ပြည်တွင်းကုန်သွယ်မှုသတင်း

     စစ်ကိုင်းတိုင်းဒေသကြီးအတွင်းရှိ  ဆန်ပိုဒေသများဖြစ်သော ကလေး၊ ကသာ၊ ကန့်ဘလူ၊ ရွှေဘိုနှင့် ရေဦး၊ ကသာခရိုင်(အင်းတော်မြို့နယ်)နှင့် မုံရွာခရိုင်များ အနေဖြင့် စပါး၊ ဆန် အသစ်များ ပေါ်လာပြီး  ဈေးနှုန်းများမြင့်တက် နေပါကြောင်း သိရှိရပါသည်။

    စစ်ကိုင်းတိုင်းဒေသကြီးအတွင်း ဖေဖော်ဝါရီလ  (ဒုတိယ) ပတ်တွင် ဖြစ်ပေါ်နေသော စပါး/ ဆန် ဈေးနှုန်းများမှာ ရွှေဘိုခရိုင်၊ ရွှေဘိုမြို့နယ်မှ ရွှေဘိုပေါ်ဆန်း (စပါး)(သစ်)  တင်း ၁၀၀လျှင် ကျပ် ၄၀၀၀၀၀၀၊ ပေါ်ဆန်း (ဆန်) (သစ်)၂၄ ပြည်ပါ တစ်အိတ်လျှင် ၁၅၀၀၀၀ကျပ်၊ ပေါ်ဆန်း (ဆန်) (ဟောင်း)၂၄ပြည်ပါ တစ်အိတ်လျှင် ၁၆၀၀၀၀ကျပ်၊ ရွှေဘိုဧရာမင်း(စပါး)(သစ်)  တင်း ၁၀၀လျှင် ကျပ် ၃၁၀၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင်၁၄၀၀၀၀ ကျပ်၊ ဧရာမင်း (ဆန်)(ဟောင်း) ၂၄ပြည်ပါ တစ်အိတ်လျှင် ၁၆၀၀၀၀ ကျပ်ဖြင့် အရောင်း အဝယ်ဖြစ်နေကြောင်း သိရပါသည်။

    ရေဦးခရိုင်၊ ရေဦးမြို့နယ်မှ ပေါ်ဆန်း (စပါး)(သစ်)  တင်း ၁၀၀လျှင် ကျပ် ၄၀၀၀၀၀၀၊ ပေါ်ဆန်း (ဆန်) (သစ်)၂၄ပြည်ပါ တစ်အိတ်လျှင် ၁၅၀၀၀၀ကျပ်၊ ပေါ်ဆန်း (ဆန်) (ဟောင်း)၂၄ပြည်ပါ တစ်အိတ်လျှင် ၁၆၀၀၀၀ကျပ်၊ ရွှေဘိုဧရာမင်း(စပါး)(သစ်)  တင်း ၁၀၀လျှင် ကျပ် ၃၁၀၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင် ၁၄၀၀၀၀ ကျပ်၊ ဧရာမင်း (ဆန်)(ဟောင်း) ၂၄ပြည်ပါ တစ်အိတ်လျှင် ၁၆၀၀၀၀ ကျပ်ဖြင့် အရောင်း အဝယ်ဖြစ်နေကြောင်း သိရပါသည်။

   ကလေးခရိုင်၊ ကလေးမြို့နယ်မှ ဧည့်မထ(စပါး) (သစ်)တင်း၁၀၀ လျှင် ၂,၆၅၀,၀၀၀၊ ဧည့်မထ (ဆန်) (သစ်)‌၂၄ပြည်ပါ တစ်အိတ်မှာ ကျပ် ၈၅,၀၀၀၊ ဧည့်မထ(စပါး)(‌ဟောင်း) တင်း၁၀၀ လျှင် ၂,၉၀၀,၀၀၀၊ ဧည့်မထ (ဆန်) ‌၂၄ပြည်ပါ တစ်အိတ်မှာ ကျပ် ၁၀၅,၀၀၀၊ ငစိန်(စပါး)(ဟောင်း)တင်း၁၀၀လျှင် ၂၈၀၀,၀၀၀၊ ငစိန် (ဆန်)(ဟောင်း)၂၄ပြည်ပါ တစ်အိတ်မှာ ၉၅,၀၀၀၊ ငစိန်(စပါး)(သစ်)တင်း၁၀၀လျှင် ၂၄၅၀,၀၀၀၊ ငစိန် (ဆန်)(သစ်)၂၄ပြည်ပါ တစ်အိတ်မှာ ၇၀,၀၀၀၊ ဧရာမင်း(စပါး)(သစ်) တင်း ၁၀၀ လျှင် ကျပ် ၂,၇၀၀,၀၀၀၊ ဧရာမင်း(ဆန်)(သစ်)၂၄ပြည်ပါ တစ်အိတ်မှာ ကျပ်၉၅,၀၀၀၊ ဧရာမင်း(စပါး) (ဟောင်း)တင်း ၁၀၀ လျှင် ကျပ် ၃,၁၀၀,၀၀၀၊ ဧရာမင်း(ဆန်)(‌ဟောင်း)၂၄ပြည်ပါ တစ်အိတ်မှာ ကျပ် ၁၃၀,၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

     ကသာခရိုင်၊ အင်းတော်မြို့နယ်မှ ဆင်းဧကရီ(၃)(စပါး) (သစ်) တင်း ၁၀၀ လျှင် ကျပ် ၁,၅၀၀,၀၀၀၊ ဆင်းဧကရီ-၃ ဆန် (သစ်) ၂၄ပြည်တစ်အိတ်မှာကျပ် ၈၀,၀၀၀၊ ဆင်းဧကရီ(၃)(စပါး) (ဟောင်း) တင်း၁၀၀ လျှင် ကျပ် ၂,၀၀၀,၀၀၀၊ ဆင်းဧကရီ-၃ ဆန် (ဟောင်း) ၂၄ပြည်တစ်အိတ်မှာကျပ် ၉၅,၀၀၀ ဧရာမင်း (စပါး) သစ် တင်း ၁၀၀လျှင် ကျပ် ၂,၀၀၀,၀၀၀၊ ဧရာမင်း(ဆန်) ၂၄ပြည် ဆန်တစ်အိတ်လျှင် ကျပ် ၉၀၀၀၀၊ ဧရာမင်း (စပါး) (ဟောင်း) တင်း ၁၀၀လျှင် ကျပ် ၂,၅၀၀,၀၀၀၊ ဧရာမင်း(ဆန်) (ဟောင်း)  ၂၄ပြည် ဆန်တစ်အိတ်လျှင် ကျပ် ၁၂၀၀၀၀ ဖြင့်အရောင်းအဝယ်ဖြစ်နေကြောင်း သိရပါသည်။

     မုံရွာခရိုင်၊ မုံရွာမြို့တွင် ဧရာမင်း(စပါး)(သစ်)တင်း ၁၀၀ လျှင် ကျပ် ၃,၀၀၀,၀၀၀၊  ဧရာမင်း (ဆန်)(သစ်) ၂၄ပြည် တစ်အိတ်မှာ ကျပ် ၁၃၀၀၀၀၊ ဧရာမင်း(စပါး)(ဟောင်း)တင်း ၁၀၀ လျှင် ကျပ် ၃,၆၀၀,၀၀၀၊  ဧရာမင်း (ဆန်)(ဟောင်း) ၂၄ပြည် တစ်အိတ်မှာ ကျပ် ၁၅၀၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

    ကန့်ဘလူခရိုင်၊ ကန့်ဘလူမြို့တွင်  ဧရာမင်း(စပါး)(သစ်)တင်း ၁၀၀ လျှင် ကျပ် ၂၆၀၀,၀၀၀၊  ဧရာမင်း (ဆန်)၂၄ပြည် တစ်အိတ်မှာ ကျပ် ၁၂၀၀၀၀၊ ပေါ်ဆန်း(စပါး)(သစ်) တင်း ၁၀၀လျှင် ကျပ် ၃၄၀၀၀၀၀ ပေါ်ဆန်း (ဆန်)၂၄ ပြည်တစ်အိတ်လျှင် ကျပ် ၁၃၀၀၀၀ ဖြင့် အရောင်း အဝယ်ဖြစ်နေကြောင်း သိရှိရပါသည်။

      စစ်ကိုင်းတိုင်းဒေသကြီးမှ ဇန်နဝါရီလ (စတုတ္ထ)ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့  ဆန်စီးထွက်မှုမှာ ရန်ကုန်သို့ အိတ်ရေ ၂၃၀၀၀၊ မန္တလေး သို့ အိတ်ရေ ၂၈၅၀၀၊ နေပြည်တော်သို့ အိတ်ရေ ၃၅၀၀၊ ရှမ်း (တောင်)သို့ အိတ်ရေ ၂၅၀၀၊ မွန်သို့ အိတ်ရေ ၁၂၇၈၀၊ ကချင်သို့ အိတ်‌ရေ ၈၇၈၅၊ ပခုက္ကူသို့ အိတ်ရေ ၆၆၀  စုစုပေါင်း အိတ်ရေ (၇၉၇၂၅)  အိတ်၊ တန်အား ဖြင့် (၃၉၈၆)  စီးထွက်ခဲ့ပြီး ယခုဖေဖော်ဝါရီလ  (ဒုတိယ) ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့  ဆန်စီးထွက်မှုမှာ ရန်ကုန်သို့ အိတ်ရေ ၂၃၀၀၀၊ မန္တလေး သို့ အိတ်ရေ ၂၇၂၀၀ နေပြည်တော်သို့ အိတ်ရေ ၃၃၀၀၊ ရှမ်း (တောင်)သို့ အိတ်ရေ ၂၈၀၀၊ မွန်သို့ အိတ်ရေ ၉၉၀၀၊ ကချင်သို့ အိတ်‌ရေ ၃၉၅၀၊ ပခုက္ကူသို့ အိတ်ရေ ၆၀၀  စုစုပေါင်း အိတ်ရေ (၇၀၇၅၀)  အိတ်၊ တန်အားဖြင့် (၃၅၃၇) စီးထွက်ခဲ့သည့်အတွက်  ယခင်ပတ်နှင့် နှိုင်းယှဉ်လျှင် ယခုပတ်တွင် အိတ်ရေ (၈၉၇၅) အိတ်၊ တန်အားဖြင့် ( ၄၄၉) လျော့နည်း စီးထွက်ခဲ့ပါကြောင်း သိရှိရပါသည်။

DOCA(စစ်ကိုင်း)

     ကန့်ဘလူ၊ ကျွန်းလှမြို့တို့တွင် ၂၀၂၄ခုနှစ်၊ ဖေဖေါ်ဝါရီလ ဒုတိယပတ်အတွင်း အရောင်းအဝယ်ဖြစ်နေသော အခြေခံစားသောက်ကုန်ဈေးနှုန်းများမှာ ရွှေဘိုပေါ်ဆန်း (အသစ်)တစ်ပြည်လျှင် ကျပ်၅၅၀၀၊ ဧရာမင်း (အသစ်)တစ်ပြည်လျှင် ကျပ်၅၀၀၀ဖြင့် အရောင်းအဝယ်ဖြစ်လျက်ရှိသည်။ ကြက်သွန်နီလက်လီဈေးမှာ အလုံးအကြီး/အသေးနှင့် အမျိုးအစားပေါ်မူတည်၍ တစ်ပိဿာလျှင် ကျပ်(၂၀၀၀/၁၅၀၀)၊ ကြက်သွန်ဖြူ လက်လီဈေးမှာ (ဗမာ)အကြီးတစ်ပိဿာလျှင် ကျပ်၁၈၀၀၀ အလုံးအသေးတစ်ပိဿာလျှင် ကျပ်၁၆၀၀၀ ၊ ကြက်သွန်ဖြူ (ကြူကုတ်) တစ်ပိဿာလျှင် ကျပ်၁၂၀၀၀၊ ချင်းတစ်ပိဿာလျှင် ကျပ်၅၅၀၀၊ အာလူးအသေး/အကြီးတစ်ပိဿာလျှင် အမျိုးအစားအလိုက် ကျပ်(၂၅၀၀/၃၀၀၀)၊ ငရုတ်သီးခြောက်တစ်ပိဿာလျှင် ကျပ်၁၄၀၀၀၊ ကုလားပဲဆံတစ်ပြည်လျှင် ကျပ်၈၅၀၀၊ စွန်တာနီပဲလုံးကြားတစ်ပြည်လျှင် အလုံးလှလျှင် ကျပ်၄၈၀၀ဖြင့် အရောင်းအဝယ်ဖြစ်လျက်ရှိသည်။

     ကန့်ဘလူ၊ ကျွန်းလှတို့၏ အသီးအရွက်ဈေးနှုန်းများမှာ ခရမ်းချဉ်သီး(ထိုင်ဝမ်) တစ်ပိဿာလျှင် ကျပ်၅၀၀၊ ခရမ်းချဉ်သီး (ဗမာ) တစ်ပိဿာလျှင် ကျပ်၁၀၀၀၊ ခရမ်းသီးတစ်ပိဿာလျှင်ကျပ်၅၀၀၊ ငရုတ်သီးစိမ်းတစ်ပိဿာလျှင် ကျပ်၂၅၀၀၊ ပန်းဂေါ်ဖီတစ်ပွင့်လျှင် ကျပ်၈၀၀၊ ဂေါ်ဖီထုပ်တစ်ထုပ်လျှင် ကျပ်၈၀၀၊ ပဲသီးတောင့်ရှည်တစ်စည်းလျှင် ကျပ်၂၅၀၊ ကန်စွန်းရွက်တစ်စည်းလျှင် ကျပ်၁၅၀၊ ချဉ်ပေါင်ရွက်တစ်ပုံလျှင် ကျပ်၂၀၀၊ မုံညှင်းဖူးတစ်စည်းလျှင် ကျပ်၃၀၀၊ ကိုက်လန်တစ်စည်းလျှင် ကျပ်၃၀၀၊ မုန်ညှင်းဥဖြူ(၃)လုံးပါ တစ်တွဲလျှင် ကျပ်၃၀၀၊ သံပရာသီးတစ်လုံးလျှင် ကျပ်၁၀၀၊ ထောါပတ်ပဲစို နို့ဆီတစ်ဘူးလျှင် ကျပ်၈၀၀တို့ဖြင့် အရောင်းအဝယ်ဖြစ်လျက်ရှိသည်။

     ကန့်ဘလူ၊ ကျွန်းလှတို့၏ အသား/ငါးဈေးနှုန်းများမှာ ကြက်သား(ဗမာ/cp) တစ်ပိဿာလျှင် ကျပ်(၁၄၀၀၀/ ၁၈၀၀၀)၊ ဝက်သားတစ်ပိဿာလျှင် ကျပ်၁၆၀၀၀၊ အမဲသားတစ်ပိဿာလျှင် ကျပ်၁၄၀၀၀၊ ငါးကြင်းအကောင်လိုက်တစ်ပိဿာလျှင်  ကျပ်၁၀၀၀၀၊ ငါးကြင်းခုတ်သားတစ်ပိဿာလျှင် ကျပ်၁၆၀၀၀၊ တီလားဗီးယားငါးအကောင်သေးတစ်ပိဿာလျှင် ကျပ်၆၀၀၀၊ အကြီးတစ်ပိဿာလျှင် ကျပ်၉၀၀၀၊ ကြက်ဥတစ်လုံးလျှင် ကျပ်၂၅၀၊ ဘဲဥတစ်လုံးလျှင် ကျပ်၄၀၀တို့ဖြင့်အရောင်းအဝယ်ဖြစ်လျက်ရှိပြီး စားသုံးဆီဈေးနှုန်းများမှာ မြေပဲဆီသန့်တစ်ပိဿာလျှင် ကျပ်၁၄၀၀၀၊ စားအုန်းဆီတစ်ပိဿာလျှင် ကျပ်၆၁၀၀ဖြင့် အရောင်းအဝယ်ဖြစ်နေကြောင်းသိရှိရပါသည်။

   ဖေဖေါ်ဝါရီလ ဒုတိယပတ်အတွင်းဖြစ်ပေါ်နေသော အခြေခံစားသောက်ကုန်ဈေးနှုန်းများကို ဖေဖေါ်ဝါရီလ ပထမအပတ်ဈေးနှုန်းများနှင့်နှိုင်းယှဉ်ကြည့်ပါက အခြားအခြေခံစားသောက်ကုန်ဈေးနှုန်းများနှင့် အသားငါးဈေးနှုန်းများမှာ တည်ငြိမ်လျက်ရှိကာ အသီးအရွက်ဈေးနှုန်းများမှာ အနည်းငယ်ကျဆင်းလျက်ရှိကြောင်း ကန့်ဘလူမြို့မစည်ပင်သာယာဈေးရှိ ဈေးရောင်းချသူများထံမှသိရှိရပါသည်။

DOCA(စစ်ကိုင်း)

    မြန်မာနိုင်ငံစက်သုံးဆီ တင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီအနေဖြင့် တိုင်းဒေသကြီး/ပြည်နယ်အလိုက် မြို့ကြီးများ၏ ရည်ညွှန်းလက်ကားဈေးနှုန်းများကို နေ့စဉ်ထုတ်ပြန်ပေးလျက်ရှိပါသည်။

       စစ်ကိုင်းတိုင်းဒသကြီး၊ ကန့်ဘလူခရိုင်၊ ကျွန်းလှမြို့နယ်တွင် စက်သုံးဆီဆိုင်(၃)ဆိုင်ပုံမှန်ဖွင့်လှစ်ရောင်းချလျက်ရှိပြီး ၂၀၂၄ခုနှစ်၊ ဖေဖေါ်ဝါရီလ ပထမပတ်တွင် စက်သုံးဆီဈေးနှုန်းများမှာ ဓာတ်ဆီ (92) တစ်လီတာလျှင် ကျပ်(၃၀၉၅)၊ ဓာတ်ဆီ(95)တစ်လီတာလျှင် ကျပ်(၃၂၃၅)၊ ဒီဇယ်(ရိုးရိုး) တစ်လီတ လျှင် ကျပ်(၂၈၆၀)၊ ဒီဇယ်(ပရီမီယမ်)တစ်လီတာလျှင် ကျပ်(၂၉၁၀)ဖြင့်ရောင်းချလျက်ရှိကြောင်းသိရှိရပါသည်။

   ဖေဖေါ်ဝါရီလ ဒုတိယပတ်တွင် စက်သုံးဆီဈေးနှုန်းများမှာ ဓာတ်ဆီ (92) တစ်လီတာလျှင် ကျပ်(၃၀၀၀)၊ ဓာတ်ဆီ(95)တစ်လီတာလျှင် ကျပ်(၃၁၄၀)၊ ဒီဇယ်(ရိုးရိုး) တစ်လီတာလျှင် ကျပ်(၂၈၂၅)၊ ဒီဇယ်(ပရီမီယမ်)တစ်လီတာလျှင် ကျပ်(၂၈၈၀)ဖြင့်ရောင်းချသောကြောင့် ယခင်အပတ်ဈေးနှုန်းတို့နှင့်နှိုင်းယှဉ်ပါက ဓာတ်ဆီ(92)တစ်လီတာလျှင် ကျပ်(၉၅)၊ ဓာတ်ဆီ(95)တစ်လီတာလျှင် ကျပ်(၉၅)၊ ဒီဇယ်(ရိုးရိုး)တစ်လီတာလျှင် ကျပ်(၃၅) ဒီဇယ်(ပရီမီယမ်) တစ်လီတာလျှင် ကျပ်(၃၀)စီ စသည်ဖြင့် ယခင်အပတ်ထက် ဈေးနှုန်းများအနည်းငယ်ပြန်လည်ကျဆင်းလျက်ရှိကြောင်းသိရှိပါသည်။

     ဇန်နဝါရီလ ဒုတိယပတ်နှင့် ဖေဖေါ်ဝါရီလ ဒုတိယပတ်ဈေးနှုန်းတို့ကိုနှိုင်းယှဉ်ကြည့်ပါက ဓာတ်ဆီ(92)တစ်လီတာလျှင် ကျပ်(၁၈၅)၊ ဓာတ်ဆီ(95)တစ်လီတာလျှင် ကျပ်(၂၀၀)၊ ဒီဇယ်(ရိုးရိုး) တစ်လီတာလျှင်ကျပ်(၁၈၅) ဒီဇယ်(ပရီမီယမ်) တစ်လီတာလျှင် ကျပ်(၁၆၀) စီ ယခင်လ ပထမပတ်ထက် ဈေးနှုန်းများအနည်းငယ်မြင့်တက်လျက်ရှိကြောင်း ကျွန်းလှမြို့၊ စက်သုံးဆီဆိုင်များမှ သတင်းရရှိပါသည်။

DOCA(စစ်ကိုင်း)

     စစ်ကိုင်းတိုင်းဒေသကြီးအစိုးရအဖွဲ့၏ စီစဉ်ကြီးကြပ်မှုဖြင့် တန်ဖိုးသင့်အခြေခံစားသောက်ကုန်များကို စိုက်ပျိုး/ မွေးမြူထုတ်လုပ်သူများအနေဖြင့် ဆန်၊ ဆီနှင့် ကြက်ဥ၊ ဒေသထွက် ဟင်းသီးဟင်းရွက်သီးနှံများကို ၂၀၂၄ခုနှစ်၊ ဖေဖော်ဝါရီလ ၁၀ရက်နေ့၊  နံနက် (၀၇:၀၀) နာရီအချိန်တွင် မုံရွာမြို့၊ ပြည်ထောင်စုဈေးတို့၌ သက်သာသောဈေးနှုန်းဖြင့် အပတ်စဉ် ရောင်းချပေးလျက်ရှိပါသည်။

    ထိုသို့ရောင်းချပေးခဲ့ရာတွင် တိုင်းဒေသကြီးအစိုးရအဖွဲ့၊ ဝန်ကြီးချုပ်ဦးမြတ်ကျော်၏ ကြီးကြပ်မှုဖြင့် အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန၊ မွေးမြူရေးနှင့်ကုသရေးဦးစီးဌာန၊ စည်ပင်သာယာရေးအဖွဲ့၊ စိုက်ပျိုး‌ရေးဦးစီးဌာန၊ စက်မှုကြီးကြပ်ရေးနှင့်စစ်ဆေးရေးဦးစီးဌာနတို့သည် အခြေခံစားကုန်များကုန်ဈေးနှုန်းကြီးမြင့်မှုမရှိစေရေးအတွက် ကိုယ်တိုင်စိုက်ပျိုး/မွေးမြူ/ထုတ်လုပ်သူများနှင့်ပူးပေါင်းကာ စားအုန်းဆီတစ်ပိဿာလျှင် ၅၉၀၀ကျပ်၊ ဝယ်ယူသည့်ပြည်သူများအဆင်ပြေစေရန်အတွက် ကောင်တာ (၅) ခုခွဲ၍ ဆီ (၆၆၀) ပိဿာ၊ ဆန်တစ်ပြည်လျှင် ၃၀၀၀ကျပ်၊ ဆန်(၂၄)ပြည်ဝင်အိတ် (၂၅) အိတ်၊  ကြက်ဥ (၅) လုံးပါတစ်ထုပ်လျှင် ၁၀၀၀ကျပ်၊ ကြက်ဥအလုံး (၂၇၀၀)လုံး၊ ငုံးဥ ( ၁၆ ) လုံးပါတစ်ထုပ်လျှင် ၁၀၀၀ကျပ်၊ အလုံး( ၃၀၀၀ )နှင့် ကြာဇံများ၊ ခေါက်ဆွဲခြောက်များ၊ ကုလားပဲမှုန့်များ၊ ကိတ်စို/ကိတ်ခြောက်များနှင့် ဒေသထွက်ဟင်းသီးဟင်းရွက်သီးနှံများကို ပြင်ပပေါက်ဈေးထက် သက်သာသောဈေးနှုန်းများဖြင့် ရောင်းချပေးခဲ့ကြောင်းသိရှိရပါသည်။

DOCA(စစ်ကိုင်း)

    မကွေးတိုင်းဒေသကြီး၊ သရက်ခရိုင်၊ကံမမြို့နယ် မြောက်ချောင်းဘက်ရှိ ကျေးရွာများဖြစ်သော ရေနံ့သာ၊ ဆုံကုန်း၊ ခြောက်ပင်၊ သံပရာ၊ ကျောက်ပတောင်း၊ ကျောက်ဆောင်း၊ ကျီးမီး၊ ရွာသာယာ စသည့် ကျေးရွာများမှ ထွက်ရှိသည့် သီးနှံများအနက် ဆောင်းမြေပဲသီးနှံများ စတင်‌ ပေါ်ထွက်လျက် ရှိရာ ၂၀၂၄ခုနှစ်၊ ဖေဖော်ဝါရီလ(ပထမပတ်)တွင် (၁)ပိဿာလျှင် ကျပ်(၆၂၀၀-၆၃၀၀) ဈေးဖြင့် ယခင်အပတ် ကျပ်(၆၀၀၀မှ၆၁၀၀)ဈေးထက် (၁၀၀ မှ၂၀၀)ဈေးအမြင့်ဖြင့် တစ်နေ့လျှင် ပိဿာ (၈၀၀ မှ ၁၁၀၀)ဝန်းကျင်ခန့် အ‌ရောင်းအဝယ်ဖြစ်လျက်ရှိကြောင်း၊ ပဲခူးတိုင်းဒေသကြီး ပြည်မြို့သို့ နေ့စဉ်‌ တင်ပို့ရောင်းချလျက်ရှိပါကြောင်း ကုန်သည်ကိုထိုက်သူအောင်ထံမှ သိရပါသည်။

     ကံမမြို့နယ်၌ ၂၀၂၃-၂၀၂၄ ဘဏ္ဍာနှစ်တွင် ဆောင်းမြေပဲသီးနှံများကို လျာထားဧက (၄၆၃၁)ဧက၊ စိုက်ပျိုးပြီးဧက(၅၂၃၇)ဧကဖြစ်ပြီး ၂၀၂၄ခုနှစ်၊ ဇန်နဝါရီလ(၃၁)ရက်နေ့ထိ ရိတ်သိမ်း ဧက(၄၄၉)ဧက၊ အထွက်နှုန်း(၆၈.၁၂)တင်း၊ အထွက်တင်း (၃၀၅၈၆)တင်း ဖြစ်ကြောင်း၊ ကုလားပဲ သီးနှံ စိုက်ပျိုးပြီးဧက(၈၀၉၇)ဧကဖြစ်ပြီး ဇန်နဝါရီလ(၃၁)ရက်နေ့ထိ ရိတ်သိမ်းဧက(၄၀)ဧက၊ အထွက်နှုန်း(၁၆.၉၈)တင်း၊ အထွက်တင်း(၆၇၉)တင်း ဖြစ်ပါကြောင်း မြို့နယ်စိုက်ပျိုး‌ရေးဦးစီးဌာနမှ သိရပါသည်။

DOCA(မကွေး)