ပြည်တွင်းကုန်သွယ်မှုသတင်း

        ပြည်ကုန်စည်ဒိုင်တွင် ပဲမျိုးစုံရောင်းဝယ်လျှက်ရှိပြီး မတ်ပြ၊ ပဲတီစိမ်း၊ ပဲစဉ်းငုံ၊ ကုလားပဲ၊ ပဲကြီး၊ ဘိုကိတ်၊ စားတော်ပဲ(ကျွန်း)သီးနှံများရောင်းဝယ်လျက်ရှိပါသည်။

          ပြည်ကုန်စည်ဒိုင်တွင် ဩဂုတ်လ ပထမပတ်တွင်မတ်ပဲတစ်တင်းဈေးမှာ (၉၆၅၀၀ -၉၆၈၀၀) ကျပ်ဖြင့် တစ်ရက်ကို အိတ် (၂၀၀ - ၃၀၀)ခန့် ရန်ကုန်အဝယ်ရှိပါသည်။ ဩဂုတ်လ ဒုတိယပတ်တွင် မတ်ပဲတစ်တင်းကို (၉၆၀၀၀)ကျပ်ဖြင့် တစ်ရက်ကိုအိတ် (၂၅၀)ခန့် ရန်ကုန်အဝယ်ရှိပါသည်။ တတိယပတ်တွင် မတ်ပဲတစ်တင်းကို (၉၆၀၀၀)(၉၅၇၀၀)ခန့်ဖြင့် တစ်ရက်ကို အိတ်(၂၅၀)ခန့် ရန်ကုန်အဝယ်ရှိပါသည်။ဩဂုတ်လ စတုတ္ထပတ်တွင် မတ်ပဲ တစ်တင်းကို (၉၅၅၀၀ - ၉၅၇၀၀) ကျပ်ဖြင့် တစ်ရက်ကို အိတ် (၃၀၀)ခန့် ရန်ကုန်အဝယ်ရှိပါသည်။

ပဲတီစိမ်း

          ပြည်ကုန်စည်ဒိုင်တွင် ဩဂုတ်လ ပထမပတ်တွင် ပန်းတောင်း၊ကံမ၊ မင်းတုန်းဘက်ရှိ ပဲတီစိမ်းသစ်များစတင်ဝင်ရောက်လာပြီး ပဲတစ်တင်းကို (၁၀၀၀၀၀)ကျပ်ဖြင့် ဈေးဖွင့်ခဲ့ပါသည်။ ဩဂုတ်လ ဒုတိယပတ်တွင် ပဲတီစိမ်း တစ်တင်းကို (၁၀၀၀၀၀)ကျပ်ဖြင့် မန္တလေး အဝယ်တစ်ရက်ကို အိတ်(၅၀၀)ခန့်အဝယ်ရှိခဲ့ပါသည်။ တတိယပတ်တွင် ပဲတီစိမ်းဈေးမှာ အေးနေခဲ့ပြီး ပဲတစ်တင်းကို (၁၀၀၀၀၀)ကျပ်ဖြင့် မန္တလေးအဝယ်တစ်ရက်ကို အိတ် (၄၅၀/၅၀၀)ခန့် အဝယ်ရှိခဲ့ပါသည်။ စတုတ္ထ ပတ်တွင် ပဲတီစိမ်းတစ်တင်းကို (၁၀၀၀၀၀)ကျပ်ဖြင့် မန္တလေးအဝယ်တစ်ရက်ကို အိတ် (၅၀၀)ခန့် အဝယ်ရှိခဲ့ပါသည်။

ပဲစဉ်းငုံ

          ပြည်ကုန်စည်ဒိုင်၏ ဩဂုတ်လပထမပတ်တွင် ပဲစဉ်းငုံတစ်တင်းကို (၈၆၀၀၀)ကျပ်ဖြင့် ရန်ကုန်အဝယ်တစ်ရက်ကို အိတ် (၁၀၀/၁၅၀)ခန့်အဝယ်ရှိပါသည်။ ဒုတိယပတ်တွင် ပဲစဉ်းငုံ တစ်တင်းကို (၈၅၀၀၀ - ၈၆၀၀၀)ကျပ်ဖြင့် ရန်ကုန်အဝယ်တစ်ရက်ကို အိတ် (၂၀၀)ခန့် အဝယ် ရှိခဲ့ပါသည်။ဩဂုတ်လ တတိယပတ်တွင် ပဲစဉ်းငုံတစ်တင်းကို (၈၅၀၀၀)ကျပ်ဖြင့် ရန်ကုန် အဝယ် တစ်ရက်ကို အိတ် (၂၀၀)ခန့်ရှိခဲ့ပါသည်။ စတုတ္ထပတ်တွင် ပဲစဉ်းငုံ တစ်တင်းကို (၈၂၀၀၀/၈၃၀၀၀) ကျပ်ဖြင့် ရန်ကုန်အဝယ်တစ်ရက်ကို အိတ် (၂၀၀)ခန့်ရှိခဲ့ပါသည်။

ကုလားပဲ

          ပြည်ကုန်စည်ဒိုင်၏ ဩဂုတ်လ ပထမပတ်တွင် ကုလားပဲ (HL)တစ်တင်းကို (၉၀၀၀၀/ ၈၉၀၀၀)ကျပ်၊ ကြေးမှုံတစ်တင်းကို (၉၆၀၀၀)ကျပ်ဖြင့်မြို့တွင်း ခွဲစက်သမားများ တစ်ရက်ကို အိတ် (၃၀၀)ခန့် အဝယ်ရှိပါသည်။ ဒုတိယပတ်တွင် ကုလားပဲ (HL)တစ်တင်းကို (၈၉၀၀၀/၈၈၀၀၀)ကျပ် ကုလားပဲ(မြကြေးမှုံ)တစ်တင်းကို (၉၅၀၀၀/၉၆၀၀၀)ကျပ်ဖြင့် မြို့တွင်းအဝယ်နှင့် နယ်စုံအဝယ် တစ်ရက်ကို အိတ် (၃၅၀)ခန့်အဝယ်ရှိပါသည်။ ဩဂုတ်လ တတိယပတ်တွင် ကုလားပဲ (HL) တစ်တင်းကို (၈၇၀၀၀)ကျပ်၊ မြကြေးမှုံတစ်တင်းကို (၉၅၀၀၀)ကျပ်ဖြင့် မြို့တွင်းအဝယ်တစ်ရက်ကို အိတ် (၃၅၀)ခန့်အဝယ်ရှိပါသည်။ စတုတ္ထပတ်တွင် ကုလားပဲ (HL)တစ်တင်းကို (၈၉၀၀၀/၉၀၀၀၀) ကျပ်ဖြစ်ပြီး ကြေးမှုံတစ်တင်းကို (၉၅၀၀၀)ကျပ်ဖြင့် မြို့တွင်း ခွဲစက်သမားများ တစ်ရက်ကို အိတ် (၃၀၀)ခန့်အဝယ်ရှိခဲ့ပါသည်။

ပဲကြီး

          ဩဂုတ်လ ပထမပတ်တွင် ပဲကြီး (ရွှေကျွန်း)တစ်တင်းကို (၁၂၀၀၀၀)ကျပ်၊ ပဲကြီး(ကုန်းပဲ) တစ်တင်းကို (၁၁၀၀၀၀)ကျပ်ဖြင့် မြို့တွင်း ပဲကြော်သမားများတစ်ရက်ကို အိတ် (၄၀၀)ခန့် အဝယ် ရှိခဲ့ပါသည်။ ဒုတိယပတ်တွင် ပဲကြီး(ရွှေကျွန်း)တစ်တင်းကို (၁၂၀၀၀၀)ကျပ်၊ ကုန်းပဲတစ်တင်းကို (၁၁၀၀၀၀)ကျပ်ဖြင့် မြို့တွင်း ပဲကြော်သမားများတစ်ရက်ကို အိတ် (၃၅၀)ခန့် အဝယ်ရှိခဲ့ပါသည်။ ဩဂုတ်လ တတိယပတ်တွင် ပဲကြားပဲကြီး(ရွှေကျွန်း)တစ်တင်းကို (၁၂၀၀၀၀)ကျပ်၊ ကုန်းပဲ တစ်တင်းကို (၁၁၀၀၀၀)ကျပ်ဖြင့် ဈေးအေးနေခဲ့ပြီး တစ်ရက်ကို အိတ် (၄၀၀)ခန့် အဝယ်ရှိခဲ့ပါသည်။ စတုတ္ထပတ်အတွင်း ပဲကြီး(ရွှေကျွန်း)တစ်တင်းကို (၁၂၀၀၀၀)ကျပ်၊ ကုန်းပဲတစ်တင်းကို (၁၁၀၀၀၀)ကျပ်ဖြင့် မြို့တွင်း ပဲကြော်သမားများ အဝယ်ရှိခဲ့ပါသည်။

ဘိုကိတ်

          ဩဂုတ်လ ပထမပတ်တွင် ဘိုကိတ်ပဲတစ်တင်းကို (၇၀၀၀၀)ကျပ်ဖြင့် မြို့တွင်းနှင့် ရန်ကုန် အဝယ် တစ်ရက်ကို အိတ် (၁၀၀ - ၁၅၀)ခန့် အဝယ်ရှိပါသည်။ ဒုတိယပတ်တွင် ဘိုကိတ်ပဲ တစ်တင်းကို (၇၀၀၀၀)ကျပ်ဖြင့် ဈေးအေးနေခဲ့ပြီး တစ်ရက်ကို လက်လီ၊ လက်ကား အရောင်းအဝယ် ဖြစ်ပါသည်။ လက်လီတစ်ရက်လျှင် (၂၀ - ၂၅)အိတ်၊ လက်ကားတစ်ရက်လျှင် (၁၅၀ - ၂၀၀)ခန့် အဝယ်ရှိပါသည်။ တတိယပတ်တွင် ဘိုကိတ်တစ်တင်းကို (၇၀၀၀၀)ကျပ်ဖြင့် အရောင်းအဝယ် ရှိခဲ့ပြီး စတုတ္ထပတ်တွင် ဘိုကိတ်ဈေးအေးနေပြီး တစ်တင်းကို (၇၀၀၀၀)ကျပ်ဖြင့် ရန်ကုန်နှင့် မြို့တွင်းအဝယ် တစ်ရက်လျှင် (၁၅၀ - ၂၀၀)ခန့် ရှိခဲ့ပါသည်။

စားတော်ပဲ

          ဩဂုတ်လ ပထမပတ်တွင် စားတော်ပဲ (ကျွန်း) တစ်တင်းကို (၁၉၅၀၀၀)ကျပ်၊ (၂၀၀၀၀၀) ကျပ်ဖြင့် မြို့တွင်းအဝယ်တစ်ရက်ကို အိတ် (၂၅-၅၀)ခန့်ရှိပါသည်။ ဒုတိယပတ်တွင် စားတော်ပဲ ကျွန်းတစ်တင်းကို (၁၉၅၀၀၀ - ၂၀၀၀၀၀)ကျပ်ဖြင့် မြို့တွင်းအဝယ် တစ်ရက်ကို အိတ် (၂၅ - ၃၀) အဝယ်ရှိပါသည်။ တတိယပတ်တွင် စားတော်ပဲ (ကျွန်း)တစ်တင်းကို (၁၉၅၀၀၀-၂၀၀၀၀၀)ကျပ်ဖြင့် မြို့တွင်းအဝယ် တစ်ရက်ကို အိတ် (၅၀)ခန့်ရှိပါသည်။ စတုတ္ထပတ်တွင် စားတော်ပဲ (ကျွန်း)ဈေးမှာ အေးနေပြီး ပဲတစ်တင်းကို (၁၉၅၀၀၀ - ၂၀၀၀၀၀)ကျပ်ဖြင့် မြို့တွင်းအဝယ်ရှိခဲ့ပါသည်။

          ပြည်ကုန်စည်ဒိုင်တွင် မတ်ပဲ၊ ပဲတီစိမ်း၊ ကုလားပဲ၊ ပဲကြီးသီးနှံများမှာ အရောင်းအဝယ် သွက်လျက်ရှိပြီး ပဲစဉ်းငုံ၊ ဘိုကိတ်ပဲများမှာ လက်ကျန်နည်းလျက်ရှိကြောင်း သိရှိရပါသည်။

DOCA(ပဲခူး)

      ပြည်ဈေးကွက်အတွင်း ငွေနှင်းမှိုသည် တစ်နှစ်ပတ်လုံးထွက်ရှိသည့် မှိုအမျိုးအစားဖြစ်ပြီး ပြည်မြို့ပေါ် ရွာဘဲရပ်၊ နဝဒေးရပ်၊ ခေတ္တရာရပ်ကွက်အစုံနှင့် မြို့နယ်နေရာအချို့တွင် တစ်နိုင် တစ်ပိုင် စိုက်ပျိုးရောင်းချနေကြပါသည်။ ပြည်မြို့ပေါ်လက်လီဈေးများသို့ တစ်ပတ်လျှင် ရက်ခြား (၈)ပိဿာမှ (၁၀)ပိဿာခန့်အဝင်ရှိပြီး ဈေးကွက်အတွင်း အဝင်ရှိသလောက် အရောင်းအဝယ် ဖြစ်ကြောင်း သိရသည်။

          ငွေနှင်းမှိုကို ကန်စွန်းရွက်နှင့်ရော၍ ချက်စားခြင်း၊ ငရုတ်သီးစိမ်း၊ မျှင်ငပိတို့နှင့် ငပိချက် ချက်၍ စားသောက်ကြပါသည်။ ပြည်မြို့ပေါ် ဈေးကွက်တွင် ငွေနှင်းမှို (၁၀)ကျပ်သားလျှင် (၁၀၀၀)ကျပ်မှ (၁၂၀၀)ကျပ်နှုန်းဖြင့် ရောင်းချလျက်ရှိကြောင်း သိရပါသည်။

DOCA(ပဲခူး)

      ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်၊ မှော်ဇာကျေးရွာရှိ တောင်သူ ဦးခင်မောင်ချင်း ၏ (၀.၂၅)ဧကရှိ စိုက်ဧကပေါ်တွင် ဖရုံသီးများ စိုက်ပျိုးထားကြောင်းသိရသည်။ စတင်စိုက်ပျိုးသည့် လမှာ ဇွန်လတွင် စတင်စိုက်ပျိုးရပါသည်။ မျိုးများအနေဖြင့် မျှားနီ၊ ပစ်တိုင်းထောင်မျိုးများကို စိုက်ပျိုးပါသည်။ မျိုးထုတ်ကြီးတစ်ထုတ်လျှင် မျိုးစေ့ (၁၃၀)ခန့်ပါရှိပြီး မျိုး (၂)ထုတ် စိုက်ပျိုးထား ကြောင်းသိရသည်။ စတင်စိုက်ပျိုးသည့်ကာလမှာ (၂)လအကြာတွင် စတင်ခူးဆွတ်နိုင်ပြီဖြစ်ပါသည်။ ဇွန်လတွင် စတင်စိုက်ပျိုးထားသောကြောင့် ယခု ဩဂုတ်လတွင် စတင်ခူးဆွတ်နိုင်ကြောင်း သိရသည်။ ဖရုံသီးဒိုင်များသို့ အနုသီး၊ အရင့်သီး သောင်းပြောင်းပေးပို့ရသည်။ သောင်းပြောင်းဈေးမှာ တစ်လုံးလျှင် (၅၀၀)ကျပ်ဖြင့် ပေးပို့ရပြီး လက်လီဈေးမှာ တစ်လုံး (၆၀၀ - ၇၀၀)ကျပ်ဖြင့် ရောင်းချ နေပါသည်။ (၃)ရက် (၄)ရက်ခြားတစ်ကြိမ် ခူးဆွတ်ရသည်။ တစ်ခါခူးလျှင် အလုံး (၁၅၀ - ၂၀၀) လောက် ခူးဆွတ်ရပါသည်။ ခူးဆွတ်ချိန် (၂)လလောက်ရှိကြောင်းလည်း သိရသည်။ ဖရုံသီးတွင် အသီးသာမက အညွန့်များကိုပါ ခူးဆွတ်ရောင်းချနိုင်ကြောင်း သိရသည်။

          ဖရုံသီး စိုက်ပျိုးခြင်းဖြင့် အရင်းအနီးသိပ်မများပဲ အကျိုးအမြတ်များစွာရှိသဖြင့် စိုက်ပျိုးသင့်သော သီးနှံတစ်မျိုးဖြစ်ကြောင်း သိရှိရပါသည်။

DOCA(ပဲခူး)

      ပဲခူးတိုင်းဒေသကြီး၊ ပြည်ခရိုင်၊ ပြည်မြို့အတွင်းရှိ မြို့မစည်ပင်သာယာဈေးကြီးနှင့် အခြား ဈေးများတွင် နံနံပင်ဈေးနှုန်းများ ကျဆင်းလျက်ရှိပြီး (၁၀)ပင်စည်း တစ်စည်းလျှင် (၃၀၀)ကျပ်မှ (၂၀၀)ကျပ်ထိ တဖြည်းဖြည်း ကျဆင်းလာကြောင်းသိရပါသည်။ ပြည်ဈေးကွက်သို့ ပြည်မြို့ အတွင်းရှိ ကျေးရွာများဖြစ်သော မှော်ဇာ၊ ဇီးအုပ်၊ တောင်လုံးညို၊ ဝက်ထီးကန်၊ ရွှေတောင်၊ ပုတီးကုန်း၊ သဲကုန်း၊ ဝက်ပုတ်နယ်များမှ ကားလမ်းဖြင့်လည်းကောင်း၊ ရထားများဖြင့်လည်းကောင်း ရက်ခြားဝင်ရောက်လာရောက် ရောင်းချကြကြောင်းသိရပါသည်။ ဈေးနှုန်းအနေဖြင့် ၁၀ ပင်စည်း တစ်စည်းကို (၂၀၀)ကျပ်နှင့် တစ်ပိဿာလျှင် ကျပ် (၂၀၀၀၀)နှုန်းများဖြင့် အသီးသီးရောင်းချလျက် ရှိကြောင်းသိရပါသည်။ ဈေးနှုန်းချိုသာသောကြောင့် စားသုံးသူပြည်သူများ စိတ်ကြိုက်ဝယ်ယူ စားသုံးမှုများကြောင့် ရောင်းအားတက်လာကြောင်း သိရပါသည်။

DOCA(ပဲခူး)

     သံပုရာသီးကို နွေသီးနှင့် မိုးသီးဟူ၍ နှစ်မျိုးရှိပြီး ယခုမိုးတွင်းကာလတွင် သီးသော အသီးမှာ လှိုင်လှိုင်ထွက်ပြီး အသီးအလုံးလည်းကြီးကာ အရည်လည်း ရွှမ်းသောကြောင့် ဈေးကွက်တွင် အရောင်းအဝယ်လိုက်လျှက်ရှိပါသည်။ ယခင်က နွေရာသီတွင် ထွက်ရှိသော အသီးများမှာ အလုံး သေးပြီး အရည်နည်းကာ အထွက်နည်းသောကြောင့် တစ်လုံးလျှင် ၂၀၀ ခန့်ထိဈေးမြင့်ခဲ့သော်လည်း ယခု ဩဂုတ်လတွင်တော့ သံပုရာသီးအရည်ရွှမ်း၊ အလုံးကြီး တစ်လုံးကို (၈၀ - ၁၀၀)ကျပ်ခန့် ရောင်းချကြောင်း သိရှိရပါသည်။

DOCA(ပဲခူး)