HighLight News

     ကျိုက်လတ်မြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းတို့သည် ရေယာဉ်ပိုင်ရှင်များအသင်းနှင့် ( ၂၄-၁-၂၀၂၄ ) ရက်နေ့၊  နံနက် ( ၁၁:၀၀ ) နာရီအချိန်တွင်  အမှတ် (၃)  ရပ်ကွက်၊ အောင်မြင့်မိုရ်ဈေးရှိ ရေယာဉ်ပိုင်ရှင်များအသင်းရုံး၌ တွေ့ဆုံဆွေးနွေးခဲ့ပါသည်။

   ဆွေးနွေးပွဲတွင် အသင်းဥက္ကဋ္ဌ ဦးအောင်ဇော်က ရေယာဉ်ပိုင်ရှင်များအသင်းကို (၂၅-၃-၁၉၉၄) ရက်နေ့တွင် စတင်ဖွဲ့စည်းခဲ့ပြီး အလုပ်အမှုဆောင်(၇)ဦး၊ အသင်းသား (၈၄၇)ဦးဖြင့် ဖွဲ့စည်းခဲ့ပြီး ယခုအခါ အသစ်ပြန်လည်ဖွဲ့စည်းခဲ့ရာ အလုပ်အမှုဆောင် ( ၇ ) ဦး၊ အသင်းသား (၁၀၀)ဦးတို့ပါဝင်သော   အသင်း၌ အသင်းဥက္ကဋ္ဌအဖြစ် ဦးအောင်ဇော်က ပြန်လည်တာဝန်ယူဆောင်ရွက်ခဲ့ကြောင်း၊ ယခုအချိန်တွင် ရေယာဉ်လိုင်စင်သက်တမ်းကုန်သောလိုင်စင်များကို သက်တမ်းတိုးပေးခြင်း၊ လိုင်စင်မဲ့များအား လိုင်စင်ပြုလုပ်ပေးခြင်း၊  ရေယာဉ်ကြံခိုင်မှု၊ ကုန်စည်တင်ဆောင်မှု၊ ရေယာဉ်လိုင်းပိုင်မရှိသော ရေယာဉ်များအားလိုင်းပိုင်ရရှိရေး၊  ရေယာဉ်လမ်းကြောင်းတူညီသော ရေယာဉ်များအား အသင်းဖွဲ့စည်းနိုင်ရေး၊ ရေယာဉ်များတွင် မဖြစ်မနေထားရှိရမည့် မီးသတ်ဆေးဘူး၊ သက်ကယ်ဘောကွင်းများ၊ သက်ကယ်ဝတ်စုံများရရှိနိုင်ရေး၊  ရေယာဉ်အသင်းများအနေဖြင့် ရှေ့ဆက်လက်၍ မြို့နယ်ဌာနဆိုင်ရာများနှင့်ပူးပေါင်း၍ ကျေးရွာများအထိ ရေယာဉ်လုပ်ငန်းရှင်များနှင့်တွေ့ဆုံ၍ အသိပညာပေးဟောပြောမှုများဆောင်ရွက်သွားမည်ဖြစ်ကြောင်း တွေ့ဆုံဆွေးနွေးခဲ့ပြီး မြို့နယ်တာဝန်ခံက ဝန်ဆောင်မှုနှင့်စပ်လျဉ်း၍ စားသုံးသူကာကွယ်ရေးဆိုင်ရာဥပဒေများကို ရှင်းလင်းပြောကြားခဲ့ကြောင်းသိရှိရပါသည်။

DOCA(ဧရာဝတီ)

    ၂၀၂၄ခုနှစ်၊ ဇန်နဝါရီလ (၂၃) ရက်နေ့၊ နံနက် (၁၀း၀၀) နာရီအချိန်တွင် မိတ္ထီလာခရိုင်၊ စားသုံးသူရေးရာဦးစီးဌာနမှ ခရိုင်ဦးစီးမှူး ဦးဇော်မင်းနှင့်ဝန်ထမ်းများသည် မိတ္ထီလာမြို့၊ အစိုးရနည်းပညာအထက်တန်းကျောင်း၌  “စားသုံးသူကာကွယ်ရေးအကြောင်းသိကောင်းစရာများ” ခေါင်းစဥ်ဖြင့် အသိပညာပေးဟောပြောဆွေးနွေးခဲ့ပါသည်။ ဆွေးနွေးပွဲတွင် အစိုးရနည်းပညာ အထက်တန်းကျောင်းရှိ ကျောင်းအုပ်ဆရာကြီးနှင့် ဆရာ/ဆရာမကြီးများ၊ ကျောင်းသား/ကျောင်းသူစုစုပေါင်း (၉၂) ဦးတက်ရောက်ခဲ့ပါသည်။

   အဆိုပါဟောပြောဆွေးနွေးပွဲတွင် မိတ္ထီလာခရိုင်၊ စားသုံးသူရေးရာဦးစီးဌာန၊ ခရိုင်ဦးစီးမှူး ဦးဇော်မင်းက စားသုံးသူကာကွယ်ရေးဥပဒေပြဋ္ဌာန်းရသည့်ရည်ရွယ်ချက်၊ စားသုံးသူအခွင့်အရေးနှင့်တာ၀န်များ၊ လုပ်ငန်းရှင်၏တာ၀န်များ၊ ကုန်စည်နှင့်ပတ်သက်၍ အာမခံချက်ပေးခြင်း၊ ကုန်စည်နှင့်စပ်လျဉ်း၍ အာမခံထားမှုအ‌ပေါ် စားသုံးသူကတောင်းဆိုနိုင်သည့်အခွင့်အရေး၊ ၀န်ဆောင်မှုနှင့်စပ်လျဉ်း၍ အာမခံချက်ပေးခြင်း၊ ၀န်ဆောင်မှုနှင့်စပ်လျဉ်း၍ အာမခံထားမှုအ‌ပေါ်  စားသုံးသူကတောင်းဆိုနိုင်သည့် အခွင့်အရေးများနှင့် ဥပဒေအရ စီးပွားရေးလုပ်ငန်းရှင်များအနေဖြင့် စားသုံးသူပြည်သူများ နေ့စဉ်ဝယ်ယူသုံးစွဲနေသော ကုန်စည်များနှင့်ပတ်သက်သည့် သတင်းအချက်အလက်များကို ရိုးရှင်းမှန်ကန်စွာဖော်ပြရန်တာဝန်ရှိကြောင်း၊ လုပ်ငန်းရှင်များအနေဖြင့် ထုတ်လုပ်သောကုန်စည်များပေါ်တွင် ဥပဒေပါ ကုန်အညွှန်းအမှတ်အသားများနှင့်စပ်လျဉ်း၍ လိုက်နာရမည့်အချက်များကို လိုက်နာခြင်းမရှိပါက အရေးယူဆောင်ရွက်နိုင်မည့် ပြစ်မှုပြစ်ဒဏ်များအကြောင်း ရှင်းလင်းဆွေးနွေးခဲ့ပြီး  စားသုံးသူနစ်နာဆုံးရှုံးမှုဖြစ်ပေါ်ခဲ့လျှင် စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ (CICC) သို့ လူကိုယ်တိုင်ဖြစ်စေ၊ စာဖြင့်ဖြစ်စေ တိုင်ကြားနိုင်ကြောင်း၊ စားသုံးသူရေးရာဦးစီးဌာန၏ Website ဖြစ်သော www. doca. gov. mm ၌လည်းတိုင်ကြားနိုင်ကြောင်း၊ စားသုံးသူရေးရာဦးစီးဌာန၏ DOCA Myanmar Application အား playstore တွင် download ရယူ၍ ထို Application မှတစ်ဆင့်လည်းတိုင်ကြားနိုင်ကြောင်း၊ Hotline Number (1535) ကိုလည်းတိုင်ကြားနိုင်ကြောင်း ရှင်းလင်းဟောပြောနွေးခဲ့ပါသည်။ မိတ္ထီလာမြို့၊ အစိုးရနည်းပညာအထက်တန်းကျောင်း၊ စာပေဌာနမှူး ဆရာကြီးဦးမိုးဇော်ထွန်းက ယခုကဲ့သို့ လာရောက်ဟောပြောသည့်အတွက် ဆရာ/ဆရာမကြီးများနှင့် ကျောင်းသား/ကျောင်းသူများအနေဖြင့် အသိပညာဗဟုသုတများစွာရရှိသည့်အတွက် ကျေးဇူးတင်စကားပြောခဲ့ပြီး ဟောပြောပွဲကို နံနက် (၁၁:၃၀) နာရီအချိန်တွင် ရုပ်သိမ်းခဲ့ကြောင်းသိရှိရပါသည်။

DOCA(မန္တလေး)                

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ငါန်းဇွန်မြို့နယ်တာဝန်ခံသည် မြို့နယ်ကျန်းမာရေးဦးစီးဌာနဦးဆောင်၍ မန္တလေးတိုင်းဒေသကြီး၊ အစားအသောက်နှင့်ဆေးဝါးကြီးကြပ်ကွက်ကဲရေးကော်မတီ၏ ညွှန်ကြားချက်ဖြင့် ဈေးကွက်များအတွင်း ဆေးဝါးမှတ်ပုံတင်ရရှိပြီးသော ဆေးဝါးများနှင့် Brand Name ဆင်တူသောမြန်မာနိုင်ငံဆေးဝါးမှတ်ပုံတင်အမှတ်မပါရှိဘဲ တရားမဝင်တင်သွင်းထားသည့်ဆေးဝါးများကို ရောင်းချနေမှုများရှိ/မရှိနှင့် အများပြည်သူများအနေဖြင့် ဘေးန္တရာယ်ကင်းရှင်းသော ဆေးဝါးများသုံးစွဲနိုင်ရေးတို့အတွက် (၂၃-၁-၂၀၂၄) ရက်နေ့၊ နံနက် (၁၀:၀၀) နာရီအချိန်တွင် မြို့ပေါ်ရှိ ဆေးဝါးရောင်းချသောဆိုင်များသို့ သက်ဆိုင်ရာဌာနများနှင့်အတူ ပူးပေါင်းပါဝင်ကွင်းဆင်း၍ ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ကြပါသည်။

     ကွင်းဆင်းဆောင်ရွက်ရာတွင် တာဝန်ရှိသူများသည် ဆေးဝါးရောင်းချသောဆိုင်များအနေဖြင့် အများပြည်သူ၏ အသက်နှင့်ကျန်မာရေးအတွက် လွန်စွာအရေးကြီးသည့်အတွက် ဆေးဝါးများနှင့်ပတ်သက်၍ သိရှိနားလည်ထားရန်နှင့် သက်ဆိုင်ရာဌာနများက သောက်သုံးရန်နှင့် သုံးစွဲရန်မသင့်ဟုသတ်မှတ်ထုတ်ပြန်ထားသော ဆေးဝါးများကိုလည်းရောင်းချခြင်းများမပြုလုပ်ကြရန်၊ ထုတ်ပြန်ချက်များကိုလည်း သက်ဆိုင်ရာဌာနများက နည်းလမ်းပေါင်းစုံဖြင့် အများပြည်သူနှင့် လုပ်ငန်းရှင်များပါမကျန်သိရှိနားလည်စေရန် ထုတ်ပြန်ပေးလျက်ရှိရာ ၎င်းထုတ်ပြန်ချက် များကိုလည်း အစဉ်တစိုက်စောင့်ကြည့်လေ့လာလိုက်နာကြရန်လိုအပ်ကြောင်း၊ စံမညီဆေးဝါးများ၊ သက်တမ်းလွန်ဆေးဝါးများ၊ သက်ဆိုင်ဌာန၏ ထောက်ခံချက်မပါသောဆေးဝါးများ၊ ကုန်အညွှန်းအမှတ်အသားပြည့်စုံစွာမပါဝင်သော ဆေးဝါးများကိုလည်းရောင်းချခြင်းမပြုကြရန်နှင့် လုပ်ငန်းရှင်များအနေဖြင့် စီးပွားရေးကျင့်ဝတ်စည်းကမ်းများနှင့်အညီ၊ သတ်မှတ်ပြဋ္ဌာန်းထားသောဥပဒေများနှင့်အညီ လိုက်နာဆောင်ရွက်သွားကြရန်နှင့် လိုက်နာမှုများမရှိပါက သက်ဆိုင်ရာဌာနများ၏ ဥပဒေများနှင့်အညီ အရေးယူဆောင်ရွက်သွားမည်ဖြစ်ကြောင်း အသိပေး ဆွေးနွေးမှုများဆောင်ရွက်ခဲ့ပါသည်။

   အဆိုပါကွင်းဆင်းစစ်ဆေးမှုတွင် မြို့နယ်အထွေထွေအုပ်ချုပ်ရေးဦးစီးဌာ၊ မြို့နယ်ပြည်သူ့ကျန်းမာရေးဦးစီးဌာန၊ မြို့နယ်စားသုံးသူရေးရာဦးစီးဌာန၊ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်ရဲတပ်ဖွဲ့  စသည့်ဌာနဆိုင်ရာများမှ တာဝန်ရှိသူများပူးပေါင်းပါဝင်ခဲ့ကြောင်းသိရှိရပါသည်။

DOCA(မန္တလေး)

     ဆန်စပါးသိုလှောင်ထားရှိခြင်းများအတွက် ဆန်စပါးသိုလှောင်မှုမှတ်ပုံတင်ခြင်းလုပ်ငန်းများကို ပဲခူးခရိုင်အတွင်းရှိ မြို့နယ်များမှ ဆန်စက်လုပ်ငန်းရှင်များ၊ သိုလှောင်ရုံပိုင်ရှင်များနှင့် ဆန်စပါးပွဲစားလုပ်ငန်းရှင်များကို ပဲခူတိုင်း (အရှေ့) ဆန်စက်လုပ်ငန်းရှင်များအသင်းဥက္ကဋ္ဌ၊ မြို့နယ်ဆန်စက်လုပ်ငန်းရှင်များအသင်းဥက္ကဋ္ဌ၊ စားသုံးသူရေးရာဦးစီးဌာန၊  ပဲခူးခရိုင်ဦးစီးမှုးတို့မှ သိုလှောင်ရုံမှတ်ပုံတင်ရာတွင် Online ဖြင့်ချိတ်ဆက်ဆောင်ရွက်ခြင်း၊ သတ်မှတ်ပုံစံများတွင် ဖြည့်စွက်၍ ဌာန၏ထောက်ခံတင်ပြရမည့်အချက်များ၊ ပူးတွဲတင်ပြဆောင်ရွက်ရမည့်အထောက်အထားများ၊ မြေပြင်ကွင်းဆင်းစစ်ဆေးချက်ဆိုင်ရာကိစ္စရပ်များ၊ Online ဖြင့်ဆောင်ရွက်ရာတွင် အခက်အခဲရှိပါက ကူညီဆောင်ရွက်ပေးမည့်ကိစ္စများကို (၂၃-၁-၂၀၂၄) ရက်နေ့တွင် ပဲခူးမြို့၊ သီရိဥဿာဈေးအပေါ်ထပ်ရှိ ပဲခူးကုန်စည်ဒိုင်၌ ဆောင်ရွက်ခဲ့ကြောင်းသိရှိရပါသည်။

DOCA(ပဲခူး)

      ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ နတ်တလင်းမြို့နယ်တာဝန်ခံရုံး၌   (၂၃-၁-၂၀၂၄) ရက်နေ့၊ နံနက် (၁၀:၀၀) နာရီအချိန်တွင် ပဲခူးတိုင်းဒေသကြီးအတွင်း အရန်ဆန်သိုလှောင်ထားရှိနိုင်ရန်အတွက် စားသုံးသူရေးရာဦးစီးဌာန၊ ခရိုင်တာဝန်ခံ၊  ခရိုင်အတွင်းရှိ မြို့နယ်ဆန်စက်လုပ်ငန်းရှင်များအသင်းဥက္ကဋ္ဌနှင့် အဖွဲ့ဝင်များတွေဆုံ၍ ဆွေးနွေးမှုများပြုလုပ်ခဲ့ကြပါသည်။

      ထိုသို့တွေ့ဆုံမှုပြုလုပ်ရာတွင် ခရိုင်တာဝန်ခံမှ ပဲခူးတိုင်းဒေသကြီးအတွင်း သဘာဝဘေးအန္တရာယ်များပေါ်ပေါက်လာပါက အရေးပေါ်ထောက်ပံ့သုံးစွဲရန်အတွက်သော်လည်းကောင်း၊ ဘုန်းကြီးကျောင်းများ၊ ကျန်းမာရေးဆေးရုံ၊ သင်တန်းကျောင်းများ၊ ပညာရေးတက္ကသိုလ်၊ စက်မှုလက်မှုသိပ္ပံကျောင်းများအတွက်  သင့်တင့်မျှတသောဈေးနှုန်းဖြင့်  လှူဒါန်းနိုင်ရန်အတွက် အရန်ဆန် သိုလှောင်ထားရှိနိုင်ရေး ဆောင်ရွက်မည့်အစီအစဉ်တို့ကို  ဆွေးနွေးမှုများပြုလုပ်ခဲ့ကြောင်းသိရှိရပါသည်။

DOCA(ပဲခူး)