ပြည်တွင်းကုန်သွယ်မှုသတင်း

     ၂၀၂၃ ခုနှစ် မေလအတွင်း အနောက်တောင်မုတ်သုံလေများ စတင်ဝင်ရောက်ပြီး မုန်တိုင်းမိုးများ ရွာသွန်းချိန်တွင် မကွေးတိုင်းဒေသကြီး၊ မကွေးခရိုင်၊ မကွေးမြို့၊ သစ်ရာကောက်နယ် အတွင်း မိုးမြေပဲ(ပင်‌ထောင်)နှင့် နှမ်းသီးနှံတို့ကို စိုက်ပျိုးခဲ့ရာ ရာသီဥတု၊ မိုးလေဝသ ကောင်းမွန်မှုတို့ကြောင့် သီးနှံများ အောင်မြင်စွာ ဖြစ်ထွန်းလျက်ရှိကြောင်း ဒေသခံတောင်သူများမှတစ်ဆင့် သိရှိရသည်။

   ယခင် ၂၀၂၂ ခုနှစ်၊ မိုးဦးကာလတွင် မိုးမြေပဲ(ပင်ထောင်) မျိုးဆံစေ့ တစ်တင်းလျှင် ကျပ် (၈၀၀၀၀-၉၀၀၀၀) ခန့်ဖြင့် ဝယ်ယူစိုက်ပျိုးခဲ့ပြီး ယခု ၂၀၂၃ ခုနှစ်တွင် ကျပ်(၁၀၀၀၀၀- ၁၃၀၀၀၀) ခန့် ဝယ်ယူစိုက်ပျိုးခဲ့ရကြောင်း၊ တောင်သူများအနေဖြင့် (၁)ဧကလျှင် မျိုးဆံစေ့၊ ဓါတ်မြေဩဇာ၊ သွင်းအားစု၊ လုပ်သားခ ကုန်ကျစရိတ်များမှာ ကျပ်(၄၀၀၀၀၀-၅၀၀၀၀၀)ခန့် ကုန်ကျခဲ့ပါကြောင်း၊ ရရှိနိုင်သော အကျိုးအမြတ်မှာလည်း သီးနှံအထွက်နှုန်း၊ သီးနှံအရည်အသွေးနှင့် ဈေးနှုန်းဈေးကွက်အပေါ် မူတည်၍ အကျိုးအမြတ်ခံစားရမည်ဖြစ်ပါကြောင်း၊ ယခင် ၂၀၂၂ ခုနှစ်၊ မိုးဦးကာလတွင် မိုးမြေပဲ(ပင်‌ထောင်) လုံးဆံဈေးနှုန်းမှာ (၁)ပိဿာလျှင် ကျပ်(၄၀၀၀)အထိရရှိပြီး ဆီဆံဈေးနှုန်းမှာ (၁)ပိဿာလျှင် ကျပ်(၃၀၀၀) ခန့် ရောင်းချရကြောင်း၊ ဆက်လက်ပြီး ရာသီဥတု၊ မိုးလေဝသများ ကောင်းမွန်မှန်ကန်ပါက မိုးမြေပဲ (ပင်ထောင်)များ စိုက်ပျိုးခြင်းကြောင့် တောင်သူများအနေဖြင့် စိုက်ပျိုးကုန်ကျစရိတ် ကာမိရုံသာမက အကျိုးအမြတ်များစွာ ခံစားရရှိမည်ဖြစ်ပြီး မြေပဲပင်(သို့မဟုတ်) မြေပဲရိုးများကို တိရိစ္ဆာန်အစာအဖြစ် အသုံးပြုနိုင်သဖြင့် တိရိစ္ဆာန်အစာ ဖူလုံမှုရရှိကြောင်း တောင်သူများ၏ ပြောကြားချက်အရ သိရှိရပါသည်။

DOCA(မကွေး)

          ၂၀၂၃ ခုနှစ် ဇွန်လ တတိယအပတ်အတွင်း စစ်ကိုင်းတိုင်းဒေသကြီး၊ ကန့်ဘလူ၊ ကျွန်းလှမြို့နယ်တွင် အခြေခံစားကုန်များဖြစ်သော ရွှေဘိုပေါ်ဆန်း တစ်ပြည်လျှင် (၄၅၀၀)ကျပ်၊ ဧရာမင်း တစ်ပြည် လျှင် (၄၀၀၀)ကျပ်ဖြင့် ယခင် အပတ်ထက်အနည်းငယ်သာမြင့်တက်ပြီး အရောင်းအဝယ်ဖြစ်လျှက်ရှိသည်။ ကြက်သွန်နီ မြစ်သား အမျိုးအစား လက်လီဈေးမှာ (အကြီး)တစ်ပိသာ(၃၀၀၀)ကျပ် ၊ (အလတ်) တစ်ပိသာ(၂၅၀၀)ကျပ် ၊ (အသေး) တစ်ပိသာ (၂၃၀၀)ကျပ် ယခင်အပတ်အတိုင်း တည်ငြိမ်ပြီး အရောင်းအဝယ်ဖြစ်လျက်ရှိပါသည်။ ကြက်သွန်ဖြူ လက်လီဈေးမှာ (ဗမာ)အလုံးကြီး တစ်ပိသာ (၈၀၀၀)ကျပ် ကြက်သွန်ဖြူ လက်လီဈေးမှာ (ဗမာ) အလုံးသေး တစ်ပိသာ (၆၀၀၀)ကျပ် ၊ ကြူကုတ် တစ်ပိသာ (၈၀၀၀)ကျပ် ယခင်အပတ်အတိုင်း တည်ငြိမ်လျက်ရှိပါသည်။ ဂျင်း အညံ့ တစ်ပိသာလျှင်(၅၀၀၀)ကျပ်၊ ရှယ်စ တစ်ပိသာ (၁၂၀၀၀)ကျပ် ဖြစ်နေပြီး ယခင်အပတ်အတိုင်း တည်ငြိမ်လျက်ရှိပြီး ငရုတ်သီးခြောက် တစ်ပိသာ (၂၀၀၀၀)ကျပ် ယခင်အပတ် အတိုင်း တည်ငြိမ်လျက်ရှိကာ အရောင်းအဝယ်ဖြစ်လျက်ရှိပါသည်။ အာလူး အသေး/အကြီး အမျိုးအစား အလိုက် တစ်ပိသာ  (၂၈၀၀/၃၀၀၀)ကျပ် ယခင်အပတ်အတိုင်း တည်ငြိမ်ပြီး အရောင်းအဝယ် ဖြစ်လျက်ရှိပါသည်။

         ကုန်စိမ်းများဖြစ်သော ငရုပ်သီးစိမ်း တစ်ပိသာ (၄၀၀၀)ကျပ် ၊ ခရမ်းချဉ်သီး တစ်ပိသာ (၁၈၀၀)ကျပ် ဖြစ်နေပြီး ခရမ်းသီး  တစ်ပိသာ (၁၂၀၀) ကျပ် ယခင် အနည်းငယ်လျော့ကျပြီး အရောင်းအဝယ်ဖြစ်လျက်ရှိပါသည်။  ပန်းဂေါ်ဖီ တစ်ပွင့်  (၂၀၀၀) ကျပ် ၊ ဂေါ်ဖီထုပ် တစ်ထုပ်လျှင် (၂၅၀၀)ကျပ် ယခင်အထက် (၂၀၀)ကျပ် မြင့်တက်လျက်ရှိကြောင်း၊ ခါကြက်ဥ(တရုတ်) တစ်ပိသာ (၅၀၀၀)ကျပ် ၊ ခါကြက်ဥ (ဗမာ) တစ်ပိသာလျှင် (၄၀၀၀)ကျပ် ယခင် အပတ်အတိုင်း တည်ငြိမ်နေကြောင်း၊ သံပုရာသီး တစ်လုံးလျှင် (၁၅၀) ကျပ် မှ (၂၀၀) ကျပ် ၊ ကန်ဇွန်းရွက် တစ်စီးလျှင် (၁၀၀) ကျပ် နှုန်းဖြင့် အရောင်းအဝယ် ဖြစ်နေပြီး  ကုန်ဈေးနှုန်းများ အနည်းငယ် မြင့်တက်လာကြောင်း ဈေးသည်တစ်ဦး ထံမှ သိရှိရပါသည် ။

          ကြက်ဥ လက်လီဈေးနှုန်းမှာ (အကြီး)တစ်လုံး (၃၀၀)ကျပ်၊ (အသေး)တစ်လုံး (၂၅၀) ကျပ် ၊ ဘဲဥ တစ်လုံး (၄၀၀)ကျပ်ရှိပါသည် ။  အသား /ငါး ဈေးနှုန်းများမှာ ကြက်သား(cp) (၁၄၀၀၀ )ကျပ် မှ (၁၆၀၀၀) ကျပ် ၊ ကြက်သား(ဗမာ) (၁၈၀၀၀ )ကျပ် မှ (၂၀၀၀၀) ကျပ် ၊ ဝက်သား တစ်ပိသာ (၁၈၀၀၀) ကျပ် မှ (၂၂၀၀၀) ကျပ် ၊ အမဲသား တစ်ပိသာ (၁၁၀၀၀) ကျပ် မှ (၁၄၀၀၀) ကျပ် ယခင်မေလ နောက်ဆုံးအပတ်အတိုင်း ဝက်သား၊ အမဲသား ဈေးများမှာ တည်ငြိမ်လျက်ရှိပြီး၊  ကြက်သား ဈေး အနည်းငယ်မြင့်တက်လာကြောင်း တွေ့ရှိရပါသည်။ ငါးကြင်းအကောင်လိုက်နှင့် ငါးကြင်းခုတ်သား ဈေးမှာ တစ်ပိသာ (၉၀၀၀) ကျပ် မှ (၁၄၀၀၀) ကျပ်၊ တီလားဗီးယားငါး အသေးတစ်ပိသာ (၆၀၀၀)ကျပ် ၊ အလတ် တစ်ပိသာ (၈၀၀၀) ကျပ်၊ အကြီး တစ်ပိသာ (၁၀၀၀၀)  ငါးဈေးများမှာ ယခင်အပတ်ထက် အနည်းမြင့်တက်လာပြီး အရောင်းအဝယ်ဖြစ်နေကြောင်းသိရပါသည်။

          စားသုံးဆီဈေးနှုန်းမှာ မြေပဲဆီသန့် တစ်ပိသာလျှင် (၁၄၀၀၀)ကျပ် မြေပဲဆီဈေးနှုန်းဟာ ယခင် အပတ်များနှင့်အတူ ဈေးတည်ငြိမ်လျှက်ရှိပါသည်။ စားအုံးဆီ တစ်ပိသာလျှင် (၆၈၀၀)ကျပ်၊ ဆယ်ပိသာ တစ်ပုံးလျှင် (၆၇၀၀၀)ကျပ်  ယခင် အပတ်ထက် တစ်ပိသာ(၁၀၀၀)ကျပ်မြင့်တက်ကာ အရောင်းအဝယ် ဖြစ်နေကြောင်း ဈေးသည်တစ်ဦးထံမှ သိရသည်။

DOCA(စစ်ကိုင်း)

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူ မြို့နယ်တာဝန်ခံရုံးအနေဖြင့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ် ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်ရန်”ဆိုသည့် ဌာန၏ မျှော်မှန်းချက်တာဝန်ကိုလည်း အ ကောင်အထည်ဖော်ဆောင်ရွက်လျက်ရှိရာ ကန့်ဘလူမြို့၊ မြို့မစည်ပင်သာယာဈေးတွင် ငါးမျိုးစုံ ရောင်းချလျက်ရှိပြီး ၂၀၂၃ ခုနှစ် ဇွန်လ၊ တတိယပတ်အတွင်း ဖြစ်ပေါ်နေသော ငါးလက်လီဈေးနှုန်းများမှာ ငါးရံ့အကောင်လိုက် တစ်ပိဿာလျှင် (၁၀၀၀၀)ကျပ်၊ တီလားဗီးယားအကောင်သေး တစ်ပိဿာ လျှင် (၆၀၀၀)ကျပ်၊ တီလားဗီးယားအကောင်လတ် တစ်ပိဿာလျှင်(၈၀၀၀)ကျပ်၊ တီလားဗီးယား အကောင်ကြီးတစ်ပိဿာလျှင် (၁၀၀၀၀)ကျပ်၊ ငါးကြင်းတစ်ပိဿာလျှင် (၉၀၀၀)ကျပ်၊ ငါးဖယ် တစ်ပိဿာလျှင် (၉၀၀၀)ကျပ်၊ ငါးမုတ်တစ်ပိဿာလျှင် (၆၅၀၀)ကျပ်၊ ငါးမြင်းတစ်ပိဿာလျှင် (၆၅၀၀)ကျပ်၊ ငါးဘတ်တစ်ပိဿာလျှင် (၁၆၀၀၀)ကျပ်၊ ငါးဂျောင်းတစ်ပိဿာလျှင် (၁၀၀၀၀) ကျပ်၊ ငါးအုံတုံတစ်ပိဿာလျှင် (၈၀၀၀)ကျပ်၊ ငါးအုံတုံခုတ်သားတစ်ပိဿာလျှင်  (၁၆၀၀၀)ကျပ်၊ ငါးမြင်းခုတ်သားတစ်ပိဿာလျှင် (၁၀၀၀၀)ကျပ်၊ ငါးကြင်းခုတ်သား တစ်ပိဿာလျှင် (၁၄၀၀၀) ကျပ်၊ ငါးဖယ်ခြစ်တစ်ပိဿာလျှင် (၂၀၀၀၀)ကျပ်၊ ပုစွန်ဆိတ်တစ်ပိဿာလျှင် (၇၀၀၀)ကျပ်နှင့် ပုစွန်ထုပ်တစ်ပိဿာလျှင် (၄၀၀၀၀)ကျပ်ဖြင့် အရောင်းအဝယ် ဖြစ်လျက်ရှိပါသည်။

          ငါးဈေးနှုန်းများအား ယခင်ဇွန်လ ဒုတိယပတ်နှင့်နှိုင်းယှဉ်ပါက တီလားဗီးယားအကောင် သေးတစ်ပိဿာလျှင် (၂၀၀၀)ကျပ်၊ တီလားဗီးယားအကောင်ကြီးတစ်ပိဿာလျှင်(၃၀၀၀)ကျပ်၊ ငါးဖယ်တစ်ပိဿာလျှင် (၁၀၀၀)ကျပ်ဈေးနှုန်းမြင့်တက်ပြီး အခြားငါးဈေးနှုန်းများမှာ ပုံမှန်အ တိုင်း အရောင်းအဝယ်ဖြစ်လျက်ရှိကြောင်း မြို့မစည်ပင်သာယာဈေးအတွင်းရှိ ငါးဒိုင်များမှသတင်းရရှိပါသည်။                                                                     

DOCA(စစ်ကိုင်း)

          စစ်ကိုင်းတိုင်းဒေသကြီး၊ ကန့်ဘလူမြို့၊ မြို့မစည်ပင်သာယာဈေးအတွင်း ရောင်းချနေသော သစ်သီးဝလံများမှာ ကန့်ဘလူမြို့နယ်၊ ကျွန်းလှမြို့နယ်၊ မြစ်ကြီးနားမြို့နှင့် မန္တလေးမြို့ရှိသစ်သီးပွဲရုံများမှ အသီးသီး ဝင်ရောက်လျက်ရှိသည်။

       ၂၀၂၃ခုနှစ်၊ ဇွန်လ၊ တတိယပတ်တွင် ဖြစ်ပေါ်လျက်ရှိသော သစ်သီးဝလံဈေးနှုန်းများမှာ ပန်းသီး(အကြွပ်)ရိုးရိုး(၁)လုံးလျှင် (၇၀၀ မှ ၁၀၀၀)ကျပ်၊ ပန်းသီး(အကြွပ်) ပိုက်စွပ်(၁)လုံးလျှင် (၂၀၀၀ မှ ၂၅၀၀)ကျပ်၊  စပျစ်သီး (အလုံးသေး) (၁)ပိဿာလျှင် (၁၂၀၀၀)ကျပ်၊ ပန်းသစ်တော် သီး(၁)လုံးလျှင် (၂၅၀၀ မှ ၃၀၀၀)ကျပ်၊  ဖီးကြမ်းငှက်ပျောသီး(၁)ဖီးလျှင် (၁၀၀၀)ကျပ်၊ ခွန်စိမ်း ရိုးရိုး(၁) ဖီးလျှင် (၁၀၀၀ မှ ၁၃၀၀)ကျပ်၊ မြစ်ကြီးနားမှထွက်ရှိသော ခွန်စိမ်းငှက်ပျောသီး (၁)ဖီးလျှင် (၁၅၀၀ မှ ၂၀၀၀)ကျပ်၊ ဖရဲသီး (၁)လုံးလျှင် (၂၅၀၀ မှ ၃၀၀၀)ကျပ်၊ မင်းကွတ်သီး  (၁)လုံးလျှင် (၂၀၀ မှ ၃၀၀)ကျပ်၊ ၊ ပတ္တမြားငမောက်သရက်သီး(၁)လုံးလျှင် (၅၀၀ မှ ၇၀၀)ကျပ်၊ နာနတ်သီး (၁)လုံးလျှင် (၁၀၀၀)ကျပ်၊ သင်္ဘောသီး (၁)လုံးလျှင် (၂၅၀၀)ကျပ်၊ လိမ္မော်သီး (၁)ပိဿာလျှင် (၁၂၀၀၀)ကျပ် ၊ပိန္နဲသီး(၁)လုံးလျှင် (၁၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း မြို့မစည်ပင်သာယာဈေးအတွင်း ရောင်းချသောသစ်သီးဆိုင်များမှ သတင်းရရှိပါသည်။

DOCA(စစ်ကိုင်း)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူခရိုင် ဦးစီးမှူးရုံးအနေဖြင့် စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေး လုပ်ငန်းများ ဆောင်ရွက်လျက်ရှိပြီး ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေး လုပ်ငန်းများဖြင့် နိုင်ငံစီးပွားဖွံ့ဖြိုးတိုးတက်စေရန် ဟူသော မျှော်မှန်းချက်နှင့်အညီ အသင်းအဖွဲ့များ အစုအဖွဲ့များ ဖွဲ့စည်းပေးပြီး ပိုမိုအားကောင်းလာစေရေး ပူးပေါင်းဆောင်ရွက်လျက်ရှိပါသည်။ ပွဲရုံများ၏ သီးနှံဈေးနှုန်းများနှင့် အရောင်းအဝယ်ဖြစ်မှုများကိုလည်း  တင်၊ တန် စာရင်းတို့ကိုလည်း အပတ်စဉ်၊ လစဉ် တင်ပြလျက်ရှိပါသည်။

           ကန့်ဘလူပွဲရုံများအနေဖြင့် မေလနှင့် ဇွန်လ လဆန်းပိုင်းတို့တွင် အရောင်းအဝယ် ဖြစ်နေသော သီးနှံအမျိုးအစားနှင့် ဈေးနှုန်းများ အရောင်းအဝယ် ဖြစ်မှုအခြေအနေမျာမှာ ပဲတီစိမ်း (၂၄၇၅)တင်း/(၂၂၇.၄၈)တန် ဈေးနှုန်းမှာ ပဲတီစိမ်း တစ်တင်းလျှင်(၅၅၀၀၀/၆၀၀၀၀)ဈေးရှိပါသည်။ ပဲစဉ်းငုံ(နီ) (၇၅)တင်း/(၆.၈၉)တန် ဈေးနှုန်းမှာ တစ်တင်းလျှင်(၁၀၅၀၀၀)ဈေးရှိပြီး၊ ပဲစဉ်းငုံ(ဖြူ) (၁၅)တင်း/ (၂.၁၁)တန် ဈေးနှုန်းမှာ တစ်တင်းလျှင်(၉၅၀၀၀)ဈေးရှိပြီး တောင်သူမျိုးကျန်များ ရောင်းချချိန်ဖြစ်သည့်အတွက် အဝင်နည်းသော အချိန်ဖြစ်ကာ အရောင်းအဝယ်ဖြစ်ကြောင်း သိရှိရပါသည်။ ကုလားပဲ အမျိုးအစား (၄)မျိုးရှိပြီး v2 အမျိုးအစား (၇၅)တင်း/(၇.၀၁)တန် ဈေးနှုန်းမှာ တစ်တင်းလျှင်(၉၀၀၀၀)ကျပ်နှုန်း ၊ v7အမျိုး အစား(၁၀၅)တင်း/(၉.၈၂)တန်ဈေးနှုန်း တစ်တင်းလျှင် (၉၀၀၀၀)ကျပ်နှုန်း၊ ထိုင်ဝမ် အမျိုးအစာ (၄၅)တင်း/(၄.၂၀)တန် ဈေးနှုန်း တစ်တင်းလျှင် (၈၆၀၀၀) ကျပ်နှုန်း၊ 929အမျိုးအစား တင်း(၅၂၈) /တန်(၄၉.၃၉)တန် ဈေးနှုန်း တစ်တင်းလျှင် (၈၈၀၀၀)ကျပ် နှုန်း ပေါက်ဈေးရှိပြီး ယခင်လထက်အနည်းငယ် ဈေးမြင့်တက်လျက်ရှိပါသည်။ မတ်ပဲ တင်း(၄၂၀) /တန်(၃၉.၂၈) ဈေးနှုန်း တစ်တင်းလျှင် (၇၇၀၀၀)ကျပ်နှုန်းဖြစ်ပါသည်။ မြေပဲလုံးဆံတင်း(၁၅) /တန် (၁.၄၀)ရှိပြီး ဈေးနှုန်းမှာ(၁၂၀၀၀၀) ကျပ် ပေါက်ဈေးရှိကာ အရောင်းအဝယ် ဖြစ်လျက်ရှိပြီး ရာသီ မဟုတ်တော့သည့်အတွက် အဝင်နည်းကြောင်း ယခင်လတုန်းကတော့ ကြက်သွန်နီ/ ငရုတ်သီးခြောက်များအဝင်ရှိကာ ယခုလမှာတော့ အဝင်မရှိကြောင်းနှင့် မိမိတို့ပွဲရုံမှ သီးနှံများကို မန်းလေးမြို့ ဇောတိကပွဲရုံသို့ တင်ပို့ရောင်းချလျက်ရှိကြောင်း ကန့်ဘလူမြို့ပေါ်ရှိ  ပွဲရုံပိုင်ရှင်တစ်ဦးထံမှ သတင်းရရှိပါသည်။

DOCA(စစ်ကိုင်း)