ပြည်တွင်းကုန်သွယ်မှုသတင်း

           ဖေဖော်ဝါရီလတတိယပတ်တွင်မန္တလေးစျေးကွက်သို့မန္တလေးတိုင်းဒေသကြီး၊ရမည်းသင်း ခရိုင်မှထွက်ရှိသည့်စပျစ်သီးများ စတင်ဝင်ရောက်လျက်ရှိပြီး၊ စစ်ကိုင်းတိုင်းဒေသကြီးမှလည်းဝင် ရောက်ကြောင်း သိရပါတယ်။ ရမည်းသင်းခရိုင်တွင် စားစပျစ်နှင့်ဝိုင်စပျစ်(၂) မျိုးလုံး စိုက်ပျိုး လျက်ရှိပြီး၊ အီတလီ No(3)၊BQ ၊ BK ၊ RG စပျစ်မျိုးများ၊ရိုးရိုးအချွန်၊ ပန်း‌ရောင်အချွန်မျိုးနှင့် ဂျပန်(စိမ်း)တို့ စိုက်ပျိုးကြောင်း  သိရပါတယ်။ စပျစ်သီးစားသုံးခြင်းဖြင့် ပန်းနာရင်ကျပ်ရောဂါ သက်သာစေခြင်း၊ နှလုံးရောဂါဖြစ်နိုင်‌ခြေလျော့ချပေးခြင်း၊ ခေါင်းကိုက်ခြင်းသက်သာစေခြင်း၊ ဝမ်းမှန်စေခြင်း၊အစာကြေညက်စေခြင်း၊ညောင်းညာမှုကို တွန်းလှန်နိုင်ခြင်း၊ ကျောက်ကပ်ရောဂါ သက်သာစေခြင်း၊ ရင်းသားကင်ဆာမဖြစ်အောင်ကာကွယ်ပေးခြင်း၊ ဦးနှောက်ကျန်းမာရေးနှင့် အာရုံကြောထိခိုက်မှုဆိုင်ရာရောဂါများ သက်သာစေခြင်းနှင့် မျက်စိကိုကျန်းမာစေခြင်းစသည့် အကျိုးကျေးဇူးများရရှိနိုင်ကြောင်း သိရပါတယ်။ စပျစ်သီးအား အသီးအတိုင်းစားသုံးခြင်း၊ အခြောက်ခံခြင်း၊ ယိုထိုးခြင်း၊ဝိုင်၊ ဖျော်ရည်နှင့်စားသောက်ကုန်တို့တွင် စပျစ်သီးခြောက်များထည့် ၍ စားသောက်ကြောင်းသိရပါတယ်။ သစ်သီးဝင်ရောက်မှုအနေဖြင့် ဒေသအသီးသီးမှ ဝင်ရောက် လာသည့် သစ်သီးများအား မန္တလေးမြို့၊စျေးချိုစျေး၊ ၂၉ လမ်းနှင့် ၃၁ လမ်းကြား၊ ၈၄ လမ်းနေရာ ရှိ သစ်သီးပွဲရုံများသို့ ဝင်ရောက်ကြောင်း သိရပါတယ်။စျေးချိုရှိသစ်သီးပွဲရုံများမှ ဝယ်ယူ၍ မြို့ပေါ် ရှိစျေးငယ်များနှင့်အခြားဒေသများသို့  ပြန်လည်ရောင်းချလျက်ရှိ ကြောင်းသိရပါတယ်။ မန္တလေး စျေးကွက်တွင် ၂၀၂၅ ခုနှစ် ဖေဖော်ဝါရီလတတိယပတ်အတွင်း ဝင်ရောက်လာသည့် စပျစ်သီး‌ စျေးမှာ  တစ်ပိဿာလျှင်စပျစ်သီး အလုံးဝိုင်း(ကြီး) ၁၂၀၀၀ ကျပ်နှင့် ၁၄၀၀၀ ကျပ်၊စပျစ်သီး အချွန်မျိုး ၁၁၀၀ဝ ကျပ်နှင့် ၁၂၀၀၀ ကျပ်၊ စပျစ်သီး(လုံးသေး) ၉၀၀၀ ကျပ်နှင့် ၁၀၀၀၀ ကျပ်စျေး ဖြစ်ပြီး၊ အသီးအရွယ်အစားအလိုက် စျေးအနည်းငယ်ကွာခြားမှုရှိကြောင်း သိရပါတယ်။ ပွင့်လင်း ရာသီ ရောက်လာပြီဖြစ်၍ ဖေဖော်ဝါရီလတတိယပတ်အတွင်း  မန္တလေးသစ်သီးစျေးကွက်တွင် စပျစ်သီးများ အရောင်းသွက်လျှက်ရှိကြောင်း  သိရပါတယ်။

DOCA(မန္တလေး)

ဖေဖော်ဝါရီလတတိယပတ်အတွင်း မန္တလေးပဲမျိုးစုံစျေးကွက်သို့ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ မကွေးတိုင်းဒေသကြီးနှင့် ရှမ်းပြည်နယ်တို့မှ ထွက်သည့်ထောပတ်ပဲ သီးနှံများ ဝင်ရောက်လာကြောင်း သိရပါတယ်။ ပဲမျိုးစုံအနက် ပဲသီးနှံမှာ ပြည်တွင်း စားသုံးမှု နှင့်ပြည်ပသို့တင်ပို့ရောင်းချသည့်စျေးကွက်ဝင်ပဲအမျိုးအစားဖြစ်ပါတယ်။ မန္တလေးတိုင်းဒေသကြီး သည်ပဲသီးနှံမျိုးစုံစိုက်ပျိုးမှုများပြားသည့်တိုင်းတစ်ခုဖြစ်ပြီး၊၃၁.၁.၂၀၂၅ ရက်နေ့အထိ၂၀၂၄-၂၀၂၅ ခုနှစ် ထောပတ်ပဲသီးနှံစိုက်ပျိုးမှု(၄၃၉၁၄)ဧက၊ ရိတ်သိမ်း(၂၃၈၁၈) ဧက၊ အထွက်နှုန်း(၆.၅၁)တင်း နှင့်အထွက်(၁၅၅၂၇၁)တင်းဖြစ်ကြောင်း သိရပါတယ်။ထောပတ်ပဲကိုပြည်တွင်း၌ အသားဟင်းများ နှင့်ရော၍ ပဲဟင်း၊ ပဲနှပ်၊ ပဲကြော်၊ ပဲပြုတ်၊ပဲနှင့်ပြုလုပ်သည့်မုန့်များအဖြစ်စားသုံးကြပြီး၊ အဟာရ အနေဖြင့် အစာကျေညက်လွယ်ခြင်း၊အရိုးအားကောင်းစေခြင်း၊ ဆံသားကျန်းမာစေခြင်း၊ အသား အရေလှပစေခြင်း၊ ကိုယ်ခံအားစနစ်ကောင်းမွန်စေခြင်း၊ နှလုံးကျန်းမာစေခြင်း၊ ကင်ဆာရောဂါကို လျော့ကျစေခြင်း၊ အသည်းကျန်းမာစေခြင်းတို့ကြောင့် ကျန်းမာရေးအတွက်အရေးပါသော ပဲတစ် မျိုးဖြစ်ကြောင်း သိရပါတယ်။  မန္တလေးပွဲစား၊ ကုန်သည်၊ စက်ပိုင်များ မဟာကထိန်တော် အသင်းတွင် ၂၀၂၅ခုနှစ်ဖေဖော်ဝါရီလတတိယပတ်အတွင်း ဖြစ်ပေါ်လျက်ရှိသော ပေါက်စျေးမှာ ၃တင်းဝင်တစ် အိတ်လျှင် ထောပတ်ပဲ(ဂေါက်) ၃၆၀၀၀၀ ကျပ်၊ထောပတ်ပဲ(သေး) ၂၈၀၀၀၀ ကျပ်၊တစ်ပိဿာပေါက်စျေးမှာ ထောပတ်ပဲ(ဂေါက်) ၆၄၀၀ ကျပ်၊ ထောပတ်ပဲ(သေး) ၄၉၇၈ ကျပ်တို့ဖြစ်ကြောင်း သိရပါတယ်။  ယခင်နှစ်ကာလတူ ပေါက်စျေးမှာ ၃တင်းဝင်တစ်အိတ်လျှင် ထောပတ်ပဲ(ကြီး)(သစ်) ၄၅၀၀၀၀ ကျပ်နှင့် ၄၇၀၀၀၀ ကျပ်၊ ထောပတ်ပဲ(လတ်)(သစ်)၄၂၀၀၀၀ ကျပ်နှင့် ၄၃၀၀၀၀ ကျပ်၊ ထောပတ်ပဲ(သေး)သစ် ၄၂၀၀၀၀ ကျပ်၊တစ်ပိဿာစျေးမှာ ထောပတ်ပဲ(ကြီး)(သစ်) ၈၀၀၀ ကျပ်နှင့် ၈၃၅၆ ကျပ်၊ထောပတ်ပဲကြီး(လတ်)(သစ်) ၇၄၆၇  ကျပ်နှင့် ၇၆၄၄ ကျပ်နှင့်ထောပတ်ပဲ(သေး)(သစ်)၇၄၆၇ကျပ်တို့ ဖြစ်ပေါ်ခဲ့ကြောင်းသိရပါတယ်။ ယခုနှစ်စျေးနှင့်ယခင်နှစ်စျေးနှိုင်းယှဉ်ပါက ထောပတ်ပဲတစ်ပိဿာလျှင် ၁၉၅၆ ကျပ်စျေးလျော့ နည်းသွားကြောင်းသိရပါတယ်။ထောပတ်ပဲဝင်ရောက်မှုပမာဏပေါ်မူတည်၍ ရက်အလိုက် ပေါက် စျေးအနည်း ငယ်ပြောင်းလဲမှုရှိကြောင်း သိရပါတယ်။

DOCA(မန္တလေး)

   ဖေဖော်ဝါရီလတတိယပတ်အတွင်း မန္တလေးပဲမျိုးစုံစျေးကွက်သို့ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီးနှင့် ရှမ်းပြည်နယ်တို့မှ ထွက် သည့်မတ်ပဲသီးနှံများ စတင်ဝင်ရောက်လာကြောင်း သိရပါတယ်။ ပဲမျိုးစုံအနက် မတ်ပဲ သီးနှံမှာ ပြည်တွင်းစားသုံးမှုနှင့် ပြည်ပသို့တင်ပို့ရောင်းချသည့်စျေးကွက်ဝင် ပဲအမျိုးအစားဖြစ်ပါတယ်။ မန္တလေးတိုင်းဒေသကြီးသည် ပဲသီးနှံမျိုးစုံစိုက်ပျိုးမှုများပြားသည့် တိုင်းတစ်ခုဖြစ်ပြီး၊ ၃၁.၁.၂၀၂၅ ရက်နေ့အထိ  ၂၀၂၄-၂၀၂၅ ခုနှစ် မတ်ပဲသီးနှံစိုက်ပျိုးမှု(၃၂၁၄၂)ဧက၊ ရိတ်သိမ်း(၁၀၄၉၅)ဧက၊ အထွက်နှုန်း(၁၂.၆၅)တင်း နှင့်အထွက် (၁၃၂၇၀၉)တင်းဖြစ်ကြောင်း သိရပါတယ်။ မတ်ပဲကို ပြည်တွင်း၌ ပဲဟင်း၊ ပဲနှပ်၊ ပဲကြော်၊ ပဲပြုတ်၊မတ်ပဲနှင့်ပြုလုပ်သည့်မုန့်များအဖြစ် စားသုံးကြပြီး၊ အဟာရအနေဖြင့် ဗီတာမင်၊ပရိုတင်း၊သတ္ထုဓာတ်များပါဝင်ခြင်းကြောင့် ကျန်းမာရေးအတွက် အရေးပါသော ပဲတစ်မျိုးဖြစ်ကြောင်း သိရပါတယ်။  မန္တလေးပွဲစား၊ကုန်သည်၊ စက်ပိုင်များ မဟာ ကထိန်တော်အသင်းတွင် ၂၀၂၅ခုနှစ်ဖေဖော်ဝါရီလတတိယပတ်အတွင်း ဖြစ်ပေါ်လျက်ရှိသော ပေါက်စျေးမှာ မတ်ပဲ ၃တင်းဝင်တစ်အိတ်လျှင်  ၂၆၀၀၀၀ ကျပ်နှင့် ၂၇၀၀၀၀ ကျပ်၊ တစ်ပိဿာ ပေါက်စျေးမှာ ၄၃၃၃ ကျပ်နှင့် ၄၅၀၀ ကျပ်တို့ဖြစ်ကြောင်းသိရပါတယ်။  ယခင်နှစ်ကာလတူ ပေါက်စျေးမှာ မတ်ပဲ ၃တင်းဝင်တစ်အိတ်လျှင် ၂၈၂၀၀၀ ကျပ်နှင့် ၂၈၅၀၀၀ ကျပ်၊တစ်ပိဿာ စျေးမှာ ၄၇၀၀ ကျပ်နှင့် ၄၇၅၀ ကျပ် ဖြစ်ပေါ်ခဲ့ပြီး၊ ယခုနှစ်စျေးနှင့်ယခင်နှစ်စျေးနှိုင်းယှဉ်ပါက မတ်ပဲတစ်ပိဿာလျှင် ၂၅၀ကျပ်ခန့်လျော့နည်းသွားကြောင်းသိရပါတယ်။ မတ်ပဲဝင်ရောက်မှု ပမာဏပေါ်မူတည်၍ ရက်အလိုက်ပေါက်စျေးအနည်းငယ်ပြောင်းလဲမှုရှိကြောင်း သိရပါတယ်။

DOCA(မန္တလေး)

ခရမ်းချဉ်သီးဟုဆိုလိုက်သည်နှင့် ကျွန်ုပ်တို့နေ့စဉ် စားသုံးနေသော ဟင်းလျာများတွင် ပါဝင် လေ့ရှိသော နီရဲရဲအရောင်ကိုပိုင်ဆိုင်ထားသည့် အသီးကလေးများကို ပြေး၍ မြင်ယောင်မိကြမည်မှာ လူတိုင်းပင်ဖြစ်သည်။ မှန်ပါသည်။ ကျွန်ုပ်တို့ ခန္ဓာကိုယ်ကို အာဟာရဓာတ်ဖြည့်တင်းပေးနေသော အစားအစာများထဲတွင် ခရမ်းချဉ်သီးသည် ထိပ်ဆုံးမှ ပါဝင်နေပေသည်။ အသုတ်အမျိုးမျိုး၊ အသင့်စား အနှစ်ယိုစသည်တို့တွင် ခရမ်းချဉ်သီးသည် ပါဝင်နေပေသည်။ ဆောင်းတွင်း၏ ရာသီပေါ်အစားအစာ တစ်မျိုးဖြစ်သည့် ခရမ်းချဉ်သီးအကြောင်းကို လေ့လာထားရှိမိသလောက် ဆွေးနွေးတင်ပြလိုပါသည်။

          ခရမ်းချဉ်သီး၏ မူလပေါက်ရောက်ရာဒေသမှာ အမေရိကတိုက်ရှိ ပူပြင်းစိုစွတ်သောအပိုင်းဖြစ် ပေသည်။ ၁၆ ရာစုဆန်းစအချိန်တွင် ဥရောပတိုက်သို့ ခရမ်းချဉ်သီးပင် စတင်ရောက်ရှိလာပြီး ယခုအခါ၌ ကမ္ဘာပေါ်ရှိ အပူပိုင်းဒေသများနှင့် သမပိုင်းဒေသများ၌ ခရမ်းချဉ်သီးပင်ကို ဟင်းသီးဟင်းရွက်ပင်အဖြစ် စိုက်ပျိုးလျက်ရှိကြပြီဖြစ်သည်။ အသီး၏အရွက်နှင့်ပုံဏ္ဍာန်အမျိုးမျိုးကိုလိုက်၍ ခရမ်းချဉ်ပင်မှာ အမျိုးမျိုး ကွဲပြားလျက်ရှိသည်။ ခရမ်းချဉ်ရွက်များတွင် အမွှေးအမျှင်ကလေးများရှိ၍ အနံ့ဆိုးရွားသည်။ အပွင့်မှာ ဝါသည်။ အသီး၏အတွင်းသားမှာ ပျော့အိပိဖြစ်လျက် အစေ့ဝါကလေးများဖြင့် ပြည့်နှစ်နေပြီး အရည်ရွှမ်းသော အသီးဖြစ်သည်။

          ခရမ်းချဉ်သီးပင်သည် အဆိပ်အတောက်ရှိသော အပင်မျိုးစုဝင်ထဲမှ ဖြစ်ခြင်းကြောင့် ၁၉ ရာစုမတိုင်မီက လူတို့သည် ခရမ်းချဉ်သီးကို မစားသုံးခဲ့ကြပေ။ သို့သော် ယခုအခါတွင်မူ ခရမ်းချဉ်သီးမှာ မီးဖိုချောင်၏မပါမဖြစ် အသီးအနှံအဖြစ် နေရာယူထားပြီဖြစ်သည်။ ခရမ်းချဉ်သီးအမှည့်များကို အစိမ်းလိုက်ဖြစ်စေ၊ ချက်ပြုတ်၍ဖြစ်စေစားသုံးကြသည်။ မြန်မာနိုင်ငံတစ်ဝှမ်းလုံးတွင် ခရမ်းချဉ်သီးကို တွင်ကျယ်စွာ စိုက်ပျိုးလျက်ရှိသည်။ ချဉ်ရည်အမျိုးမျိုးကိုလည်း ခရမ်းချဉ်သီး အမှည့်များမှပြုလုပ် ကြသည်။ အထူးသဖြင့် ဟင်းရွက်သုပ်များ၊ အသားသုပ်များ၊ လက်ဖက်သုပ်များတွင် အသုံးများကြသည်။

          မြန်မာနိုင်ငံတွင် ထိုင်ဝမ်ခရမ်းချဉ်သီး၊ ဗမာခရမ်းချဉ်သီး၊ ဆင်ခရမ်းချဉ်သီးစသည်ဖြင့် ခရမ်းချဉ်သီး မျိုးစိတ် အမျိုးမျိုးကို စိုက်ပျိုးကြသည်။  ခရမ်းချဉ်သီးတွင် ရေဓာတ် ၉၅ % ပါဝင်ပြီး ကာဗွန်ဟိုက်ဒရိတ် ၅ % ပါဝင်ပါသည်။ ဗီတာမင်နှင့် အခြားသတ္ထုဓာတ်များအနေဖြင့် Vitamin C, Potassium , Vitamin K စသည်တို့ပါဝင်သည်။ ခရမ်းချဉ်သီးဖြင့် ပြုလုပ်ထားသော အလှကုန်ပစ္စည်းများကို အသုံးပြုခြင်းဖြင့် အရေပြားကိုကာကွယ်ပေးခြင်း၊ နေလောင်သက်သာစေခြင်း၊ အနာကျက်စေရာတွင်ကူညီခြင်း၊ အရေပြား ရောင်ရမ်းခြင်းမှ သက်သာစေခြင်း၊ ကော်လာဂျင် ထွက်ရှိမှုကို မြှင့်တင်ပေးခြင်း၊ ဆဲလ်သေများကို ဖယ်ရှားပေးခြင်း၊ အကြောပြတ်ရာများကိုသက်သာစေခြင်း၊ အစိုဓာတ်ဖြည့်တင်းပေးခြင်းစသည့် အကျိုး ကျေးဇူးများရရှိနိုင်ပါသည်။

          ခရမ်းချဉ်သီးနှင့် ပြုလုပ်ထားသည့် “ပန်ထွေဖျော်”ကို  ဆောင်းရာသီနံနက်ခင်းများတွင် နံနက်စာ အဖြစ် ထမင်းကြမ်းစားလေ့ရှိသော မြန်မာလူမျိုးများအတွက် အဓိကဟင်းလျာ ဖြစ်ပေသည်။ စိုက်ပျိုးရာတွင်လည်း ဧရာဝတီမြစ်တစ်လျှောက် စိုက်ပျိုးနိုင်ပြီး မြစ်ဝကျွန်းပေါ်ဒေသ၊ နုန်းတင် မြေနုများတွင်လည်း အောင်မြင်စွာ စိုက်ပျိုးနိုင်ပေသည်။

          အချုပ်အားဖြင့်ဆိုရသော် နေ့စဉ်ချက်ပြုတ်စားသောက်နေသော ဟင်းလျာများတွင် မရှိမဖြစ် ပါဝင်နေသော ခရမ်းချဉ်သီးသည် လူသားတို့အတွက် ကျန်းမာရေးရှုထောင့်မှ အထောက်အကူပေးလျက် ရှိသော အသီးအနှံတစ်မျိုးဖြစ်ပြီး ဈေးကွက်အတွင်းတွင် ထိုင်ဝမ်ခရမ်းချဉ်သီး တစ်ပိဿာလျှင် လက်လီ ဈေးနှုန်း ၁၀၀ဝိ/-၊ လက်ကားဈေးနှုန်း ၈၀ဝိ/-၊ ဗမာခရမ်းချဉ်သီးတစ်ပိဿာလျှင် လက်လီဈေးနှုန်း ၁၅၀ဝိ/-၊ လက်ကားဈေးနှုန်း ၁၃၀ဝိ/- ရှိပြီး ခရမ်းချဉ်သီးအမျိုးအစားနှင့် အလုံးအရွယ်အစား အကြီး အသေးအလိုက် ဈေးနှုန်းကွာခြားမှုရှိကြောင်း သိရပါသည်။

DOCA(မန္တလေး)

         ဧရာဝတီတိုင်းဒေသကြီး၊ ဟင်္သာခရိုင်အတွင်းရှိ ဇလွန်မြို့နယ်တွင် အိမ်ပြန်လက်ဆောင်အဖြစ် မရွေး၊ ဂျင်းသုပ်၊ ယိုမျိုးစုံ၊ ပဲကြီးလှော်နှင့် ငှက်ပျော်ကြော်လုပ်ငန်းတို့ကို အိမ်တွင်းစီးပွားဖြစ် တစ်နိုင်တစ် ပိုင်လုပ်ကိုင်ကြပါသည်။ ဇလွန်မြို့နယ်၊ ဆပ်အိုင်ရွာ၊ လမိုင်းအုပ်စုရှိ ဦးနိုင်လင်းထွန်း ထုတ်လုပ်သော OT ပွိုင့် အမှတ်တံဆိပ်ဖြင့် ကြာဇံမရွေး၊ ပေါက်ပေါက်မရွေးနှင့် အကြော်စုံလုပ်ငန်းသို့ (၁၃.၂.၂၀၂၅)ရက်နေ့ နံနက် (၁၀:၀၀)နာရီအချိန်တွင် စားသုံးသူရေးရာဦးစီးဌာန ဇလွန်မြို့နယ်ရုံးမှ စစ်ဆေးရေးအရာရှိ ဒေါ်စိမ်းမြသီတာမှ  ကွင်းဆင်းလေ့လာခြင်းကိုဆောင်ရွက်ခဲ့ပါသည်။

             “OT ပွိုင့်” မရွေးလုပ်ငန်းတွင် ကြာဇံမရွေး၊ ပေါ်ဆန်းမရွေးတို့ကိုသာ အဓိကထားထုတ်လုပ်ကြောင်း သိရှိရပါသည်။ မရွေးပြုလုပ်ရာတွင် ကုန်ကြမ်းပစ္စည်းဖြစ်သော ကြာဇံ၊ ပေါ်ဆန်းဆန်နှင့် ကောက်ညှင်းတို့ကို ရန်ကုန်မြို့မှ ဝယ်ယူကြောင်း၊ ကြာဇံ(၁၅)ပိဿာလျှင် ကုန်ကျစရိတ် ၄ သိန်းဝန်း ကျင်ရှိပြီး ၇၀၀ ကျပ်တန် အထုပ် (၆၀၀)ထွက်ရှိပါသည်။ မိသားစုတစ်နိုင်တစ်ပိုင်လုပ်ငန်းဖြစ်သည့် အလျောက် လုပ်သား (၃) ဦးဖြင့်သာ လုပ်ကိုင်လျက်ရှိကြောင်း သိရှိရပါသည်။ ထုတ်လုပ်သော မရွေးများသည် အရသာရှိယုံသာမကဈေးနှုန်းချိုသာလှသည့်အတွက် ပြန်လည်ရောင်းချရန် ဖောက်သည် ယူသူများလည်း အများအပြားရှိပါသည်။ ပေါက်ပေါက်မရွေးထက် ကြာဇံမရွေးကိုသာ ပိုမိုရောင်းချရ သည့် အတွက် မှာယူမှု များသော ကြာဇံမရွေးကိုသာ အဓိကထား ထုတ်လုပ်လျက်ရှိပြီး နွေဦးရာသီဘုရားဖူးကာလများတွင်  ပိုမိုအရောင်းသွက်လျက်ရှိကြောင်း သိရှိရပါသည်။

DOCA(ဧရာဝတီ)

DOCA(ဇလွန်)