သတင်းနှင့် လှုပ်ရှားမှုများ

            ပဲခူးတိုင်းဒေသကြီး ၊ ပဲခူးခရိုင် ၊ ဒိုက်ဦးမြို့နယ် ၊ ကံကလေးကျေးရွာအုပ်စု၊ လယ်ကြားမြောင်ကျေးရွာ၌ ဒိုက်ဦးမြို့နယ် စီမံ အုပ်ချုပ်ရေးအဖွဲ့ ၊ မြို့နယ် ကျေးလက်ဒေသဖွံ့ဖြိုးတိုးတက်‌ရေးဦးစီးဌာန ၊ မြို့နယ်ဆည်မြောင်းဦးစီးဌာန ၊ မြို့နယ် မွေးမြူရေးနှင့် ကုသရေးဦးစီးဌာန ၊ မြို့နယ်စက်မှု လယ်ယာဦးစီးဌာန၊ စားသုံးသူရေးရာဦးစီးဌာန ၊ ဒိုက်ဦးမြို့နယ်တာဝန်ခံနှင့် ဖိတ်ကြားထားသော တောင်သူများ တက်‌ရောက်၍ ၁၇.၆.၂၀၂၂ ရက်နေ့ ၊ နေ့လည် (၁:၀၀) နာရီတွင် ဒိုက်ဦးမြို့နယ်၊ စိုက်ပျိုးရေး၊ မွေးမြူ ရေးနှင့် ကုန်ထုတ်လုပ်မှု ဖွံ့ဖြိုးတိုးတက်ရေး နည်းပညာပေးဆွေးနွေးပွဲ ကျင်းပခဲ့ကြောင်း သိရှိရပါသည်။

          အဆိုပါ ဆွေးနွေးပွဲတွင် ဒိုက်ဦးမြို့နယ်တာဝန်ခံက ပြောကြားရာတွင် စားသုံးသူအခွင့်အရေးများ၊ ကုန်စည်နှင့်စပ်လျဉ်း၍ အာမခံပေးထားမှုအပေါ် စားသုံးသူက တောင်းဆိုနိုင်သည့် အခွင့်အရေးများ၊ စားသုံးသူက ကုန်စည်နှင့် ဝန်ဆောင်မှုများကို ရွေးချယ်ဝယ်ယူအသုံးပြုရာတွင် လိုအပ်သော သတင်း အချက်အလက်များ ပြည့်စုံမှန်ကန်စွာ သိရှိခွင့်ပြေစာ (သို့မဟုတ်) အထောက်အထားရယူခွင့်ရှိခြင်းများကို အကျယ်တဝင့်ရှင်းလင်းဆွေးနွေးခဲ့ပါသည်။ စားသုံးသူနစ်နာဆုံးရှုံးမှုများ ရှိလာပါက စားသုံးသူရေးရာဦးစီးဌာနသို့ တိုင်ကြားနိုင်ပြီး  Consumer Information and Complaint Center  ရုံးခန်းများ ဖွင့်လှစ်၍ ဖြေရှင်းပေးနေကြောင်း၊  w.w.w.doca.gov.mm Website  ထဲတွင် မိမိတို့ဌာနမှ ဆောင်ရွက်လျက်ရှိသည့် ဆောင်ရွက်ချက်များအား အချိန်နှင့်တပြေးညီ လွှင့်တင်ပေးလျက်ရှိသည်ကို ပြောကြားခဲ့ကြောင်း သိရှိရပါသည်။

DOCA(ပဲခူး)

           စားသုံးသူရေးရာဦးစီးဌာန၊ သာယာဝတီခရိုင်၊ မင်းလှမြို့နယ်တာဝန်ခံသည် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် ပူးပေါင်း၍ (၁၇.၆.၂၀၂၂) ရက်နေ့ နံနက် (၁၀ :၀၀) နာရီ အချိန်၌  ပြန်ကြားရေးနှင့် ပြည်သူ့ဆက်ဆံရေးဦးစီးဌာနတွင် စားသုံးသူကာကွယ်ရေး အသိပညာပေး (Talk Show)  အစီအစဉ် ပြုလုပ်ဆောင်ရွက်ခဲ့ပါသည်။

          မင်းလှမြို့နယ်တာဝန်ခံ ဦးစိန်ဝင်းမှ ဌာန၏ ဖွဲ့စည်းဆောင်ရွက်မှုအကြောင်းအရာများ၊ စားသုံးသူကာကွယ်ရေးဉပဒေ အခန်း (၉)ပါ စားသုံးသူ၏ အခွင့်အရေးနှင့် တာဝန်များအကြောင်း၊ စားသုံးသူကာကွယ်ရေး ဉပဒေ အခန်း(၁၈) ပါ ကုန်စည်များအပေါ်တွင် ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ ထုတ်လုပ်ရောင်းချရန်၊ ဉပဒေ အခန်း(၁၀)ပါ စီးပွားရေးလုပ်ငန်းရှင်၏ တာဝန်များနှင့် အခန်း(၁၁)ပါ ကုန်စည်နှင့်စပ်လျဉ်း၍ အာမခံချက်ပေးရမည့် အချက်အလက်များအကြောင်း ဆွေးနွေးခဲ့ပါသည်။

DOCA(ပဲခူး)

           ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ သနပ္ပင်မြို့နယ်တာဝန်ခံ ဦးသိန်းဆွေသည်  ပြန်ကြားရေးနှင့်ပြည်သူ့ဆက်ဆံရေးဦးစီးဌာန၏ လူထုဆက်ဆံရေးခန်းမ၌ ၂၀၂၂ ခုနှစ်၊ ဇွန်လ ၁၆ ရက်နေ့ ၊ နံနက် (၁၀:၃၀) တွင် ညီညွတ်မျှတ ဒီဂျစ်တယ်ငွေကြေးကဏ္ဍ နှင့်စပ်လျဉ်း၍ Talk Show ပြုလုပ်ခဲ့ပါသည်။

          အဆိုပါ Talk Show တွင် မြို့နယ်တာဝန်ခံက ညီညွတ် မျှတဒီဂျစ်တယ်ငွေကြေးကဏ္ဍဆောင်ပုဒ်နှင့်အညီ စားသုံးသူများအနေဖြင့် မိမိတို့၏ ဘဏ်အကောင့် အချက်အလက်များ၊  ဘဏ်ကဒ်နံပါတ်များ၊ ငွေလွှဲဝန်ဆောင်မှု လုပ်ငန်းစဉ် နံပါတ်များ၊ လျှိုဝှက်နံပါတ်များအား မည်သူတစ်ဦးတစ်ယောက်ကိုမျှ မျှဝေခြင်းမပြုရန်၊  ငွေလွှဲဝန်ဆောင်မှုပြုစဉ် လွယ်ကူသော လျှိုဝှက်နံပါတ်များ အသုံးမပြုကြရန် ၊ စားသုံးသူများ၏ ကိုယ်ရေးကိုယ်တာ အချက်အလက်များ၊ ငွေလွှဲအချက်အလက်များဖြစ်သော လုပ်ငန်းစဉ်နံပါတ်များ၊ လျှိုဝှက်နံပါတ်များအား လူမှုကွန်ယက်များ အပေါ်တွင် အသိပေးတင်ပြခြင်း မပြုရန် ၊ ဒီဂျစ်တယ် စနစ်ဖြင့် အသုံးပြုသော ဘဏ်လုပ်ငန်းနှင့် ငွေလွှဲ ဝန်ဆောင်မှု လုပ်ငန်းများ၏ Call Center နှင့် အပြာရောင်အမှန်ခြစ် ရရှိထားသည့် Facebook Page တို့တွင်သာ မိမိတို့၏ ငွေကြေးဆိုင်ရာသိလိုသည့်အကြောင်းအရာများကို ဆက်သွယ်မေးမြန်းရန် ၊ ဘဏ်လုပ်ငန်း သို့မဟုတ် ငွေလွှဲ ဝန်ဆောင်မှုဝန်ထမ်း ဟန်ဆောင်၍ အခြားဖုန်းများနှင့် ခေါ်ဆိုလာပါက ကိုယ်ရေးအချက်အလက်များနှင့် ငွေလွှဲအချက်အလက်များအား အသိပေးပြောကြားခြင်း မပြုရန် အသိပညာပေး ပြောကြားခဲ့ပါသည်။

          ထို့အပြင် စားသုံးသူ၏ တာဝန် (၄) ရပ်အား အသိပေး ပြောကြားပြီး စားသုံးသူတိုင်းလိုက်နာကြရန်နှင့် မိမိတို့ ရွေးချယ်ဝယ်ယူထားသည့် ကုန်စည်နှင့် ဝန်ဆောင်မှု၏ နစ်နာမှုများအား စားသုံးသူရေးရာဦးစီးဌာန ၊  CICC ရုံးများတွင် တိုင်ကြားကြရန် တိုက်တွန်းမှုများ ပြုလုပ်ခဲ့ကြောင်း သိရှိရပါသည်။

DOCA(ပဲခူး)

          National Enlightenment Institute –NEI နှင့် မွန်ပြည်နယ်ကုန်သည်များနှင့်စက်မှုလက်မှုလုပ်ငန်းရှင်များအသင်းတို့ ပူးပေါင်းဖွင့်လှစ်သော “စီးပွားရေးဆိုင်ရာ အလုပ်သင်အစီအစဉ် (အပတ်စဉ်-၂) သင်တန်းသား/သူများ၏ လုပ်ငန်းအတွေ့အကြုံများတင်ပြခြင်းနှင့် သင်တန်းဆင်းပွဲအခမ်းအနားကို ၂၀.၆.၂၀၂၂ ရက်နေ့တွင် မော်လမြိုင်မြို့ Hotel KS ၌ ကျင်းပပြုလုပ်ခဲ့ပါသည်။

          အဆိုပါ သင်တန်းဆင်းပွဲတွင် စီးပွားရေးလုပ်ငန်းရှင်များ၊ စီးပွားရေးနယ်ပယ်သို့ ဝင်ရောက်ကြမည့် သင်တန်းသား/သူများအား စားသုံးသူကာကွယ်ရေးဆိုင်ရာ အသိပညာဗဟုသုတရရှိစေရန်ရည်ရွယ်၍ စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံးမှ ဦးစီးအရာရှိ ဒေါ်ဝါဝါမြိုင်က စားသုံးသူကာကွယ်ရေးနှင့်ပတ်သက်၍ အသိပညာပေးဆွေးနွေးဟောပြောခဲ့ပါသည်။

            ထိုသို့ ဟောပြောရာတွင် စားသုံးသူအခွင့်အရေးနှင့်တာဝန်များ ၊ စီးပွားရေးလုပ်ငန်းရှင်၏ တာဝန်များ၊ ကုန်စည်၊ ဝန်ဆောင်မှုနှင့်စပ်လျဉ်း၍ အာမခံချက်ပေးခြင်း၊ ကုန်စည် ၊ ဝန်ဆောင်မှုအသုံးပြုရာတွင် စားသုံးသူနစ်နာမှုဖြစ်ပေါ်လာပါက စားသုံးသူက တောင်းဆိုနိုင်သည့်အခွင့်အရေး၊ ကုန်အညွှန်းအမှတ်အသားဖော်ပြခြင်း စသည်တို့ကို ရှင်းလင်းဆွေးနွေးခဲ့ကြောင်း သိရှိရပါသည်။ အဆိုပါသင်တန်းဆင်းပွဲသို့  စီးပွားရေးလုပ်ငန်းရှင်များ၊ ဌာနဆိုင်ရာတာဝန်ရှိပုဂ္ဂိုလ်များ၊ သတင်းသား/သူများ (၅၀) ဦး တက်ရောက်ခဲ့ကြောင်း သိရှိရသည်။

DOCA(မွန်)

        ကချင်ပြည်နယ်၊ စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူး ဦးမောင်မောင်ခိုင်နှင့်ဝန်ထမ်းများသည် ၂၁.၆.၂၀၂၂ရက်နေ့တွင် မိုးညှင်းမြို့အတွင်းရှိ ဆေးဆိုင်များသို့ သွားရောက်၍ ထိုင်းနိုင်ငံထုတ် ရသေ့ဆေး (သို့) တိုင်းရင်းဆေးသည် မြန်မာနိုင်ငံတွင် တရားဝင်မှတ်ပုံတင်ထားမှုမရှိခြင်း၊ ဘေးအန္တရာယ်ဖြစ်စေသည့် တိုင်းရင်းဆေးဖြစ်ခြင်းနှင့် ဘေးဥပဒ်ဖြစ်စေသောပစ္စည်းများ တရားမဝင်တင်သွင်းရောင်းချခြင်းဖြစ်သဖြင့် မြို့နယ်တိုင်းရင်းဆေးပညာဦးစီးဌာနနှင့်ပူးပေါင်း၍ ဈေးကွက်စောင့်ကြည့်စစ်ဆေးခဲ့ပါသည်။

          ထိုသို့ ဈေးကွက်စောင့်ကြည့်စစ်ဆေးရာတွင် ထိုင်းနိုင်ငံထုတ်ရသေ့ဆေး (သို့) တိုင်းရင်းဆေးအား မိုးညှင်းမြို့ပေါ်ရှိဆေးဆိုင်များတွင် ရောင်းချမှုမရှိပါကြောင်း းစိစစ်တွေ့ရှိရပြီး ရောင်းချသူများအနေဖြင့် သက်ဆိုင်ရာဌာနများ၏ထောက်ခံချက်၊ ကုန်အညွှန်းအမှတ်အသားဖော်ပြချက်များနှင့် တရားဝင်မှတ်ပုံတင်ထားသော တိုင်းရင်းဆေးဝါးများကိုသာရောင်းချရန်နှင့် ၂၀၁၉ စားသုံးသူကာကွယ်ရေးဥပဒေပါ ကုန်အညွှန်းအမှတ်အသားသတ်မှတ်ချက်များပြည့်စုံသော ကုန်စည်များကိုသာ ဝယ်ယူရောင်းချကြရန် အသိပေးခဲ့ပြီး ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။

DOCA(ကချင်)