HighLight News

   စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးနှင့်အဖွဲ့သည် မြန်အောင်မြို့နယ်၊ မျှင်ဝါးတောင်ကျေးရွာ၊ အခြေခံပညာမူလတန်း (ယွန်း) ကျောင်းခွဲရှိ ဆရာ/ ဆရာမ ၂၀ဦးနှင့် ကျောင်းသား/ ကျောင်းသူ ၈၀ဦးအား (၂-၈-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် စားသုံးသူကာကွယ်ရေးအသိပညာပေးဟောပြောခြင်းများဆောင်ရွက်ခဲ့ပါသည်။

  ဟောပြောပွဲတွင် မြို့နယ်ဦးစီးမှူး ဦးမြင့်အောင်က စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့်တာဝန်များအကြောင်း၊ အစားအသောက်နှင့်ကုန်စည်များတွင်ဖော်ပြရမည့် ကုန်အညွှန်းအမှတ်အသားများအကြောင်း၊ ဝယ်ယူအသုံးပြုခဲ့သော ကုန်စည်နှင့်ဝန်ဆောင်မှု များကြောင့် နစ်နာဆုံးရှုံးမှုများဖြစ်ပေါ်လာပါက ပြောဆိုတင်ပြတိုင်ကြားခွင့်နှင့် ပြန်လည်ကုစားနိုင်ခွင့်များအကြောင်းကို အကျယ်တဝင့်ရှင်းလင်းဆွေးနွေးဟောပြောခဲ့ပါသည်။

  ဟောပြောပွဲအပြီးတွင် မြို့နယ်ဦးစီးမှူးနှင့်အဖွဲ့သည် ကျောင်းမုန့်ဈေးတန်းကော်မတီဝင်များနှင့်အတူ ကျောင်းမုန့်ဈေးတန်းများရှိ ရောင်းချနေသောမုန့်များတွင် ကုန်အညွှန်းအမှတ်အသားပြည်စုံမှုရှိ/ မရှိကိုကွင်းဆင်းစိစစ်ခဲ့ပြီးနောက် ကုန်အညွှန်းအမှတ်အသားပြည့်စုံသော မုန့်များကိုသာရောင်းချရန်အတွက် မုန့်ဈေးတန်းရောင်းချသူများကို မှာကြားခဲ့ကြောင်းသိရှိရပါသည်။

DOCA(ဧရာဝတီ)

   စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ဟင်္သာတခရိုင်၊ ဇလွန်မြို့နယ်၊ မြို့နယ်တာဝန်ခံသည် ဌာနဆိုင်ရာများနှင့်ပူးပေါင်း၍ ၂၀၂၃ခုနှစ်၊  ဩဂုတ်လ (၂) ရက်နေ့၊ နေ့လယ် (၁၃:၀၀) နာရီအချိန်တွင် မြင်းတဲကျေးရွာအုပ်စု၊ အခြေခံပညာအလယ်တန်းကျောင်း၌ ဆရာ/ဆရာမ (၈) ဦး ကျောင်းသား/ သူများ (၁၈၇) ဦးအား စားသုံးသူကာကွယ်ရေးအသိပညာပေးဟောပြောခဲ့ပါသည်။

    ဟောပြောပွဲတွင် စားသုံးသူ‌‌‌ရေးရာဦးစီးဌာန၊ မြို့နယ်တာဝန်ခံက  စားသုံးသူကာကွယ်ရေးဥပဒေအကြောင်း၊  စားသုံးကာကွယ်ရေးဥပဒေပါ စားသုံးသူအခွင့်အရေးနှင့်တာဝန်များအကြောင်း၊ အခန်း (၁၈) ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ သိကောင်းစရာများအကြောင်း၊ ကုန်စည် (သို့မဟုတ်) ဝန်ဆောင်မှုကို ဝယ်ယူအသုံးပြုခြင်းကြောင့် ဖြစ်ပေါ်လာသည့်နစ်နာဆုံးရှုံးမှု များနှင့်စပ်လျဉ်း၍ ကုစားခွင့်ရရှိခြင်းများအကြောင်း၊ တားမြစ်ချက်များအကြောင်း၊  ပြစ်မှုနှင့်ပြစ်ဒဏ်များအကြောင်း၊ ဈေးကွက်အတွင်းရောင်းချနေသောကုန်ပစ္စည်းများကို ရွေးချယ်ဝယ်ယူအသုံးပြုတတ်စေရန် အသိပညာပေးခြင်းများအကြောင်း၊ စားသုံးသူမိဘပြည်သူများအနေဖြင့်လည်း စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအကြောင်းကိုသိရှိလိုပါက www. doca. gov. mm Website တွင် ဝင်ရောက်လေ့လာနိုင်ကြောင်း စသည့်တို့ကို အသိပညာပေးဟောပြောခဲ့ပြီး တက်ရောက်လာသူများကလည်း သိလိုသည်များကိုမေးမြန်း၍ စားသုံးသူကာကွယ်ရေးဥပဒေစာအုပ်နှင့် လက်ကမ်းစာစောင်များဖြန့်ဝေပေးခဲ့ကြကြောင်းသိရှိရပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ ဟင်္သာတမြို့နယ်ဦးစီးမှူးနှင့်အဖွဲ့သည် ဟင်္သာတမြို့နယ်၊ ကျုံတွမ်ကျေးရွာအုပ်စုရှိ ဘုရားကြီးတန်ဆောင်းဝန်းတွင် ပြည်သူ (၁၅၀) ဦးအား (၂-၈- ၂၀၂၃)ရက်နေ့၊ နံနက် (၁၁:၀၀) နာရီအချိန်တွင် စားသုံးသူကာကွယ်ရေးအသိပညာပေးဟောပြောခဲ့ပါသည်။

    ဟောပြောပွဲတွင် မြို့နယ်ဦးစီးမှူး ဦးမိုးကျော်က စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့်တာဝန်များ၊ စားသုံးသူများသည် ကုန်စည်ကိုရွေးချယ်ဝယ်ယူတတ်စေရန် ကုန်အညွှန်းအမှတ်အသားနှင့်စပ်လျဉ်း၍ ဖော်ပြပါရှိသည့်အချက်အလက်များကို သေချာစွာစိစစ် ဝယ်ယူနိုင်ရန်၊ အစားအသောက်နှင့်ကုန်စည်များပေါ်တွင် ဖော်ပြရမည့်ကုန်အညွှန်းအမှတ်အသားများအကြောင်း၊ ဝယ်ယူအသုံးပြုခဲ့သော ကုန်စည်နှင့်ဝန်ဆောင်မှုများကြောင့် နစ်နာဆုံးရှုံးမှုများဖြစ်ပေါ်လာပါက ပြောဆိုတင်ပြတိုင်ကြားခွင့်နှင့် ပြန်လည်ကုစားနိုင်ခွင့်များအကြောင်း၊  ပြစ်မှုနှင့်ပြစ်ဒဏ်များအကြောင်းကိုသိရှိနိုင်ရန်နှင့် စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ (Consumer Information and Complaint Center) CICC ဖွင့်လှစ်ထားရှိမှုအခြေအနေနှင့် စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအကြောင်းကိုသိရှိလိုပါက www. doca. Gov .mm Website တွင် ဝင်ရောက်လေ့လာနိုင်ရန်နှင့် Consumer Call Center 1535 သို့ ဆက်သွယ်မေးမြန်းနိုင်ရန် စသည်တို့ကို အသိပညာပေးဟောပြောဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

   Packing Machine များထုတ်လုပ်ဖြန့်ဖြူးလျက်ရှိသော Machine City ကုမ္ပဏီသည် ၂၀၂၃ခုနှစ်၊ ဩဂုတ်လ ၂ရက်နေ့၊ နံနက်ပိုင်းအချိန်တွင် စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံး၌ တောင်ငူခရိုင်အတွင်းရှိ မုန့်ဖတ်ခြောက်လုပ်ငန်းရှင်များအားတွေ့ဆုံ၍ ၎င်းတို့ကုမ္ပဏီမှထုတ်လုပ်သည့် ထုပ်ပိုးစက် (Packing Machine) များနှင့်ပတ်သက်၍ ရှင်းလင်းပြသခဲ့ပါသည်။

     အခမ်းအနားတွင် စားသုံးသူရေးရာဦးစီးဌာန၊ ပဲခူးတိုင်းဒေသကြီးဦးစီးမှူးရုံးမှ လက်ထောက်ညွှန်ကြားရေးမှူး ဒေါ်အေးအေးသင်းက အဖွင့်အမှာစကားပြောကြားခဲ့ပြီးနောက် တောင်ငူခရိုင်ဦးစီးမှူး ဦးမျိုးအောင်က မိတ်ဆက်စကားပြောကြားခဲ့ပါသည်။ ဆက်လက်၍ Machine City ကုမ္ပဏီမှ ဦးရဲမြင့်ဦးက  ၎င်းတို့ကုမ္ပဏီမှထုတ်လုပ်သည့် ထုပ်ပိုးစက် (Packing Machine) များအကြောင်းကို Power Point ဖြင့် ရှင်းလင်းပြသခဲ့ပါသည်။

   Machine City ကုမ္ပဏီမှဖြန့်ဖြူးရောင်းချသည့် သာမန်အိတ်ပိတ်စက်များတွင် လက်ဖိစက်နှင့်ခြေနင်းစက် စသည်တို့ရှိရာ အမျိုးအစားပေါ်မူတည်၍ တစ်လုံးလျှင် ၂၀၀၀၀ကျပ်မှ ၅၀၀၀၀ကျပ်အထိရှိပါသည်။ ၎င်းစက်များမှာ ထုပ်ပိုးအိတ်ခွံများကို သားရေကြိုးစည်းသည့်စနစ်မှ စက်ဖြင့် စနစ်တကျသေသပ်လှပစွာပိတ်နိုင်မည်ဖြစ်ပါသည်။ ခြေနင်းစက်တစ်မျိုးမှာ တန်ဖိုးအားဖြင့် ၄၀၀၀၀ကျပ်မှ ၄၅၀၀၀ကျပ်အထိရှိပြီး အကြမ်းခံနိုင်သဖြင့် ၎င်းစက်ကို လုပ်ငန်းရှင်များစိတ်ပါဝင်စားသည်ကိုတွေ့ရပါသည်။

  ပြည်ပပို့ကုန်အဖြစ် အဆင့်မီသေသပ်လှပစွာထုပ်ပိုးနိုင်သည့် ရင်ခွဲအိတ်ပိတ်စက်မှာ တန်ဖိုးအားဖြင့် ၁၆၅၀၀၀၀ကျပ် (ကျပ်တစ်ဆယ့်ခြောက်သိန်းငါးသောင်း) ခန့်ရှိရာ လုပ်ငန်းရှင်များအတွက် ရင်းနှီးမြှုပ်နှံရန် စဉ်းစားရမည့်အပြင် မုန့်ဖတ်ခြောက်များ၏ သဘောသဘာဝအရ အခြားစားသောက်ကုန်များနှင့်မတူညီသဖြင့် မုန့်ဖတ်ခြောက်များထုပ်ပိုးနိုင်ရန် ပြုပြင်ဆောင်ရွက်ရမည်ဖြစ်ကြောင်းကိုတွေ့ရှိရပါသည်။ ဘေးအိတ်ပိတ်စက်မှာ တန်ဖိုးအားဖြင့် ၁၂၀၀၀၀၀ကျပ် (ကျပ်သိန်း၁၂၀) ခန့်ရှိပြီး မုန့်ဖတ်ခြောက်အတွက် ပိုမိုသင့်လျော်ကြောင်း လုပ်ငန်းရှင်များကဆိုပါသည်။

  Packing Machine ဝယ်ယူခြင်းနှင့်ပတ်သက်၍ အရစ်ကျစနစ်ဖြင့် ကုမ္ပဏီ၏ဆောင်ရွက်ပေးနိုင်မည့်ကိစ္စကို လုပ်ငန်းရှင်များကမေးမြန်းရာ ကုမ္ပဏီက ငွေကြေးလည်ပတ်မှုအခက်အခဲကြောင့် လုပ်ငန်းရှင် ၃ဦးအထိကို ၆၀ရာခိုင်နှုန်းငွေချေပြီး ကျန်သည့် ၄၀ရာခိုင်နှုန်းကို တစ်လလျှင် ၂၀ ရာခိုင်နှုန်းစီပေးသွင်းရမည်ဖြစ်ကြောင်း ပြန်လည်ရှင်းလင်းပြောကြားခဲ့သည်ကို သိရှိရပါသည်။

   Machine City မှထုတ်လုပ်သည့် ထုပ်ပိုးစက် (Packing Machine) များနှင့်ပတ်သက်၍ ရှင်းလင်းပြသခြင်းအခမ်းအနားသို့ စက်မှုကြီးကြပ်ရေးနှင့်စစ်ဆေးရေးဦးစီးဌာန၊ အသေးစားစက်မှုလက်မှုလုပ်ငန်းဦးစီးဌာနတို့မှ ခရိုင်ဦးစီးမှူးများနှင့် တောင်ငူမြို့နယ်မှ မုန့်ဖတ်ခြောက်လုပ်ငန်းရှင် ၇ဦးတက်ရောက်ခဲ့ကြကြောင်း သိရပါသည်။

DOCA(ပဲခူး)

      တနင်္သာရီတိုင်းဒေသကြီး၊ ကော့သောင်းခရိုင်၊ စားသုံးသူရေးရာဦးစီးဌာနတွင် ၂၀၂၃ခုနှစ်၊ ဩဂုတ်လ ၇ရက်နေ့၊ နေ့လယ် (၂:၀၀) နာရီအချိန်တွင် မြို့နယ်အထွေထွေအုပ်ချုပ်ရေးဦးစီးဌာန၊ ခရိုင်အသေးစားနှင့်စက်မှုလက်မှုလုပ်ငန်းဦးစီးဌာန၊ ပြည်သူ့ကျန်းမာရေးဦးစီးဌာနနှင့် မြို့နယ်စည်ပင်သာယာရေးအဖွဲ့တို့နှင့်အတူပူးပေါင်းကာ အဏ္ဏဝါရပ်ကွက်တွင် လက်ကားကုန်စုံဆိုင်ကြီး (၆) ဆိုင်သို့သွားရောက်၍ အစားအသောက်ကုန်စည်အုပ်စုများအနက် အသင့်သောက်အချိုရည်အမျိုးမျိုးတို့တွင် ကုန်အညွှန်းအမှတ်အသားဖော်ပြခြင်းဆိုင်ရာပြဋ္ဌာန်းချက်များနှင့်ပတ်သက်၍ ကုန်စည်၏အမျိုးအမည်၊ အရွယ်အစား၊ အသားတင်ပမာဏ၊ ထားသိုသိမ်းဆည်းပုံအညွှန်းနှင့် ဓာတ်မတည့်ကြောင်းဖော်ပြထားခြင်းရှိ/မရှိ စသည်တို့ကို ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ကြကြောင်း သိရှိရပါသည်။

DOCA(တနင်္သာရီ)