Main menu

ပြည်တွင်းကုန်သွယ်မှုသတင်း

Powered by Drupal

ကျိုင်းတုံမြို့ရှိ အခြေခံစားသောက်ကုန်များ၏ ဈေးနှုန်းအခြေအနေ

ပြည်တွင်းကုန်သွယ်မှုသတင်း

    ၂၀၂၃ ခုနှစ်၊ မေလ ဒုတိယပတ်အတွင်း ရှမ်းပြည်နယ်(အရှေ့ပိုင်း) ကျိုင်းတုံမြို့ရှိ အခြေခံစားသောက်ကုန်များဖြစ်သော ရွှေဘိုပေါ်ဆန်မွှေး(သိင်္ဂီ) တစ်ပြည် ၅၅၀၀ ကျပ်၊ ဧည့်မထ (ဒေသ)ဆန် တစ်ပြည် ၃၁၅၀ ကျပ်ဖြင့် ရောင်းဝယ်လျက်ရှိပါသည်။ စားဖိုဆောင်စားသောက်ကုန်များ အနေဖြင့် ကြက်သွန်နီ တစ်ပိဿာ ၃၀၀၀ ကျပ်၊ ကြက်သွန်ဖြူ(ကြူကုတ်) တစ်ပိဿာ ၆၇၀၀ ကျပ်၊ (ရှမ်းစ)တစ်ပိဿာ ၇၀၀၀ ကျပ်၊ ငရုတ်သီးခြောက်(ရှည်)တစ်ပိဿာ ၁၈၀၀၀ ကျပ်၊ ခရမ်းချဉ်သီး တစ်ပိဿာ ၁၅၀၀ ကျပ်၊ အာလူး တစ်ပိဿာ ၂၅၀၀ ကျပ်၊ မန်ကျည်းသီးမှည့် တစ်ပိဿာ ၃၀၀၀ ကျပ်နှင့် ချင်း တစ်ပိဿာ ၁၈၀၀ ကျပ် စသဖြင့် ရောင်းဝယ်လျက်ရှိပါသည်။

    ကျိုင်းတုံမြို့တွင် မေလ ဒုတိယပတ်၌ စားသုံးဆီဈေးနှုန်းများအနေဖြင့် စားအုန်းဆီ တစ်ပိဿာ ၇၀၀၀ ကျပ်နှင့် ပဲဆီ(ရိုးရိုး) တစ်ပိဿာ ၁၆၀၀၀ ကျပ်၊ ကြက်ဥဈေးမှာ တစ်လုံး ၂၅၀ ကျပ် နှင့် ဘဲဥ တစ်လုံး ၃၅၀ကျပ်ဖြင့် ရောင်းဝယ်လျက်ရှိပါသည်။ အသား/ငါးဈေးနှုန်းများမှာ ကြက်သား (CP) တစ်ပိဿာ ၁၄၀၀၀ ကျပ်၊ ဝက်သား တစ်ပိဿာ ၂၂၀၀၀ ကျပ်၊ အမဲသား တစ်ပိဿာ ၂၄၀၀၀ ကျပ်၊ ငါးကြင်း တစ်ပိဿာ ၁၃၀၀၀ ကျပ်၊ ငါးမြစ်ချင်း တစ်ပိဿာ ၁၁၀၀၀ ကျပ် ဈေးနှုန်းများဖြင့် ရောင်းဝယ်လျက်ရှိကြောင်း သိရှိရပါသည်။

  ကျိုင်းတုံမြို့ အခြေခံစားသောက်ကုန်ဈေးနှုန်းများသည် ယခင်မေလ ဒုတိယပတ်နှင့် နှိုင်းယှဉ်ပါက ဧည့်မထ(ဒေသဆန်)၊ ကြက်သွန်နီ၊ ကြက်သွန်ဖြူ(ကြူကုတ်)၊ ငရုတ်သီးခြောက်(ရှည်)နှင့် အားလူးဈေးနှုန်းတို့မှာ အနည်းငယ်မြင့်တက် လာပါသည်။ ကြက်သွန်ဖြူ(ရှမ်းစ)၊ ခရမ်းချဉ်သီး၊ ချင်းနှင့် စားအုန်းဆီ ဈေးနှုန်းတို့မှာ အနည်းငယ်ကျဆင်းလာပြီး ကျန်အခြေခံစားသောက်ကုန်ဈေးနှုန်းများမှာ တည်ငြိမ်လျက်ရှိပါသည်။

DOCA(ရှမ်း)

 

ရှမ်းပြည်နယ်(အရှေ့ပိုင်း)၏ ဘိလပ်မြေနှင့် ဓာတ်မြေဩဇာဈေးနှုန်းအခြေအနေ

ပြည်တွင်းကုန်သွယ်မှုသတင်း

      ၂၀၂၃ ခုနှစ်၊ မေလ ဒုတိယအပတ်တွင် ရှမ်းပြည်နယ်(အရှေ့ပိုင်း)၊ ကျိုင်းတုံမြို့ ဈေးကွက်ရှိ ဘိလပ်မြေဈေးနှုန်းများမှာ ကျားတံဆိပ် (40)kg တစ်အိတ်လျှင် (၁၄၂၀၀) ကျပ်၊ ဆင်တံဆိပ် (50)kg တစ်အိတ်လျှင် (၁၅၂၀၀)ကျပ်၊ စိန်တံဆိပ် (50)kg တစ်အိတ်လျှင် (၁၅၂၀၀)ကျပ် ဖြစ်ပါသည်။ တာချီလိတ်မြို့ရှိ ဘိလပ်မြေဈေးနှုန်းများမှာ ကျားတံဆိပ် (40)kg တစ်အိတ်လျှင် (၁၂၅၀၀) ကျပ်၊ ဆင်တံဆိပ် (50)kg တစ်အိတ်လျှင် (၁၃၃၀၀)ကျပ်၊ စိန်တံဆိပ် (50)kg တစ်အိတ်လျှင် (၁၃၇၀၀)ကျပ် ဖြစ်ပါသည်။

     ကျိုင်းတုံမြို့ရှိ မေလ ဒုတိယအပတ် ဓာတ်မြေဩဇာဈေးနှုန်းများမှာ ပုလဲ (MEP) (50)kg တစ်အိတ်လျှင် (၉၈၀၀၀)ကျပ်၊ တီဆူပါ (လေဆာ) (50)kg တစ်အိတ်လျှင် (၂၀၀၀၀) ကျပ်၊ တီဆူပါ (may) (50)kg တစ်အိတ်လျှင် (၂၀၀၀၀)ကျပ်၊ ချာန (သုံးမျိုးစပ်) (50)kg တစ်အိတ်လျှင် (၁၄၂၀၀၀)ကျပ် ဖြစ်ပါသည်။ တာချီလိတ်မြို့အတွင်းရှိ ဓာတ်မြေဩဇာဈေးနှုန်းများမှာ ပုလဲ (၄၆%) (50)kg တစ်အိတ်လျှင် (၁၄၀၄၀၀)ကျပ်၊ ကွန်ပေါင်း (၁၅ပတ်လည်) (50)kg တစ်အိတ်လျှင် (၁၃၁၉၀၀)ကျပ်၊ ကွန်ပေါင်း (50)kg တစ်အိတ်လျှင် (၁၃၁၉၀၀)ကျပ် ဖြစ်ပါသည်။

     ရှမ်းပြည်နယ်(အရှေ့ပိုင်း)၊ ကျိုင်းတုံမြို့နှင့် တာချီလိတ်မြို့တွင် ဘိလပ်မြေဈေးနှုန်းများမှာ ယခင်ဧပြီလ ဒုတိယအပတ်ထက် ဈေးနှုန်းအနည်းငယ် မြင့်တက်လျက်ရှိပါသည်။ ဓာတ်မြေဩဇာ ဈေးနှုန်းအနေဖြင့် ကျိုင်းတုံမြို့နှင့် တာချီလိတ်မြို့တွင် ယခင်ဧပြီလ ဒုတိယအပတ်ထက် ဈေးနှုန်း အနည်းငယ်မြင့်တက်လျက်ရှိပါသည်။

DOCA(ရှမ်း)

အောင်လံကုန်စည်ဒိုင်၏ သီးနှံရောင်းဝယ်ဖြစ်မှုအခြေအနေ

ပြည်တွင်းကုန်သွယ်မှုသတင်း

 အောင်လံကုန်စည်ဒိုင်တွင် နှမ်းဈေးကွက်အနေဖြင့် (၄၅)ပိဿာ(၁)အိတ်လျှင် ယခင်အပတ်(၂.၅.၂၀၂၃)ရက်နေ့တွင် နှမ်းနက်(စမုံ)မှာ ကျပ်(၂၈၀၀၀၀မှ၂၅၅၀၀၀)ဖြစ်ပြီး ယခုအပတ်(၉.၅.၂၀၂၃)ရက်နေ့ တွင်လည်း ကျပ်(၂၈၀၀၀၀မှ၂၅၅၀၀၀)ရှိခဲ့၍ ဈေးနှုန်းမှာပြောင်းလဲခြင်းမရှိပဲ (၄၃၀)အိတ် အရောင်းအဝယ်ဖြစ်ခဲ့ပါကြောင်း နှင့် နှမ်းပြာ၊ နှမ်းဖြူ၊ နှမ်းနီတို့မှာ အရောင်းအဝယ်အနည်းအပါးမျှသာ ရှိနေသေးပါကြောင်း အောင်လံကုန်စည်ဒိုင်မှ သိရှိရပါသည်။

   ပဲမျိုးစုံဈေးကွက်တွင် ပဲစဉ်းငုံနီမှာ(၂၀)ပိဿာ (၁)တင်းလျှင် ယခင်အပတ်တွင် ကျပ်(၇၇၂၀၀) ဖြစ်ပြီး ယခုအပတ်တွင် ကျပ်(၇၈၀၀၀)ဖြစ်၍ ကျပ်(၈၀၀)ဈေးမြင့်ခဲ့ကြောင်း၊ ကုလားပဲ(H-L)ယခင်အပတ်တွင် ကျပ် (၇၅၀၀၀)ဖြစ်ပြီး ယခုအပတ်တွင် ကျပ်(၇၆၀၀၀)ဖြစ်၍ ကျပ်(၁၀၀၀)စသည်ဖြင့် အသီးသီးဈေးမြင့်ခဲ့ပါသည်။ ပဲကြီးမှာ ယခင်အပတ်တွင် ကျပ်(၉၁၀၀၀မှ ၈၉၀၀၀)ဖြစ်ပြီး ယခုအပတ်တွင် ကျပ်(၉၀၀၀၀မှ ၈၈၀၀၀)ဖြစ်၍ ကျပ်(၁၀၀၀) ဈေးလျော့ခဲ့ပါသည်။  မတ်ပဲ ယခင်အပတ်တွင် ကျပ်(၆၈၀၀၀)ဖြစ်ပြီး ယခုအပတ်တွင်လည်း ကျပ်(၆၈၀၀၀)၊ ကုလားပဲ(မြကြေး) ယခင်အပတ်တွင် ကျပ်(၇၆၅၀၀)ဖြစ်ပြီး ယခုအပတ်တွင်လည်း ကျပ် (၇၆၅၀၀)၊ ဘိုကိတ်ပြာယခင်အပတ်တွင် ကျပ်(၄၄၅၀၀)ဖြစ်ပြီး ယခုအပတ်တွင်လည်း ကျပ်(၄၄၅၀၀)ဖြစ်၍ ဈေးနှုန်းပြောင်းလဲမှုမရှိပဲ အရောင်းအဝယ်ပမာဏအနေဖြင့် (၃၀)ပိဿာဝင်အိတ်များဖြင့် ပဲစဉ်းငုံ(နီ) (၁၂၀၀) အိတ်၊ မတ်ပဲ(၁၈၀)အိတ်၊ ကုလားပဲ(H-L)(၉၀၀)အိတ်၊ ကုလားပဲ(မြကြေး)(၈၀၀)အိတ်၊ ဘိုကိတ်ပြာ (၁၃၀) အိတ်နှင့်   ပဲကြီး(၁၁၀၀)အိတ်တို့ အရောင်းအဝယ်ရှိခဲ့ပါသည်။

   မြေပဲလုံးဆံနီ (၁)ပိဿာလျှင်ယခင်အပတ်တွင် ကျပ်(၇၄၅၀)ဖြစ်ပြီး ယခုအပတ်တွင် ကျပ်(၇၄၀၀) ဖြစ်၍ ကျပ်(၅၀)ဈေးလျော့ခဲ့ပါသည်။ မြေပဲလုံးဆံ(ဖြူ)  ယခင်အပတ်တွင် ကျပ်(၆၇၀၀) ဖြစ်ပြီး ယခုအပတ် တွင်လည်း ကျပ်(၆၇၀၀)ဖြစ်၍ ဈေးနှုန်းပြောင်းလဲခြင်းမရှိပဲ အရောင်းအဝယ်ပမာဏအနေဖြင့် မြေပဲလုံးဆံ (နီ) (၅၇၀)အိတ်၊ မြေပဲလုံးဆံ(ဖြူ) (၄၃၀)အိတ်တို့အရောင်းအဝယ်ရှိခဲ့ပါကြောင်း အောင်လံကုန်စည်ဒိုင်မှ သိရှိရပါသည်။

       ဝါသီးနှံဈေးကွက်တွင် ဝါ(၁)ပိဿာလျှင် ယခင်အပတ်တွင် ကျပ်(၃၀၀၀မှ ၂၉၀၀)ဖြစ်ပြီး ယခုအပတ်တွင်လည်း ကျပ်(၃၀၀၀မှ ၂၉၀၀)ဖြစ်၍ ဈေးနှုန်းပြောင်းလဲမှုမရှိပဲ ဝါပိဿာချိန်(၁၁၀၀၀)ခန့် အရောင်းအဝယ်ရှိခဲ့ပါကြောင်းနှင့် ဝါသီးနှံ၊ ပဲမျိုးစုံနှင့် နှမ်းသီးနှံတို့အား ရန်ကုန်မြို့နှင့် မန္တလေးမြို့များသို့တင်ပို့ရောင်းချလျက်ရှိပါကြောင်း၊ ပဲကြီး၊ မြေပဲလုံးဆံ(နီ)၊ မြေပဲလုံးဆံ(ဖြူ) အနည်းငယ်မျှအား အောင်လံမြို့အတွင်းရှိ ပဲကြော်လုပ်ငန်း၊ ပဲကြော်ဖိုများသို့ လိုက်လံပို့ဆောင်ရောင်းချပေးရပါကြောင်း အောင်လံကုန်စည်ဒိုင်မှသိရှိရပါသည်။

DOCA(မကွေး)

 

                                   

ဆိပ်ဖြူမြို့၊ မေလ(ပထမပတ်)၏ ကြက်သွန်နီဈေးကွက်အခြေအနေ

ပြည်တွင်းကုန်သွယ်မှုသတင်း

    ဆိပ်ဖြူမြို့၊ ကြက်သွန်နီအရောင်းအဝယ်ဖြစ်လျက်ရှိသော ကုန်စည်ဒိုင်နှင့် ကြက်သွန်နီပွဲရုံများတွင် မေလ(၁)ရက်နေ့မှ (၇)ရက်နေ့(ပထမပတ်)အတွင်း (နွေ)ကြက်သွန်နီများမှာ တစ်ရက်လျှင် ပျမ်းမျှအားဖြင့် ကြက်သွန်နီကုန်ချိန်ပိဿာ(၆)သောင်းခန့်၊ (၁)ပတ်အတွင်း စုစုပေါင်းပိဿာ(၃)သိန်းခန့် ကုန်စည်ဒိုင်/ပွဲရုံများသို့ ဝင်ရောက်အရောင်းအဝယ်ဖြစ်လျက်ရှိကြောင်း သိရှိရပါသည်။

     ယခု မေလ(ပထမပတ်)အတွင်း ကြက်သွန်နီ(၁)ပိဿာဈေးနှုန်းမှာ အမြင့်ဈေး ထိပ်စ (ရှယ်) ကျပ်(၂၁၀၀ မှ ၁၉၀၀)ထိ၊ အလတ်စ ကျပ်(၁၈၀၀ မှ ၁၆၀၀)ထိ၊ အသေးစ ကျပ်( ၁၄၀၀ မှ  ၁၂၀၀)ထိ ဈေးနှုန်းတို့ဖြင့် အရောင်းအဝယ်ဖြစ်ခဲ့ပါသည်။ ယခင်(၁)ပတ်တွင် ကြက်သွန်နီ ထိပ်စအမြင့်ဆုံးဈေးမှာ (၁)ပိဿာလျှင် ကျပ်(၁၆၅၀)ဈေးနှုန်းဖြင့် အရောင်းအဝယ်ဖြစ်ခဲ့ပြီး ယခု(၁)ပတ်တွင် ထိပ်စ(ရှယ်)တစ်ပိဿာလျှင် ကျပ်(၄၅၀)၊ အလတ်စနှင့် အသေးစတစ်ပိဿာစီတို့မှာ ကျပ်(၄၀၀)စီခန့်ဈေးနှုန်းမြင့်တက်၍ အရောင်းအဝယ်ဖြစ်ခဲ့ပါသည်။

      ဆိပ်ဖြူမြို့မှ အခြားတိုင်းဒေသကြီးများသို့ ကြက်သွန်နီစီးထွက်မှုများမှာ ရန်ကုန်ဘုရင့်နောင်ပွဲရုံနှင့် မူဆယ်ဝယ်လက်မှတစ်ဆင့် တရုတ်နိုင်ငံ၊ မြဝတီဝယ်လက်မှတစ်ဆင့် ဗီယက်နမ်နိုင်ငံသို့ အများဆုံးကုန်စည်စီးဆင်းလျက်ရှိကြောင်း ကုန်စည်ဒိုင်ဈေးကွက်မှ သိရှိရပါသည်။ ယခုမေလ(ပထမပတ်)အတွင်း ကြက်သွန်နီစုစုပေါင်းပျမ်းမျှပိဿာ(၃)သိန်းခန့်၊ (၈၅၇၂)အိတ်၊ တန်ချိန်(၄၉၀)ခန့်ကုန်စည်စီးဆင်းခဲ့ကြောင်း ဈေးကွက်မှ သိရှိရသည်။

      ဆိပ်ဖြူမြို့၊ ပတ္တမြားဈေးအတွင်းရှိ ဈေးတန်းများတွင် ကြက်သွန်နီ၏ အရွယ်အစားနှင့် အရည်အသွေးကိုလိုက်၍ (၁)ပိဿာလျှင် လက်လီဈေး ကျပ်(၂၇၀၀/ ၂၅၀၀/ ၂၀၀၀/ ၁၇၀၀)ဈေးတို့ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(မကွေး)         

ရေစကြိုမြို့မဈေး၌ အရောင်းအဝယ်ဖြစ်လျက်ရှိသော အခြေခံစားသောက်ကုန်ဈေးနှုန်းများ

ပြည်တွင်းကုန်သွယ်မှုသတင်း

   မကွေးတိုင်းဒေသကြီး၊ ပခုက္ကူခရိုင်၊ ရေစကြိုမြို့မဈေးကြီးတွင် သီးနှံမျိုးစုံစိုက်ပျိုးထွက်ရှိသော ပခုက္ကူ၊ မုံရွာ၊မန္တလေးမြို့နှင့် ရေစကြိုမြို့ရှိ ကျေးရွာများ ညောင်တော၊ ကူတုတ်ရွာမှ သီးနှံအများဆုံးဝင်ရောက် ရောင်းဝယ်ဖောက်ကားလျက် ရှိပါသည်။

      ရေစကြိုမြို့မဈေးအတွင်း ၂၀၂၃ခုနှစ်၊ မေလ (၂)ရက်နေ့မှ (၉)ရက်နေ့ထိ အရောင်းအဝယ်ဖြစ်လျက်ရှိသော အခြေခံစားကုန်ဈေးနှုန်းများမှာ ခရမ်းချဉ်သီး (အင်းသီး) (၁)ပိဿာလျှင် ကျပ် (၁၄၀၀ မှ ၁၆၀၀)၊ ခရမ်းသီး(၁)ပိဿာလျှင် ကျပ်(၈၀၀ မှ ၁၀၀၀)၊ အာလူး(၁)ပိဿာလျှင် ကျပ် (၂၆၀၀ မှ ၂၈၀၀)၊ မျှစ်(၁)ပိဿာလျှင် ကျပ်(၂၆၀၀ မှ၂၈၀၀)၊ ပဲသီးရှည်(၁)ပိဿာလျှင် ကျပ်(၂၃၀၀ မှ ၂၅၀၀)၊ မေမြို့ပဲသီး(၁)ပိဿာလျှင် ကျပ်(၁၄၀၀ မှ ၁၆၀၀)၊ ငရုတ်သီးစိမ်း (၁)ပိဿာလျှင် ကျပ် (၅၅၀၀ မှ ၆၀၀၀)၊ ဆင်ခြေယာငရုတ်သီးခြောက်(၁)ပိဿာလျှင် ကျပ်(၁၀၀၀၀ မှ ၁၂၀၀၀)၊ ကြက်သွန်နီ (၁) ပိဿာလျှင် ကျပ်(၂၀၀၀ မှ ၂၂၀၀)၊ ကြက်သွန်ဖြူ(၁)ပိဿာလျှင် ကျပ်(၄၅၀၀ မှ ၅၀၀၀)၊ ကြက်သွန်ဖြူ(ရှမ်း) (၁)ပိဿာလျှင် ကျပ်(၅၅၀၀ မှ ၆၀၀၀)၊ ဂျင်းတက် (၁)ပိဿာလျှင် ကျပ် (၂၃၀၀ မှ ၂၄၀၀)၊ ကြက်ဟင်းခါးသီး (၁)ပိဿာလျှင် ကျပ်(၁၆၀၀ မှ ၁၈၀၀)၊ ရုံးပတီသီး(၁)ပိဿာလျှင် ကျပ် (၁၄၀၀ မှ ၁၆၀၀)၊ မန်ကျည်းရွက်(၅)ကျပ်သားလျှင် ကျပ်(၂၀၀)၊ ကန်စွန်းရွက်(၁)စည်းလျှင် ကျပ်(၅၀)၊ ချဉ်ပေါင်ရွက် (၁)စည်းလျှင် ကျပ်(၇၀)၊ သံပရာသီး(၁)လုံးလျှင် ကျပ်(၁၀၀)၊ သကြား ပြောင်းဖူး(၁)ဖူးလျှင် ကျပ်(၃၅၀)၊ မန်ကျည်းသီးမှည့် အစေ့လွတ်(၁)ပိဿာလျှင် ကျပ်(၃၅၀၀ မှ ၄၀၀၀)၊ မြေပဲဆံ (၁)ပြည်လျှင် ကျပ်(၇၅၀၀ မှ ၈၀၀၀)၊ ကုလားပဲခြမ်း (အနီဆံ)(၁)ပြည်လျှင် ကျပ် (၆၂၀၀ မှ ၆၄၀၀)နှင့် ဆား(၁)ပိဿာလျှင် ကျပ်(၅၀၀ မှ ၅၅၀) ဈေးနှုန်းအသီးသီးဖြင့် အရောင်းအဝယ် ဖြစ်လျက်ရှိကြောင်း ကုန်စုံဆိုင်ရောင်းချသူလုပ်ငန်းရှင်များထံမှ သိရှိရပါသည်။

DOCA(မကွေး)

   

 

ပခုက္ကူမြို့ပေါ်ရှိ အိမ်သုံးဆေးဝါး ဈေးကွက်အခြေအနေ

ပြည်တွင်းကုန်သွယ်မှုသတင်း

      ပခုက္ကူမြို့ပေါ်တွင် ၂၀၂၃ခုနှစ်၊ မေလ(ဒုတိယပတ်)အတွင်း အရောင်းအဝယ်ဖြစ်လျက်ရှိသော အိမ်သုံးဆေးဝါးများ၏ ဈေးနှုန်းများမှာ Decolgen (၁၀)လုံးပါ(၁)ကဒ်လျှင် ကျပ်(၁၀၀၀)၊ Civit အလုံး(၁၀၀)ပါ (၁)ဘူးလျှင် ကျပ်(၂၀၀၀)၊ Paracetamol (၁၀)လုံးပါ(၁)ကဒ်လျှင် ကျပ်(၃၀၀)၊ Biogesic (၁၀)လုံးပါ (၁)ကဒ်လျှင် ကျပ်(၈၀၀)၊ Amoxicillin (၁၀)လုံးပါ(၁)ကဒ်လျှင် ကျပ်(၅၀၀)၊ Enorvon-C (၄)လုံးပါ (၁)ကဒ်လျှင် ကျပ်(၁၄၀၀)၊ Burmeton အလုံး(၁၀၀)ပါ(၁)ဘူးလျှင် ကျပ်(၂၀၀၀)၊ Cetrine (၁၀)လုံး ပါ(၁)ကဒ်လျှင် ကျပ်(၂၀၀)၊ ဓာတ်ဆား MPF (၁)ထုပ်လျှင် ကျပ်(၃၀၀)၊ သီးစုံဓာတ်ဆား Royal-D (၁) ထုပ်လျှင် ကျပ်(၂၇၀)၊ Oramin-G (၅)လုံးပါ(၁)ကဒ်လျှင် ကျပ်(၃၀၀၀)၊ Becozinc (၁၀)လုံးပါ(၁)ကဒ်လျှင် ကျပ်(၃၇၀၀)၊ Vitahome (၁၀)လုံးပါ (၁)ကဒ်လျှင် ကျပ်(၁၆၀၀)၊ SaRa (၁၀)လုံးပါ(၁)ကဒ်လျှင် ကျပ်(၁၀၀၀)၊ Vitacee (၁၅)လုံးပါ(၁)ကဒ်လျှင် ကျပ် (၄၀၀၀)၊ Flemex (၁၀)လုံးပါ(၁)ကဒ်လျှင် ကျပ်(၃၀၀၀)၊ Solmux (၄)လုံးပါ (၁)ကဒ်လျှင် ကျပ်(၁၀၀၀)၊ Woods (၁)ဘူးလျှင် ကျပ်(၇၀၀၀)၊ Alexal (၁၀)လုံးပါ(၁)ကဒ်လျှင် ကျပ်(၁၅၀၀)၊ Mixagrip (၄)လုံးပါ(၁)ကဒ်လျှင် ကျပ်(၆၀၀)၊ Vitamin-D  1000 IU (၁)လုံးလျှင် ကျပ်(၁၀၀)၊ Vitamin-K   (၁)လုံးလျှင် ကျပ်(၁၀၀)၊ Zinc (၁)လုံးလျှင် ကျပ်(၅၀)၊ Becozinc (၁)လုံးလျှင် ကျပ်(၃၇၀)၊ Zincovit (၁)လုံးလျှင် ကျပ်(၂၀၀)၊ Supravit Zifam (၁၀)လုံးပါ(၁)ကဒ်လျှင် ကျပ်(၅၅၅၀)၊ Duracard 1mg (၁၀)လုံးပါ(၁)ကဒ်လျှင် ကျပ်(၂၆၀၀)၊ Losar 25mg Unichem (၁၀)လုံးပါ(၁)ကဒ်လျှင် ကျပ်(၁၂၀၀)နှင့် Finast 5mg (၁၀)လုံးပါ(၁)ကဒ်လျှင် ကျပ်(၂၅၁၇၉) ဈေးနှုန်းအသီးသီးဖြင့် အရောင်းအဝယ်ဖြစ်လျက်ရှိပါသည်။

      ယခုအချိန်အခါသည် ပူပြင်းသော နွေရာသီဖြစ်ပါ၍ ဓာတ်ဆား(MPF)နှင့် သီးစုံးဓာတ်ဆား Royal-D အထုပ်များ ဝယ်ယူသုံးစွဲမှုများကြောင်း ဆေးနှင့်ဆေးပစ္စည်းရောင်းချသူများထံမှ သိရှိရပါသည်။

DOCA(မကွေး)

 

ပခုက္ကူမြို့၊ ဘိလပ်မြေ၊ ဓာတ်မြေဩဇာနှင့် ပိုးသတ်ဆေးတို့၏ ဈေးကွက်အခြေအနေ

ပြည်တွင်းကုန်သွယ်မှုသတင်း

    ပခုက္ကူမြို့၌ ယခု မေလ(ဒုတိယပတ်)တွင် ဘိလပ်မြေဈေးကွက်မှာ အရောင်းအဝယ်ပုံမှန်ရှိနေပြီး ဈေးနှုန်းမှာ မေလ(ပထမပတ်)နှင့်နှိုင်းယှဉ်လျှင် အနည်းငယ်ဈေးတက်လာသည်ကို တွေ့ရှိရပါသည်။ ယခုတစ်ပတ်၌ ဈေးနှုန်းများမှာ ကြံ့နှစ်ကောင်ဘိလပ်မြေတစ်အိတ်လျှင် ကျပ်(၉၀၀၀)၊ အယ်လဖာဘိလပ်မြေတစ်အိတ်လျှင် ကျပ်(၈၈၀၀)ဖြင့် အရောင်းအဝယ်ဖြစ်နေပြီး ဓာတ်မြေဩဇာဈေးနှုန်းမှာလည်း အနည်းငယ်ကျဆင်းပြီး ပိုးသတ်ဆေးဈေးနှုန်းမှာ အနည်းငယ်မြင့်တက်လာကြောင်း သိရှိရပါသည်။

     မေလ(ပထမပတ်)တွင် အရောင်းအဝယ်ဖြစ်နေသောဓာတ်မြေဩဇာဈေးနှုန်းများမှာ အာမို ယူရီးယား (50)kg ပါ တစ်အိတ်လျှင် ကျပ်(၈၇၀၀၀)၊ ဩဘာယူရီးယား (50)kg ပါ တစ်အိတ်လျှင် ကျပ်(၉၀၀၀၀)၊ မြန်မာ့ဩဘာ/ရွှေကောမက် (50)kg ပါ တစ်အိတ်လျှင် ကျပ်(၁၃၄၀၀၀)၊ အာမို ကွန်ပေါင်းအပြာကြား (50)kgပါ တစ်အိတ်လျှင် ကျပ်(၁၄၅၀၀၀)၊ ကောမက်ကွန်ပေါင်း(၁၅:၁၅:၁၅) (50)kg ပါ တစ်အိတ်လျှင် ကျပ်(၁၅၇၀၀၀)ဖြစ်ကြောင်း သိရပါသည်။ ပိုးသတ်ဆေးမှာ ဈေးအနည်းငယ်တက်လာသည်ကိုတွေ့ရှိရပြီး ဈေးနှုန်းများအနေဖြင့် အာမိုမက်နီဖော့တစ်လီတာတစ်ဘူးလျှင် ကျပ်(၄၅၅၀ဝ)ရှိပြီး အာမိုမက်နီဖော့(500)CC ပါ တစ်ဘူးလျှင် ကျပ်(၂၇၅၀၀)၊ အာမိုအီမာ(250)CC ပါ တစ်ဘူးလျှင် ကျပ်(၁၁၀၀၀)၊ အာမိုအီမာတစ်လီတာတစ်ဘူးလျှင် ကျပ်(၃၄၀၀၀)၊ မင်းမဟော် စီအက်စ်(၅၀၀)ဂရမ်ပါ တစ်ထုပ်လျှင်  ကျပ်(၂၀၀၀၀)၊ မင်းမဟော် ဖော်ယူဘို (500)CC ပါ တစ်ဘူးလျှင် ကျပ်(၂၈၅၀၀)၊ ဩဘာပို့စ် (250)CC ပါ တစ်ဘူးလျှင် ကျပ်(၁၀၀၀၀)၊ ဩဘာ အဆီဖိတ်(၅၀၀)ဂရမ်ပါ တစ်ထုပ်လျှင် ကျပ်(၂၀၅၀၀)၊ ဩဘာငှက်ကြီးတောင် (100)CCပါ တစ်ဘူးလျှင် ကျပ်(၁၆၅၀၀)၊ ဩဘာ ငှက်ကြီးတောင် (250)CCပါ တစ်ဘူးလျှင် ကျပ်(၄၀၅၀၀)ဖြစ်၍ သုံးစွဲမှုများလာသောကြောင့် ယခုမေလ(ဒုတိယပတ်)တွင် မေလ(ပထမပတ်)ထက်ပို၍အရောင်းအဝယ်ဖြစ်နေကြောင်း သိရှိရပါသည်။

DOCA(မကွေး)

 

ရာသီပေါ်သရက်သီးများ အရောင်းအဝယ်သွက်၍ ဈေးကောင်းရရှိ

ပြည်တွင်းကုန်သွယ်မှုသတင်း

     မြန်မာနိုင်ငံတွင် သရက်ပင်ကို အပူပိုင်းဒေသ မကွေးတိုင်းဒေသကြီးနှင့် မန္တလေးတိုင်းဒေသကြီးတို့တွင် စီးပွားဖြစ်စိုက်ပျိုးဖြစ်ထွန်းလျက်ရှိပါသည်။ သရက်သီးအမျိုးပေါင်းများစွာရှိပြီး တစ်မျိုးနှင့်တစ်မျိုးအရသာမတူညီကြသော်လည်း ခန္ဓာကိုယ်အတွက် ကျန်းမာရေးအထောက်အကူပြုရာတွင် အတူတူဖြစ်ပါသည်။ စိုက်ပျိုးရာတွင် စိန်တစ်လုံးသရက်၊ ရင်ကွဲသရက်၊ မချစ်စုသရက်၊ ဘဲလေး သရက်၊ သရက်သခွားနှင့် ပတ္တမြားငမောက်သရက်များကို အများဆုံးစိုက်ပျိုးကြသည်။

  သရက်သီးအမျိုးပေါင်းများစွာထဲမှ စိန်တစ်လုံးသရက်သီးမှာ အရသာအရှိဆုံးဖြစ်ပြီး အမျှင်နည်းပါး၍ အရသာချိုလေး၍ ကောင်းမွန်သောကြောင့် ဈေးကွက်ကောင်းပြီး ဝယ်ယူစားသုံးသူများ၍ ဒေသအလိုက် စီးပွားဖြစ်အများဆုံးစိုက်ပျိုးကြသည်။ ပခုက္ကူခရိုင်၊ ဆိပ်ဖြူမြို့နယ်တွင်လည်း သရက် သီးများကို စီးပွားဖြစ်အမြောက်အများ စိုက်ပျိုးကြသည်။ မြို့ပေါ်ရှိ သရက်ခြံပိုင်ရှင် ဒေါ်မိုးမိုးနှင့် ဆက်သွယ်မေးမြန်းခဲ့ရာတွင် သရက်ခြံကို စီးပွားဖြစ် စိုက်ပျိုးခဲ့သည်မှာ (၁၀)နှစ် ကြပြီဖြစ်ကြောင်း၊ စိန်တစ်လုံးသရက်မျိုးအပင်(၅၀)ခန့် စိုက်ပျိုးထားရှိကြောင်း၊ ယခုနှစ်တွင် သရက်ပင်တစ်ပင်လျှင် အလုံး(၁၀၀)ခန့် အသီးတင်ရှိကြောင်း၊ ယခင်နှစ်ထက် အသီးလျော့နည်းသွားကြောင်း၊ သရက်ဖူး ဖူးချိန်တွင် လေပြင်းတိုက်၍ သရက်ပွင့်များပွင့်ခြောက်ကပ်ပြီး အသီးနည်းသွားကြောင်း သိရှိရသည်။

   သရက်သီးဈေးကွက်အနေဖြင့် ယခုနှစ်တွင် စိန်တစ်လုံးသရက်သီး အရွယ်အစားလိုက်၍ သီးနှံပေါ်စ ဒေသတွင်းဈေးကွက်တွင် တစ်လုံးလျှင် (၅၀၀ မှ ၇၀၀)ကျပ်၊ သုံးလုံး(၂၀၀၀)ကျပ်ဈေးဖြင့် ရောင်းချရကြောင်း၊ ယခင်နှစ် သရက်သီးပေါ်ချိန်တွင် သုံးလုံး(၁၀၀၀)ကျပ်ဈေးဖြင့် ရောင်းချခဲ့ရ၍ ယခုနှစ်တွင် ဈေးနှုန်းမြင့်တက်အရောင်းအဝယ်ဖြစ်ကြောင်း သရက်ပင်စိုက်ပျိုးပြီး သရက်သီးများ ရာသီပေါ်ရောင်းချရ၍ မိသားစုစီးပွားရေးအဆင်ပြေကြောင်း သရက်ခြံပိုင်ရှင် ဒေါ်မိုးမိုးထံမှ သိရှိရပါ သည်။

DOCA(မကွေး)

 

မကွေးမြို့၊ ကန်သာစျေး၌ ရောင်းချလျက်ရှိသော ကုန်စျေးနှုန်းအခြေအနေ

ပြည်တွင်းကုန်သွယ်မှုသတင်း

      မကွေးမြို့ ကန်သာဈေး၌ မကွေးမြို့နယ် ချောင်းဖြူကျေးရွာ၊ မြင်းကင်းကျေးရွာ၊ မင်းဘူးမြို့နယ်(ကျောက်တန်းကျေးရွာ)၊ စလင်း(ဆင်ဖြူကျွန်း)၊ တောင်တွင်းကြီးနှင့် အောင်ပန်းတို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက်လျက်ရှိကြောင်း သိရပါသည်။

         ၂၀၂၃ခုနှစ်၊ မေလ (ဒုတိယအပတ်)အတွင်း ရောင်းချနေသော ကုန်စျေးနှုန်းများမှာ ခရမ်းချဉ်သီး (၁)ပိဿာ လျှင် ကျပ်(၂၀၀၀)၊ ကန်စွန်းရွက် (၁)စည်းလျှင် ကျပ်(၅၀)၊ ချဉ်ပေါင်ရွက် (၁)စည်းလျှင် ကျပ်(၂၀၀)၊ ပန်းဂေါ်ဖီ (၁)ထုပ်လျှင် ကျပ်(၁၃၀၀)၊ ဂေါ်ဖီထုပ် (၁)ထုပ်လျှင် ကျပ်(၂၈၀၀)၊ ခရမ်းသီး(၁)ပိဿာလျှင် ကျပ် (၂၈၀၀)၊ ရုံးပတီသီး (၁၀)တောင့်လျှင် ကျပ်(၂၀၀)၊ ပြောင်းဖူး (၁)ဖူးလျှင် ကျပ်(၄၀၀)၊ ကင်ပွန်းချဉ် (၁)စည်းလျှင် ကျပ်(၁၀၀)၊  သံပုရာသီး (၁၀)လုံးလျှင် ကျပ်(၅၀၀မှ ၈၀၀)အတွင်း၊ မန်ကျည်းရွက် (၁၀)ကျပ်သားလျှင် ကျပ်(၆၀၀)၊ ကြက်ဟင်းခါးသီး (၁)ပိဿာလျှင် ကျပ်(၄၀၀၀)၊ ဆူးပုပ်ရွက် (၁)ပိဿာလျှင် ကျပ်(၆၀၀၀)၊ ပဲသီး (၁)ပိဿာလျှင် ကျပ်(၂၅၀၀)၊ ခါကြက်ဥ (၁)ပိဿာလျှင် ကျပ်(၁၅၀၀)၊ ဘူးသီး (၁)လုံးလျှင် ကျပ်(၇၀၀မှ ၁၀၀၀)အတွင်း၊ ငရုတ်သီးစိမ်း (၁)ပိဿာလျှင် ကျပ်(၇၅၀၀)နှင့် သရက်ချဉ် (၁)ပိဿာလျှင် ကျပ်(၁၅၀၀)တို့ဖြင့် အသီးသီးအရောင်းအဝယ်ဖြစ်လျက်ရှိကြောင်း စျေးသည်များထံမှ လေ့လာသိရှိရပါသည်။

DOCA(မကွေး)

 

“သိမ်ဖြူဈေးတွင်ဖြစ်ပေါ်နေသော ကြက်သွန်ဖြူ/နီလက်ကားဈေး”

ပြည်တွင်းကုန်သွယ်မှုသတင်း

      ရန်ကုန်တိုင်းဒေသကြီး၊ မင်္ဂလာတောင်ညွှန့်မြို့နယ်၊ သိမ်ဖြူဈေးကြီးအတွင်း ကြက်သွန်ဖြူ၊ ကြက်သွန်နီများအား ကား၊ ရထားတို့ဖြင့် ဘုရင့်နောင်ကုန်စည်ဒိုင်နှင့် ရှမ်းပြည်နယ်တို့မှ နေ့စဉ် ဝင်ရောက်လျက်ရှိပြီး လက်လီလက်ကား ပြန်လည်ရောင်းချလျက်ရှိရာ (၂၀.၄.၂၀၂၃) မှ (၂၆.၄.၂၀၂၃) ရက်အထိ ကြက်သွန်နီ(ဆိပ်ဖြူ)အဝင် (၃၅၉၀၀)ပိဿာနှင့် ကြက်သွန်ဖြူ(ကြူကုတ်) (၁၁၃၀၀) ပိဿာ ဝင်ရောက်ခဲ့ပြီး ကြက်သွန်နီ(ဆိပ်ဖြူ)လက်ကားဈေးမှာ ၁ပိဿာလျှင် ၁၂၀၀ ကျပ်မှ ၁၇၀၀ ကျပ် ထိ ဖြစ်၍ ကြက်သွန်ဖြူ(ကြူကုတ်) လက်ကားဈေးမှာ ၁ပိဿာလျှင် ၅၀၀၀ ကျပ်မှ ၅၂၀၀ ကျပ်ထိလည်းကောင်း၊ (၂၇.၄.၂၀၂၃) မှ (၃.၅.၂၀၂၃) ရက်အထိ ကြက်သွန်နီ(ဆိပ်ဖြူ)အဝင် (၂၃၀၀၀) ပိဿာ နှင့် ကြက်သွန်ဖြူ(ကြူကုတ်) (၇၆၀၀) ပိဿာ ဝင်ရောက်ခဲ့ပြီး ကြက်သွန်နီ(ဆိပ်ဖြူ) လက်ကားဈေးမှာ ၁ပိဿာလျှင် ၁၇၀၀ ကျပ်မှ ၂၁၀၀ ကျပ် ထိ ဖြစ်၍ ကြက်သွန်ဖြူ(ကြူကုတ်) လက်ကားဈေးမှာ ၁ပိဿာလျှင် ၅၂၀၀ ကျပ်မှ ၆၀၀၀ ကျပ်ထိရှိခဲ့ပြီး (၄.၅.၂၀၂၃) မှ (၁၀.၅.၂၀၂၃) ရက် အထိ ကြက်သွန်နီ(ဆိပ်ဖြူ)အဝင် (၃၃၂၅၀)ပိဿာနှင့် ကြက်သွန်ဖြူ(ကြူကုတ်) (၈၆၅၀) ပိဿာ ဝင်ရောက်ခဲ့ပြီး ကြက်သွန်နီ(ဆိပ်ဖြူ)လက်ကားဈေးမှာ ၁ပိဿာလျှင် ၂၀၀၀ ကျပ်မှ ၂၅၀၀ ကျပ်ထိ ဖြစ်၍ ကြက်သွန်ဖြူ(ကြူကုတ်) လက်ကားဈေးမှာ ၁ပိဿာလျှင် ၅၅၀၀ ကျပ်မှ ၇၀၀၀ ကျပ် ထိဖြစ်ပြီး မတ်လနောက်ဆုံးပတ်မှစ၍ ယနေ့ထိ ကြက်သွန်နီဈေးနှုန်းမှာ အနည်းငယ်မြင့်တက်လျက်ရှိပြီး ကြက်သွန်ဖြူ ဈေးနှုန်းမှာ သိသိသာသာမြင့်တက်လျက်ရှိကြောင်း ဈေးတာဝန်ခံရုံးမှ သတင်းရရှိပါသည်။

DOCA(ရန်ကုန်)

Pages

Subscribe to RSS - ပြည်တွင်းကုန်သွယ်မှုသတင်း