ ဈေးမှန်ဖြင့်သာရောင်းချရန်နှင့် ဈေးနှုန်းမြှင့်တင်ရောင်းချမှုကိုစစ်ဆေးတွေ့ရှိပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူခံရမည်ဖြစ်ကြောင်း အသိပေးပြောကြားခဲ့ကြောင်းသိရှိရပါသည်။

DOCA(ရန်ကုန်)

      စားသုံးသူရေးရာဦးစီးဌာန၊ မြောက်ပိုင်းခရိုင်၊ တိုက်ကြီးမြို့နယ်ခွဲတာဝန်ခံ ဒေါ်တင်တင်ဌေး (ရုံးအုပ်) ဦးဆောင်၍  မြို့မဈေးအတွင်း ကွင်းဆင်းစစ်ဆေးခြင်းလုပ်ငန်းများဆောင်ရွက်ခဲ့ပါသည်။

      ထိုသို့ကွင်းဆင်းစစ်ဆေးရာတွင် မြို့နယ်စီမံအုပ်ချုပ်ရေးအဖွဲ့ (၃)ဦး၊ မြို့နယ်ပြည်သူ့ရဲတပ်ဖွဲ့ (၃)ဦး၊ မြို့နယ်စည်ပင်သာယာရေးအဖွဲ့ (၃)ဦးနှင့် ရပ်ကွက်အုပ်ချုပ်ရေးအဖွဲ့ဝင်များပူးပေါင်း ပါဝင်၍ မြို့မဈေးအတွင်းရှိ ကုန်မျိုးစုံဆိုင်များ၌ရောင်းချနေသော အခြေခံစားသောက်ကုန်များတွင်ပါဝင်သည့် စားအုန်းဆီ၊ စားသုံးဆီအမျိုးမျိုးတို့ကိုစစ်ဆေးခဲ့ရာ စားအုန်းဆီကို သတ်မှတ် ဈေးနှုန်းဖြင့်ရောင်းချပြီး စားသုံးဆီအမျိုးမျိုးတွင်လည်း ကုန်အညွှန်းအမှတ်အသားပါဝင်ခြင်း၊ ဈေးနှုန်းမှန်ကန်စွာရောင်းချခြင်းတို့ကိုစစ်ဆေးတွေ့ရှိရပြီးနောက်  စားသုံးသူပြည်သူများထံသို့ နေ့စဉ်လက်ဝယ်ရရှိအောင် ရောင်းချပေးရန်ပြောကြားခဲ့ကြောင်းသိရှိရပါသည်။

DOCA(ရန်ကုန်)

      စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၅)ဦးတို့သည်  ၄-၆-၂၀၂၄ ရက်နေ့၊ နေ့လယ် (၁၃:၅၀) နာရီအချိန်တွင် လှိုင်သာယာ(အရှေ့ပိုင်း)မြို့နယ်ရှိ Ocean Super Center သို့သွားရောက်၍ ကွင်းဆင်းစစ်ဆေးခြင်းလုပ်ငန်းများဆောင်ရွက်ခဲ့ပါသည်။

        ထိုသို့ဆောင်ရွက်ခဲ့ရာတွင် အမှတ်(၂၆၄)၊ မင်းကြီးမဟာမင်းခေါင်လမ်း၊ စက်မှုဇုန်(၁)ရှိ Ocean Super Center ရှိ ကလေးကစားစရာအရုပ်အမျိုးမျိုးအား ကွင်းဆင်းစစ်ဆေးခဲ့ရာတွင် Fire Police, Super Race, COGO, Fire Department, Magic Cube, Hand Cannon flying SAUCER, LEDI Block Set, Frozen Fever, Model World နှင့် လက်ဝှေ့အိတ်အားလုံးတို့တွင် အမျိုးအမည်၊ အရွယ်အစား၊ သုံးစွဲပုံနည်းလမ်းနှင့် သတိပေးချက်ပါဝင်ကြောင်း စစ်ဆေးတွေ့ရှိရပါသည်။ ၎င်းနောက် ဌာနအနေဖြင့် ကုန်အညွှန်းအမှတ်အသားနှင့်ပတ်သက်၍ Ocean Super Center မန်နဂျာ ဒေါ်လဲ့သဥ္ဇာအား အမှတ်တံဆိပ်ပြည့်စုံသောပစ္စည်းများကိုသာ အဓိကရွေးချယ်၍ရောင်းချပေးရန်နှင့် ဈေးဝယ်စင်တာသို့ လာရောက်ပစ္စည်းတင်သွင်းသူများကိုလည်း ကုန်အညွှန်းအမှတ်အသားမပြည့်စုံသော ပစ္စည်းများကိုလက်ခံခြင်းမပြုရန် ဆွေးနွေးပြောကြားခဲ့ကြောင်းသိရှိရပါသည်။

DOCA(ရန်ကုန်)