သတင်းနှင့် လှုပ်ရှားမှုများ

 ကျိုက်လတ်မြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံအနေဖြင့် ကုန်မျိုးစုံရောင်းချသည့် လုပ်ငန်းရှင်(၁၈)ဦးအား ၂၀၂၃ခုနှစ်၊ စက်တင်ဘာလ(၁၁)ရက်နေ့၊ နေ့လယ် (၁၁:၀၀)နာရီအချိန်တွင် ကျိုက်လတ်မြို့နယ်၊ စားသုံးသူရေးရာဦးစီးဌာနရုံးတွင် ကုန်စည်(သို့မဟုတ်) ဝန်ဆောင်မှုများဘေးအန္တရာယ်ကင်းရှင်းပြီး လုံခြုံစိတ်ချရမှုရှိစေရေးအတွက် စီးပွားရေးလုပ်ငန်းရှင်များလိုက်နာဆောင်ရွက်ရမည့်တာဝန်များနှင့် ရောင်းချနေသောကုန်စည်များတွင် သတ်မှတ်ထားသောကုန်အညွှန်းအမှတ်အသားပြည့်စုံစွာဖော်ပြထားခြင်းမရှိပါက ဈေးကွက်အတွင်းရောင်းချခြင်းမပြုကြရန်၊ ကုန်စည်(သို့မဟုတ်)  ဝန်ဆောင်မှု၏အာမခံချက်၊ သတ်မှတ်ချက်များနှင့်စပ်လျဉ်း၍ ရိုးရှင်းမှန်ကန်သောသတင်းအချက်အလက်များပေးခြင်း၊ စားသုံးသူနစ်နာဆုံးရှုံးမှုဖြစ်ပွားစေမည့် ကုန်စည်(သို့မဟုတ်)ဝန်ဆောင်မှုကို တိုက်ရိုက်ရောင်းချခြင်း (သို့မဟုတ်) သွယ်ဝိုက်ရောင်းချခြင်းများမပြုကြရန် အသိပညာပေးဟောပြောခဲ့ကြောင်း သတင်းရရှိပါသည်။

DOCA(ဧရာဝတီ)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှု၊ ပခုက္ကူခရိုင်ဦးစီးမှူး၏ကြီးကြပ်မှုဖြင့် (၁၅.၉.၂၀၂၃) ရက်နေ့၊ နံနက်(၀၉:၀၀)နာရီအချိန်တွင် ပခုက္ကူမြို့၊ အမှတ်(၁၄)ရပ်ကွက်ရှိ အခြေခံပညာမူလတန်းကျောင်း၌ စားသုံးသူကာကွယ်ရေးအသိပညာပေးဟောပြောပွဲပြုလုပ်ခဲ့ရာ ဆရာ/ ဆရာမ(၁၆)ဦးနှင့် ကျောင်းသား/ ကျောင်းသူ(၁၆၃)ဦးတို့တက်ရောက်ခဲ့ကြပါသည်။

    ဟောပြောပွဲတွင် ကျောင်းအုပ်ဆရာကြီးက ကြိုဆိုနှုတ်ခွန်းဆက်စကားပြောကြားခဲ့ပြီး ဦးစီးမှူးဦးမြတ်မင်းက ဌာန၏သမိုင်းကြောင်း၊ ဌာန၏မျှော်မှန်းချက်၊ ရည်မှန်းချက်များနှင့် ယခုဌာနမှ ဆောင်ရွက်နေသည့်လုပ်ငန်းများအကြောင်း၊ ကျောင်းသား/သူများအား အစားအသောက်နှင့်အသုံးအဆောင်ပစ္စည်းများကို ဝယ်ယူအသုံးပြုရာတွင် စားသုံးသူများ၏အခွင့်အရေးနှင့် ကုန်ပစ္စည်းများတွင် ထည့်သွင်းဖော်ပြရမည့် ကုန်အညွှန်းအမှတ်အသားများအကြောင်း၊ ဒုဦးစီးမှူးဒေါ်လှိုင်ဥမ္မာဦးက စားသုံးသူကာကွယ်ရေး၊ စားသုံးသူ၊ ကုန်စည်၊ ဝန်ဆောင်မှုများ၏အဓိပ္ပာယ်များအကြောင်း၊ စားသုံးသူများရရှိ သည့်အခွင့်အရေးများနှင့် လိုက်နာရမည့်တာဝန်များအကြောင်း၊ အခုလိုသိရှိမှသာ အခွင့်အရေးများကို တောင်းဆိုနိုင်မည်ဖြစ်ကြောင်း၊ စားသုံးသူများလိုက်နာရမည့် တာဝန်များကိုလည်း တိတိကျကျ လိုက်နာရန်လိုအပ်ကြောင်းနှင့်  အငယ်တန်းစာရေး ဒေါ်ခိုင်ဇင်ကျော်က အခန်း(၁၈)ပါ ကုန်စည်များတွင် ဖော်ပြရမည့်ကုန်အညွှန်းအမှတ်အသားများကို နမူနာပစ္စည်းများပြသ၍ ကျယ်ကျယ်ပြန့်ပြန့် ရှင်းလင်းပြီး ယခုကဲ့သို့ ကုန်အညွှန်းအမှတ်အသားများမပါလျှင် ဝယ်ယူ၊ စားသောက်၊ ရောင်းချခြင်း မပြုစေလိုကြောင်း၊ ကုန်အညွှန်းအမှတ်အသားများပြည့်စုံမှသာလျှင် သုံးစွဲစေလိုကြောင်း ရှင်းလင်း ဆွေးနွေးခဲ့ပါသည်။

       ဆက်လက်၍ ဦးစီးမှူး ဦးမြတ်မင်းက ကျောင်းသား/ကျောင်းသူများအနေဖြင့် မိမိကိုယ်တိုင်၊ မိဘ၊ ဆွေမျိုးနှင့် ပတ်ဝန်းကျင်ရှိ မိတ်ဆွေအပေါင်းအသင်းများအား အခွင့်အရေးများ နစ်နာဆုံးရှုံး မှုရှိခဲ့လျှင် တိုင်ကြားနိုင်ရန် စားသုံးသူသတင်းပြန်ကြားရေးနှင့် လက်ခံဆောင်ရွက်ရေးစင်တာ “CICC” ရုံးများသို့ တိုင်ကြားနိုင်ကြောင်း၊ ထို့အပြင် Facebook စာမျက်နှာတွင်လည်းကောင်း၊ DOCA Myanmar Application တွင်လည်းကောင်း၊ Consumer Call Center (1535) တွင်လည်းကောင်း တိုင်ကြားနိုင်ကြောင်းနှင့် တိုင်ကြားလျှင် ဖြေရှင်းဆောင်ရွက်ပေး၍မရသည့်ကိစ္စများကိုလည်း ရှင်းလင်းပြောကြားခဲ့ပြီး ဆုံးရှုံးနစ်နာမှုများဖြစ်ပေါ်လာလျှင်တိုင်ကြားနိုင်သည့် တိုင်ကြားသူများအကြောင်းကိုလည်း ကျယ်ကျယ်ပြန့်ပြန့်  ရှင်းလင်းဆွေးနွေးခဲ့ပါသည်။ တက်ရောက်လာသည့် ကျောင်းသား/ကျောင်းသူများက သိလိုသည်များကို မေးမြန်းခဲ့ရာ ပြန်လည်ဖြေကြားခဲ့ပြီး အသိပညာပေးလက်ကမ်းစာစောင်များလည်း ဖြန့်ဝေခဲ့ပါသည်။

DOCA(မကွေး)

    စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်၊  ခရိုင်ဦးစီးမှူး ဦးဝေဠုအောင်သည် (၁၅.၉.၂၀၂၃)ရက်နေ့၊ နံနက်(၀၉:၀၀)နာရီအချိန်တွင် ပခုက္ကူမြို့ပညာရေးဒီဂရီကောလိပ်၌ ကျင်းပ ပြုလုပ်သည့် ၂၀၂၃ခုနှစ်၊ စက်တင်ဘာလ(၁၆)ရက်နေ့တွင် ကျရောက်မည့် ကမ္ဘာ့အိုဇုန်းလွှာထိန်းသိမ်းကာကွယ်ရေးနေ့အား ကြိုဆိုဂုဏ်ပြုသောအားဖြင့် “ရာသီဥတုပြောင်းလဲမှုလျှော့ချရေး အိုဇုန်းလွှာ ထိန်းသိမ်းကာကွယ်ပေး”အခမ်းအနားသို့ မိတ်ဖက်ဌာနအကြီးအကဲများနှင့်အတူ တက်ရောက်ခဲ့ကြောင်း သိရှိရပါသည်။

  အဆိုပါအခမ်းအနားတွင် ပခုက္ကူခရိုင်စီမံအုပ်ချုပ်ရေးအဖွဲ့ဥက္ကဌမှ အဖွင့်အမှာစကားပြောကြားခဲ့ပြီး ပတ်ဝန်းကျင်ထိမ်းသိမ်းရေးဦးစီးဌာနအမျိုးသားအဆင့်မှပေးပို့သည့် အိုဇုန်းလွှာထိန်းသိမ်းကာကွယ်သည့် မှတ်သားဖွယ်ရာအထိမ်းအမှတ်ဗီဒီယိုများအားပြသခြင်း၊ ပခုက္ကူပညာရေးဒီဂရီကောလိပ်သို့ စာစောင်၊ စာအုပ်များပေးအပ်ခြင်း၊ တိုးချဲ့ပညာပေးဆက်စပ်ဌာနများသို့ စာစောင်၊ စာအုပ်များပေးအပ်ခြင်း၊ ခရိုင် အဆင့်ဌာနဆိုင်ရာများသို့ အထိမ်းအမှတ်လက်ဆောင်ပစ္စည်းများပေးအပ်ခြင်းနှင့် ပခုက္ကူဒီဂရီကောလိပ်မှ ဖျော်ဖြေတင်ဆက်မှုများ  ပတ်ဝန်းကျင်ဆိုင်ရာစကားရည်ပြိုင်ပွဲများကို ပြုလုပ်ကျင်းပခဲ့ပြီး စကားရည် ပြိုင်ပွဲဝင်များမှ အကောင်းဆုံးရရှိသူများအား ဆုများချီးမြှင့်ခဲ့ကြောင်း သိရှိရပါသည်။

     အခမ်းအနားသို့ ပခုက္ကူပညာရေးဒီဂရီကောလိပ်မှ ဆရာ/ဆရာမ၊ သင်တန်းသား/သင်တန်းသူများ၊ ခရိုင်ပတ်ဝန်းကျင်ထိန်းသိမ်းရေးဦးစီးဌာနမှ ခရိုင်ဦးစီးမှူး၊ ခရိုင်မြို့နယ်စီမံအုပ်ချုပ်ရေးအဖွဲ့မှ ဥက္ကဌများ၊ ခရိုင်ရဲတပ်ဖွဲ့မှူး၊ စားသုံးသူရေးရာဦးစီးဌာနမှ ခရိုင်ဦးစီးမှူး၊ စည်ပင်သာယာရေးအဖွဲ့မှ အမှုဆောင်အရာရှိ၊ ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ခရိုင်ဦးစီးမှူးများစသည့် မိတ်ဖက်ဆိုင်ရာ အဖွဲ့များမှ ဌာနအကြီးအကဲများတက်ရောက်ခဲ့ကြပြီး စကားရည်ပြိုင်ပွဲတွင် ဌာနဆိုင်ရာအကြီးအကဲများနှင့်အတူ စားသုံးသူရေးရာဦးစီးဌာနမှ ခရိုင်ဦးစီးမှူးဦးဝေဠုအောင်သည် အကဲဖြတ်ဒိုင်အဖြစ် ပူးပေါင်းပါဝင်‌ဆောင်ရွက်ခဲ့ကြောင်း သိရှိရပါသည်။

DOCA(မကွေး)

   မကွေးတိုင်းဒေသကြီးအစိုးရအဖွဲ့၏လမ်းညွှန်မှုဖြင့် သရက်ခရိုင်စီမံအုပ်ချုပ်ရေးအဖွဲ့၏ စီစဉ်ပေးမှုအရ (၁၅.၉.၂၀၂၃)ရက်နေ့၊ နံနက်(၁၁:၀၀)နာရီမှ နေ့လယ်(၁၇:၀၀)နာရီအချိန်ထိ ကံမမြို့ နတ်မီးကျေးရွာအုပ်စု၊ နတ်မီးတောက်ကျေးရွာ၌ ယင်းကျေးရွာအုပ်စုနှင့်နီးကပ်သည့် ကျေးရွာအုပ်စုများမှ အိမ်ထောင်စု(၅၅၀)စုတို့အားလည်းကောင်း၊ ရေနံ့သာကျေးရွာအုပ်စု၊ ရေနံ့သာကျေးရွာ၌ ယင်း ကျေးရွာအုပ်စုနှင့်နီးကပ်သည့် ကျေးရွာအုပ်စုများမှ အိမ်ထောင်စု(၅၅၀)စုတို့အားလည်းကောင်း၊ သမ္ဘရာကျေးရွာအုပ်စု၊ သမ္ဘရာကျေးရွာ၌ ယင်းကျေးရွာအုပ်စုနှင့်နီးကပ်သည့် ကျေးရွာအုပ်စုများမှ အိမ်ထောင်စု (၅၅၀)စုတို့အားလည်းကောင်း၊ ကျီးမီးကျေးရွာအုပ်စု၊ ကျီးမီးကျေးရွာ၌ ယင်းကျေးရွာအုပ်စုနှင့် နီးကပ်သည့်ကျေးရွာအုပ်စုများမှ အိမ်ထောင်စု(၅၅၀)စုတို့အားလည်းကောင်း၊ စုစုပေါင်းအိမ်ထောင်စု (၂၂၀၀)စုအား သက်သာသောဈေးနှုန်းဖြစ်သည့် စားအုန်းဆီ(၁)ပိဿာလျှင် ကျပ်(၅၁၀၀)ဈေးနှုန်း ဖြင့် ရောင်းချပေးခဲ့ပါသည်။

    ထိုသို့ရောင်းချပေးမှုအား ကံမမြို့နယ်စီမံအုပ်ချုပ်ရေးအဖွဲ့ဥက္ကဌ၊ မြို့နယ်ဒု-ရဲမှူး၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်မီးသတ်ဦးစီးဌာန၊ စားသုံးသူ ရေးရာဦးစီးဌာနဝန်ထမ်းများနှင့် မြို့နယ်အဆင့်ဌာနဆိုင်ရာအရာရှိများမှ သွားရောက်ကြီးကြပ်ဆောင်ရွက်ခဲ့ပါကြောင်း သတင်းရရှိပါသည်။

DOCA(မကွေး)

       စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန မကွေးတိုင်းဒေသကြီး၊ မင်းဘူးခရိုင်ဦးစီးမှူးရုံးမှ မင်းဘူးခရိုင်အတွင်းရှိ ကလေးငယ်နှင့်စားသုံးသူပြည်သူများ ကုန်စည်နှင့် ဝန်ဆောင်မှုများကိုရယူအသုံးပြုရာတွင် ဘေးအန္တရာယ်ကင်းရှင်းစွာသုံးစွဲနိုင်စေရေးအတွက် ဈေးကွက်အတွင်း ရောင်းချနေသော ကလေးအာဟာရဖြည့်စွက်စာအမျိုးမျိုးတို့၏ ကုန်အညွှန်းအမှတ်အသား ပြည့်စုံမှန်ကန်မှုရှိစေရေး ဈေးကွက်စောင့်ကြည့်စစ်ဆေးလျက်ရှိရာ (၁၄.၉.၂၀၂၃)ရက်နေ့၊ နံနက်(၁၀:၀၀) နာရီအချိန်တွင် မင်းဘူးခရိုင်၊ ပွင့်ဖြူမြို့နယ်အတွင်းရှိ ဆေးနှင့်ကလေးအာဟာရဖြည့်စွက်စာ အမျိုးမျိုး ရောင်းချသောဆေးဆိုင်များသို့ သွားရောက်စစ်ဆေးခဲ့ပါသည်။

       ထို့သို့ ကွင်းဆင်းစစ်ဆေးဆောင်ရွက်ရာတွင် ဆေးဆိုင်များတွင်ရောင်းချနေသော ကလေးအာဟာရဖြည့်စွက်စာအမျိုးမျိုးတို့တွင် ကုန်အညွှန်းအမှတ်အသားဆိုင်ရာအချက်အလက်များ၊  အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်းဆည်းပုံအညွှန်း၊ ဓာတ်မတည့်ကြောင်းဖော်ပြချက်၊ ဘေးထွက်ဆိုးကျိုးနှင့် ကြိုတင်သတိပေးချက်များကို မြန်မာဘာသာဖြင့်ဖော်ပြထားကြောင်းနှင့် ကလေးငယ်အသက်အပိုင်းအခြားအလိုက် တိုက်ကျွေးရန်ဖော်ပြပါရှိကြောင်း၊ မိခင်နို့သည် အကောင်းဆုံးသောအာဟာရဖြစ်သည်ဟူသော ဖော်ပြချက်များလည်း တွေ့ရှိရပါကြောင်း၊ ထို့အပြင် အမှတ်တံဆိပ်များတွင်လည်း လျော်ကန်စွာအသုံးပြုရန်နှင့်လျော်ကန်စွာ အသုံးမပြုပါကကျန်းမာရေးထိခိုက်နိုင်ကြောင်း၊ မွေးကင်းစနှင့်(၆)လအောက်ကလေးများ၊ လမစေ့ပဲ မွေးသောကလေးနှင့်ပေါင်မပြည့်သောကလေးများအတွက် ကျန်းမာရေးဝန်ထမ်း၏ညွှန်ကြားချက်အတိုင်း တိုက်ကျွေးရန်ပါရှိကြောင်းလည်း စစ်ဆေးတွေ့ရှိရပါသည်။

          ပွင့်ဖြူမြို့နယ်အတွင်းရှိ ဆေးနှင့်ကလေးအာဟာရဖြည့်စွက်စာအရောင်းဆိုင်များကို ပြည့်စုံသော ကုန်အညွှန်းအမှတ်အသားများပါရှိမှသာရောင်းချရန်၊ ကလေးအာဟာရဖြည့်စွက်စာသည် အရေးကြီး ကုန်စည်ဖြစ်သည့်အတွက် တရားဝင်တင်သွင်းထားသော ကုန်စည်အမှတ်တံဆိပ်များသာ ရောင်းချရန်၊ သတိပေးနှိုးဆော်ချက်များနှင့် သက်ဆိုင်ရာအစားအသောက်နှင့်ဆေးဝါးကွက်ကဲရေးဦးစီးဌာန၏ ထောက်ခံချက်ပါရှိမှသာရောင်းချရန် အသိပေးဆွေးနွေးခဲ့ပါသည်။

DOCA(မကွေး)