အလုံမြို့ အမှတ် (၂) အခြေခံပညာအထက်တန်းကျောင်းတွင် စားသုံးသူကာကွယ်ရေး အသိပညာပေးဟောပြောပွဲကျင်းပ
![](http://www.doca.gov.mm/sites/default/files/styles/consumer_inner_image__847x424_/public/85.jpg?itok=VpEWFnPf)
စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ဒု-တိုင်းဒေသကြီးဦးစီးမှူးဦးဆောင်၍ တိုင်းဒေသကြီးဦးစီးမှူးရုံးမှ ဝန်ထမ်းများသည် (၂၆.၁၀.၂၀၂၂)ရက်နေ့၊ နံနက် (၁၁:၀၀)နာရီ အချိန် မုံရွာမြို့နယ်၊ အလုံမြို့၊ အမှတ် (၂) အခြေခံပညာအထက်တန်းကျောင်းတွင် စားသုံးသူ ကာကွယ်ရေး အသိပညာပေးဟောပြောပွဲ ကျင်းပခဲ့ကြောင်း သိရသည်။
အသိပညာပေးဟောပြောပွဲ၌ ဒု-တိုင်းဒေသကြီးဦးစီးမှူး၊ ဒုတိယ ညွှန်ကြားရေးမှူးက ဌာန၏လုပ်ငန်းဆောင်ရွက်မှု စားသုံးသူကာကွယ်ရေးဥပဒေပါ ကုန်အညွှန်းအမှတ်သားဆိုင်ရာ အချက်အလက်များကို အကျယ်တဝင့် ရှင်းလင်းဆွေးနွေးခြင်း၊ တိုင်းဒေသကြီးဦးစီးမှူးရုံး စားသုံးသူ ရေးရာဌာနခွဲတာဝန်ခံ ဒေါ်ခိုင်မို့မို့(ဦးစီးအရာရှိ)က စားသုံးသူ ကာကွယ်ရေးဥပဒေပါ စားသုံးသူ အခွင့်အရေး (၈)ချက်အကြောင်း၊ စားသုံးသူများ နစ်နာမှုရှိပါက ဆက်သွယ်တိုင်ကြား နိုင်သည့် နည်းလမ်းများအကြောင်း၊ ဆွေးနွေးဟောပြောခြင်းများ ဆောင်ရွက်ပြီး ဌာန၏ပညာပေး လက်ကမ်းစာဆောင်များဖြန့်ဝေခြင်း၊ အစားအသောက်နှင့် ပတ်သက်၍ စားသုံးရန်မသင့် ကြေငြာထားသော ဗီနိုင်းပိုစတာကို ချိတ်ဆွဲနိုင်ရန်အတွက် ကျောင်းတာဝန်ခံ ဆရာမအား ပေးအပ်ခဲ့ကြောင်းသိရသည်။ အဆိုပါအခမ်းအနား၌ အမှတ် ( ၂ ) အခြေခံပညာအထက်တန်း ကျောင်းရှိ ဆရာ/မ (၂၀)ဦး၊ ကျောင်းသူ/သား (၄၈၀)ဦး စုစုပေါင်း (၅၀၀) ဦး တက်ရောက်ခဲ့ပြီး နေ့လယ်( ၁၂း၀၀ )နာရီအချိန်တွင် အခမ်းအနားကို အောင်မြင်စွာ ပြီးစီးခဲ့ကြောင်း သတင်းရရှိပါသည်။
DOCA(စစ်ကိုင်း)