ပြည်တွင်းကုန်သွယ်မှုသတင်း

     ပဲခူးတိုင်းဒေသကြီး၊ နတ်တလင်းခရိုင်၊ ဇီးကုန်းမြို့နယ်အတွင်း ယခုနှစ်၌ သံပရာစိုက်တောင်သူများမှာ  ဈေးကောင်းရလျက်ရှိပါသည်။ ဇီးကုန်းမြို့နယ်တွင် သံပရာသီးသီးနှံအား နေရာအနှံ့စိုက်ပျိုးကြပြီး မယင်းအုပ်စု၊ မယင်းကျေးရွာတွင် ဧက (၅၀) ခန့်ဖြင့် အများဆုံးစိုက်ပျိုးလျက်ရှိပါသည် ။ လွန်ခဲ့သော နှစ်ပေါင်း (၄၀၀) ခန့်မှစတင်ကာ စီးပွားဖြစ်စိုက်ပျိုးနေသောခြံစိုက်တောင်သူများဖြစ်ပြီး ဝက်ကော်ချောင်းအား အမှီပြု၍ သံပရာခြံလုပ်ငန်း၊ မိရိုးဖလာခမောက်ချုပ်လုပ်ငန်း၊ ဒေသတွင်း ကိုယ်ပိုင်လုပ်ငန်းများဖြင့် မိသားစုဝင်ငွေပိုလျှံပြီး အဆင်ပြေနေကြောင်း စိုက်ပျိုးရေး၊ မွေးမြူရေးနှင့် ကုန်ထုတ်လုပ်ငန်းများဖွံ့ဖြိုးတိုးတက်စေရေးအတွက် ကျေးရွာများသို့ ကွင်းဆင်းဟောပြောရာတွင် ဒေသခံတောင်သူများ၏ပြောကြားချက်အရ သိရှိရပါသည် ။

       တစ်ဧကလျှင် အပင် (၂၀၀-၃၀၀) ခန့်စိုက်ပျိုးနိုင်ပြီး ဒေသမျိုးများကိုသာစိုက်ပျိုးကြောင်း သိရှိရပါသည်။ သံပရာသီးကို ရန်ကုန်၊  ပြည်ဒိုင်များမှ ကျေးရွာအရောက် လာရောက်ဝယ်ယူကြပြီး နွေရာသီတွင် ခူးဆွတ်ကြကာ တစ်ဧကလျှင် တစ်ကြိမ်ခူးသည့်အလုံးရေ ငါးသောင်းခန့်နှင့် ၁လုံးလျှင် ရောင်းရငွေ (၃၀-၃၅) ကျပ်နှုန်းရရှိသောကြောင့် တစ်နှစ်ဝင်‌ငွေမှာ ၄၅သိန်းခန့်ရရှိကြောင်း၊ နွေရာသီရေတင်စရိတ်နှင့် မိုးရာသီအပင်သစ်စိုက်ပျိုးခ၊ ပေါင်းရှင်း၊ မြေသြဇာကျွေးခြင်းအတွက် နှစ်ပတ်လည်လုပ်သားခမှာ ၅သိန်းခန့်ကုန်ကျပြီး တစ်ဧကအကျိုးအမြတ်မှာ သိန်း ၄၀ခန့်ရရှိသဖြင့် တောင်သူများအကျိုးဖြစ်ထွန်းလျက်ရှိကြောင်း သိရှိရပါသည်။

DOCA(ပဲခူး)

    မုံရွာကုန်စည်ဒိုင်တွင် ပဲအမျိုးအစားအလိုက် ဈေးနှုန်းများမှာ ယခင်နှစ်၏ကာလတူဈေးထက် ယခုနှစ်၌ ပဲမျိုးစုံ၊ အစေ့ထုတ်ပြောင်းနှင့် နှမ်းမျိုးစုံဈေးနှုန်းများ ဈေးပိုကောင်းလျက်ရှိပါကြောင်း မုံရွာကုန်စည်ဒိုင်၏ဈေးနှုန်းသတင်းများအရ သိရပါသည်။

မတ်ပဲ

      ယခင်နှစ် မတ်လ (စတုတ္ထပတ်) တွင် ပဲတစ်တင်းလျှင် ကျပ်၄၇၂၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၆၅၅၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်နှစ်သောင်းခန့်ပိုမိုခဲ့ပါသည်။ တစ်ရက်လျှင် အိတ်ရေ ၂၅ အိတ်မှ ၃၀ အိတ်ခန့် အရောင်းအဝယ်ဖြစ်နေကြောင်း သိရပါသည်။

ပဲစင်းငုံ

      ယခင်နှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၄၄၃၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၇၄၅၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်သုံးသောင်းကျော်ပိုမိုခဲ့သည်။ တစ်ရက်လျှင် အိတ်ရေ ၂၅ အိတ်မှ ၃၀ အိတ်ခန့်အရောင်းအဝယ်ဖြစ်နေကြောင်း သိရပါသည်။

ပဲတီစိမ်း

       ယခင်နှစ်၏ မတ်လ (စတုတ္ထပတ်)တွင် ပဲတစ်တင်းလျှင် ကျပ်၃၆၀၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၆၆၀၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်သုံးသောင်းပိုမိုခဲ့သည်။ တစ်ရက်လျှင် အိတ်ရေ  ၂၅အိတ်မှ ၃၀အိတ်ခန့် အရောင်းအဝယ်ဖြစ်နေကြောင်း သိရပါသည်။

ကုလားပဲ

      ယခင်နှစ်၏ မတ်လ (စတုတ္ထပတ်) တွင် ကုလားပဲဖြူလုံးကြီးတစ်တင်းလျှင် ကျပ်၄၃၅၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၆၉၀၀၀၊ 929  တစ်တင်းလျှင် ကျပ်၄၁၈၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၆၈၅၀၀၊ ထိုင်ဝမ်တစ်တင်းလျှင် ကျပ်၄၁၅၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၆၈၃၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်နှစ်သောင်းခွဲကျော်ပိုမိုခဲ့သည်။ တစ်ရက်လျှင် အိတ်ရေ ၄၀အိတ်မှ ၅၀အိတ်ခန့် အရောင်းအဝယ်ဖြစ်နေကြောင်း သိရပါသည်။

စွန်တာနီ/ပြာ

      ယခင်နှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၄၁၆၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်)တွင် ပဲတစ်တင်းလျှင် ကျပ်၄၅၅၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်လေးထောင်ခန့်ပိုမိုခဲ့ပါသည်။ တစ်ရက်လျှင် အိတ်ရေ ၂၅အိတ်မှ ၃၀အိတ်ခန့် အရောင်းအဝယ်ဖြစ်နေကြောင်း သိရပါသည်။

ထောပတ်ပဲ

      ယခင်နှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၃၉၅၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် ပဲတစ်တင်းလျှင် ကျပ်၇၉၀၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် လေးသောင်းခန့်ပိုမိုခဲ့ပါသည်။ တစ်ရက်လျှင် အိတ်ရေ ၂၀အိတ်မှ ၂၅အိတ်ခန့် အရောင်းအဝယ်ဖြစ်နေကြောင်း သိရပါသည်။

အစေ့ထုတ်ပြောင်း

     ယခင်နှစ်၏ မတ်လ (စတုတ္ထပတ်) တွင် ပြောင်းတစ်တင်းလျှင် ကျပ်၁၇၄၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် ပြောင်းတစ်တင်းလျှင် ကျပ်၁၉၉၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်နှစ်ထောင့်ငါးရာပိုမိုခဲ့ပါသည်။ တစ်ရက်လျှင် အိတ်ရေ ၂၀အိတ်မှ ၃၀အိတ်ခန့် အရောင်အဝယ်ဖြစ်နေကြောင်း သိရပါသည်။

မြေပဲဆံသီးနှံ

    ယခင်နှစ်၏ မတ်လ (စတုတ္ထပတ်) တွင် မြေပဲဆံနီတစ်ပိဿာလျှင် ကျပ်၃၄၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်)တွင် တစ်ပိဿာလျှင် ကျပ်၇၀၅၀၊ မြေပဲဆံဖြူတစ်ပိဿာလျှင် ကျပ် ၃၇၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် တစ်ပိဿာလျှင် ကျပ်၆၄၀၀ဖြစ်၍ တစ်ပိဿာလျှင် ကျပ်နှစ်ထောင်ကျော်မှ သုံးထောင်ကျော်အထိပိုမိုခဲ့သည်။ တစ်ရက်လျှင် အိတ်ရေ ၂၀အိတ်မှ ၃၀အိတ်ခန့် အရောင်းအဝယ်ဖြစ်နေကြောင်း သိရပါသည်။

နှမ်းမျိုးစုံသီးနှံ

     ယခင်နှစ်၏ မတ်လ (စတုတ္ထပတ်) တွင် နှမ်းနက်တစ်တင်းလျှင် ကျပ်၇၆၀၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် တစ်တင်းလျှင် ကျပ်၉၆၀၀၀၊ နှမ်းဖြူတစ်တင်းလျှင် ကျပ်၅၈၀၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် တစ်တင်းလျှင် ကျပ်၁၀၆၀၀၀၊ နှမ်းညိုတစ်တင်းလျှင် ကျပ် ၅၂၀၀၀ ဖြစ်ခဲ့ပြီး ယခုနှစ်၏ မတ်လ (စတုတ္ထပတ်) တွင် တစ်တင်းလျှင် ကျပ်၈၃၀၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်နှစ်သောင်းမှ ငါးသောင်းခန့်အထိပိုမိုခဲ့သည်။ တစ်ရက်လျှင် အိတ်ရေ ၃၀အိတ်မှ ၄၀အိတ်ခန့် အရောင်းအဝယ်ဖြစ်နေကြောင်း မုံရွာကုန်စည်ဒိုင်၏ဈေးနှုန်များစာရင်း အရ သိရှိရပါသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၏ ဆန်ပိုဒေသများဖြစ်သော ကလေး၊ ကသာ၊ ကန့်ဘလူနှင့် ရွှေဘိုခရိုင်များအနေဖြင့် ရွှေဘိုခရိုင်နှင့် ကသာခရိုင်တို့တွင် စပါးဈေး အနည်းငယ်တက်နေပါကြောင်း၊ ကန့်ဘလူခရိုင်တွင် ဧရာမင်းဆန်ဈေးအနည်းငယ်တက်နေပါကြောင်းနှင့် ကျန်ခရိုင်များတွင် ဈေးအေးနေကြောင်း သိရ ပါသည်။

      စစ်ကိုင်းတိုင်းဒေသကြီးအတွင်း  ၂၀၂၃ခုနှစ်၊ မတ်လ(စတုတ္ထပတ်)တွင်ဖြစ်ပေါ်နေသော စပါး/ဆန်ဈေးနှန်းများမှာ ရွှေဘိုခရိုင်၊ ရွှေဘိုမြို့နယ်မှ ရွှေဘိုပေါ်ဆန်း(စပါး)(သစ်)တင်း၁၀၀လျှင် ကျပ်(၂၁၅၀၀၀၀)၊ ပေါ်ဆန်း(ဆန်)(သစ်)၂၄ပြည်ပါတစ်အိတ်လျှင် (၈၀၀၀၀)ကျပ်၊ ဧရာမင်း(စပါး)(သစ်)တင်း၁၀၀လျှင် ကျပ်(၁၇၀၀၀၀၀)၊  ဧရာမင်း(ဆန်)(သစ်) ၂၄ ပြည်ပါတစ်အိတ်လျှင် ကျပ် ၆၅၀၀၀ တို့ဖြင့် အရောင်းအဝယ်ဖြစ်နေကြောင်း သိရပါသည်။

      ရေဦးခရိုင်၊ ရေဦးမြို့နယ်မှ ပေါ်ဆန်း (စပါး)(သစ်) တင်း၁၀၀လျှင် ကျပ်၂၁၀၀၀၀၀၊ ပေါ်ဆန်း(ဆန်)(သစ်)တစ်အိတ်လျှင် ကျပ်၇၀၀၀၀၊  ဧရာမင်း(စပါး)(သစ်) တင်း၁၀၀လျှင် ၁၆၀၀၀၀၀၊ ဧရာမင်း (ဆန်)(သစ်)၂၄ပြည်ပါတစ်အိတ်လျှင်  ၆၀၀၀၀ကျပ်များဖြင့် အရောင်းအဝယ်ဖြစ်နေကြောင်း သိရပါသည်။

    ကလေးခရိုင်၊ ကလေးမြို့နယ်မှ ဧည့်မထ(စပါး)(သစ်)တင်း၁၀၀လျှင် ကျပ်၁၄၀၀၀၀၀၊ ဧည့်မထ(ဆန်)(သစ်)‌၂၄ပြည်ပါတစ်အိတ်လျှင် ကျပ်၅၀၀၀၀၊ ငစိန်(စပါး)(သစ်)တင်း၁၀၀လျှင် ကျပ်၁၃၀၀၀၀၀၊ ငစိန် (ဆန်)(သစ်)၂၄ပြည်ပါတစ်အိတ်လျှင် ကျပ်၄၅၀၀၀၊ ဧရာမင်း(စပါး)(သစ်)တင်း၁၀၀လျှင် ကျပ် ၁၆၀၀၀၀၀၊ ဧရာမင်း(ဆန်)(သစ်)၂၄ပြည်ပါတစ်အိတ်လျှင် ကျပ်၆၀၀၀၀ဖြင့် အရောင်းအဝယ်ဖြစ်နေကြောင်း သိရပါသည်။

      ကသာခရိုင်၊ အင်းတော်မြို့နယ်မှ မှော်ဘီ(၂)(စပါး)(သစ်)တင်း၁၀၀လျှင် ကျပ်၁၂၅၀၀၀၀၊ မှော်ဘီ(၂)(သစ်)ဆန်၂၄ပြည်ပါတစ်အိတ်လျှင် ကျပ်၆၀၀၀၀၊ ဆင်းဧကရီ(၃)(စပါး)(သစ်)တင်း၁၀၀လျှင် ကျပ်၁၂၅၀၀၀၀၊ ဆင်းဧကရီ-၃(သစ်)ဆန်၂၄ပြည်ပါတစ်အိတ်လျှင် ကျပ်၆၀၀၀၀၊ ဧရာမင်း(စပါး) (သစ်)တင်း ၁၀၀လျှင် ကျပ်၁၅၅၀၀၀၀၊ ဧရာမင်း(ဆန်)(သစ်)၂၄ ပြည်ပါဆန်တစ်အိတ်လျှင် ကျပ်၇၅၀၀၀တို့ ဖြင့် အရောင်းအဝယ်ဖြစ်နေကြောင်း သိရပါသည်။

     မုံရွာခရိုင်၊ မုံရွာမြို့တွင် ဧရာမင်း(စပါး)(သစ်)တင်း၁၀၀လျှင် ကျပ် ၁၈၀၀၀၀၀၊  ဧရာမင်း(ဆန်)(သစ်)၂၄ပြည်ပါတစ်အိတ်လျှင် ကျပ်၇၀၀၀၀၊ ပေါ်ဆန်း(စပါး)(သစ်)တင်း၁၀၀လျှင် ကျပ်၂၁၀၀၀၀၀၊  ဧရာမင်း(ဆန်)(သစ်)၂၄ပြည်ပါတစ်အိတ်လျှင် ကျပ်၇၅၀၀၀၊ မနောသုခ(စပါး)(သစ်)တင်း၁၀၀လျှင် ကျပ် ၁၃၀၀၀၀၀၊ မနောသုခ(ဆန်)(သစ်)၂၄ပြည်ပါတစ်အိတ်လျှင် ကျပ်၅၆၀၀၀ တို့ဖြင့် အရောင်းအဝယ်ဖြစ်နေကြောင်း သိရပါသည်။

      ကန့်ဘလူခရိုင်၊ ကန့်ဘလူမြို့တွင်  ဧရာမင်း(စပါး)(သစ်)တင်း၁၀၀လျှင် ကျပ်၁၆၀၀၀၀၀၊  ဧရာ မင်း(ဆန်)(သစ်)၂၄ပြည်ပါတစ်အိတ်လျှင် ကျပ်၇၀၀၀၀၊ ပေါ်ဆန်း(စပါး)(သစ်)တင်း၁၀၀လျှင် ကျပ် ၂၀၀၀၀၀၀၊ ပေါ်ဆန်း(ဆန်)(သစ်)၂၄ပြည်ပါတစ်အိတ်လျှင် ကျပ်၇၀၀၀၀ တို့ဖြင့် အရောင်းအဝယ်ဖြစ်နေကြောင်း သိရပါသည်။

       စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ မတ်လ (စတုတ္တပတ်)တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၃၈၀၀၀အိတ်၊ မန္တလေးသို့ အိတ်ရေ ၆၀၂၀၀အိတ်၊ မကွေးသို့ အိတ်ရေ ၆၀၀အိတ်၊ နေပြည်တော်သို့ အိတ်ရေ ၁၀၀၀၀အိတ်၊ ရှမ်း(တောင်)သို့ အိတ်ရေ ၉၀၀၀အိတ်၊ ရှမ်း(မြောက်)သို့ အိတ်ရေ ၉၀၀၀အိတ်၊ ကချင်သို့ အိတ်ရေ ၁၀၀၀၀အိတ်၊ စုစုပေါင်းအိတ်ရေ (၁၃၆၈၀၀)အိတ်၊ တန်အားဖြင့် (၆၈၄၀)တန်စီးထွက်ခဲ့ပြီး ယခု မတ်လ (စတုတ္ထပတ်) တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၄၀၀၀၀အိတ်၊ မန္တလေးသို့ အိတ်ရေ ၇၉၂၈၀အိတ်၊ မကွေးသို့ အိတ်ရေ ၆၀၀အိတ်၊ နေပြည်တော်သို့ အိတ်ရေ ၁၀၀၀၀အိတ်၊ ရှမ်း(တောင်)သို့ အိတ်ရေ ၈၅၀၀အိတ်၊ ရှမ်း(မြောက်)သို့ အိတ်ရေ ၈၅၀၀အိတ်၊ ကချင်သို့ အိတ်ရေ ၁၅၀၀၀အိတ်၊ စုစုပေါင်းအိတ်ရေ (၁၆၁၈၈၀)အိတ်၊ တန်အားဖြင့် (၈၀၉၄)တန်စီးထွက်ခဲ့သည့်အတွက် ယခင်ပတ်နှင့်နှိုင်းယှဉ်လျှင် ယခုပတ်တွင် အိတ်ရေ (၂၅၀၈၀)အိတ်၊ တန်အားဖြင့် (၁၂၅၄)တန်ပိုမိုစီးထွက်ခဲ့ပါကြောင်း သိရှိရပါသည်။  

DOCA(စစ်ကိုင်း)                                                                                                                                 

    ၂၀၂၃ခုနှစ်၊ မတ်လ(စတုတ္ထပတ်)အတွင်း မုံရွာမြို့နယ်၏အခြေခံစားကုန်များဖြစ်သော ရွှေဘိုပေါ်ဆန်းဆန်တစ်ပြည်လျှင် (၃၆၀၀) ကျပ်၊ ဧရာမင်းဆန်အဟောင်းတစ်ပြည်လျှင် (၃၄၀၀) ကျပ်နှင့် ဧရာမင်းဆန်အသစ်တစ်ပြည်လျှင် (၃၂၀၀) ကျပ်တို့ဖြင့် အရောင်းအဝယ်ဖြစ်လျက်ရှိပါသည်။ စားအုန်းဆီတစ်ပိဿာလျှင် (၇၀၀၀) ကျပ်၊ မြေပဲဆီတစ်ပိဿာလျှင် (၁၂၅၀၀) ကျပ်၊ နှမ်းဆီတစ်ပိဿာလျှင် (၁၁၀၀၀) ကျပ်တို့ဖြင့် အရောင်းအဝယ်ဖြစ်လျက်ရှိပါသည်။ ကြက်သွန်နီလက်လီတစ်ပိဿာလျှင် (၁၄၀၀) ကျပ်မှ (၁၆၀၀) ကျပ်ထိ၊ ကြက်သွန်ဖြူလက်လီ (ဗမာ) တစ်ပိဿာလျှင် (၅၀၀၀) ကျပ်မှ (၆၀၀၀) ကျပ်ထိ၊ ကြက်သွန်ဖြူ (ရှမ်း) တစ်ပိဿာလျှင် (၄၅၀၀) ကျပ်မှ (၅၀၀၀) ကျပ်ထိ၊ ကြက်သွန်ဖြူ (ကြူကုတ်) တစ်ပိဿာလျှင် (၄၅၀၀) ကျပ်မှ (၅၀၀၀) ကျပ်ထိ၊ ချင်းတက်တစ်ပိဿာလျှင် (၁၄၀၀) ကျပ်မှ (၁၅၀၀) ကျပ်ထိ၊ ငရုတ်ခြောက်တစ်ပိဿာလျှင် အမျိုးအစားအလိုက်  (၁၃၀၀၀)  ကျပ် မှ (၁၄၀၀၀) ကျပ်ထိ၊ အာလူးတစ်ပိဿာလျှင် (၂၅၀၀) ကျပ်မှ (၂၆၀၀) ကျပ်ထိ၊ ခရမ်းချဉ်သီးတစ်ပိဿာလျှင် (၁၀၀၀) ကျပ်မှ (၁၂၀၀)ကျပ်တို့ဖြင့် အရောင်းအဝယ်ဖြစ်လျက်ရှိပါသည်။

     ကြက်ဥလက်လီဈေးနှုန်းမှာ အကြီးတစ်လုံးလျှင် (၂၅၀) ကျပ်၊ အသေးတစ်လုံးလျှင် (၂၀၀) ကျပ်၊ ဘဲဥ(ကြီး)တစ်လုံးလျှင် (၃၅၀) ကျပ်၊ အသေးတစ်လုံးလျှင် (၃၀၀) ကျပ်ရှိကြောင်း၊ မုံရွာမြို့၏ သား/ငါးဈေးနှုန်းများမှ ကြက်သား (CP) တစ်ပိဿာလျှင် ( ၁၀၀၀၀) ကျပ်မှ  (၁၁၀၀၀) ကျပ်ထိ၊ ကြက်သား (ဗမာ) တစ်ပိဿာလျှင် (၁၂၀၀၀) ကျပ်၊ ဝက်သားတစ်ပိဿာလျှင် (၁၇၀၀၀) ကျပ်မှ (၁၈၀၀၀) ကျပ်ထိ၊ အမဲသားတစ်ပိဿာလျှင် (၁၆၀၀၀) ကျပ်မှ (၁၇၀၀၀)ကျပ်ထိ၊ ငါးမြစ်ချင်းတစ်ပိဿာလျှင် (၇၀၀၀) ကျပ်၊ ငါးကြင်းတစ်ပိဿာလျှင် (၈၀၀၀) ကျပ် တို့ဖြင့် အရောင်းအဝယ်ဖြစ်နေကြောင်း သိရပါသည်။

      မတ်လ (စတုတ္ထပတ်) အတွင်း အခြေခံစားကုန်ဈေးနှုန်းများနှင့် ယခင်အပတ်ဈေးနှုန်းများကိုနှိုင်းယှဉ်လျှင် ကြက်သွန်နီတစ်ပိဿာလျှင် (၂၀၀) ကျပ်ဈေးကျလျက်ရှိကြောင်း၊ စားအုန်းဆီတစ်ပိဿာလျှင် (၁၀၀) ကျပ်နှင့် မြေပဲဆီတစ်ပိဿာဈေးနှုန်းမှာ (၅၀၀)ကျပ်တို့ ဈေးတက်လျက်ရှိကြောင်းနှင့် အခြားအခြေခံစားကုန်များ၏ဈေးနှုန်းများမှာ ကွာဟမှုမရှိကြောင်း မုံရွာမြို့နေ ဈေးရောင်းချသူများထံမှ သိရှိရပါသည်။

DOCA(စစ်ကိုင်း)

        မုံရွာမြို့၊ ချင်းတွင်းရတနာစျေး၌  ရောင်းချနေသော ပုစွန်ခြောက်၊ ငါးခြောက်များမှာ ရန်ကုန်၊ မန္တလေး၊ ရခိုင်ပြည်နယ်ဘက်မှ ဝင်ရောက်ကြောင်း၊ ပုစွန်၊ ငါးခြောက်စျေးနှုန်းများမှာ ဝင်ရောက်သည့်ဒေသအ‌ပေါ်မူတည်၍လည်းကောင်း၊ အရည်အသွေးကိုလိုက်၍လည်းကောင်း ကွာခြားလျက်ရှိပါကြောင်း သိရှိရပါသည်။

     ယခုမတ်လ (စတုတ္ထအပတ်) တွင် ရောင်းချနေသောဈေးနှုန်းများမှာ ပုစွန်ခြောက် (၁)ပိဿာလျှင် ကျပ်(၇၀၀၀၀)မှ ကျပ်(၈၅၀၀၀)ထိ၊ ငါးရံ့ခြောက် (၁)ပိဿာလျှင် ကျပ်(၅၅၀၀၀မှ ၆၅၀၀၀)ထိ၊ ငါးပုတ်လုံးခြောက်(၁)ပိဿာလျှင် ကျပ်(၁၅၀၀၀မှ ၁၆၀၀၀)ထိ၊  ငါးပုတ်သင်(၁)ပိဿာလျှင် ကျပ်(၁၄၀၀၀မှ ၁၆၅၀၀)ထိ၊ အာဗြဲခြောက်(၁)ပိဿာလျှင် ကျပ်(၂၀၀၀၀မှ ၂၂၀၀၀)ထိ၊ ငါးကျည်းခြောက်(၁)ပိဿာလျှင် ကျပ်(၃၀၀၀၀မှ ၃၅၀၀၀)ထိ၊ ငါးနီတူခြောက်(၁)ပိဿာလျှင် ကျပ်(၁၀၀၀၀မှ ၁၂၀၀၀)ထိ၊ ငါးဖန့်ဝိုင်း(ငါးပိကောင်)(၁)ပိဿာလျှင် ကျပ်(၁၅၀၀၀မှ ၁၆၅၀၀)ထိရှိကြောင်း ချင်းတွင်းရတနာဈေးတွင်ရောင်းချနေသော ငါးခြောက်ကုန်သည်များထံမှ သိရပါသည်။

DOCA(စစ်ကိုင်း)