သတင်းနှင့် လှုပ်ရှားမှုများ

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် စားသုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ရေးကော်မတီကို ဖွဲ့စည်းပြီး ပြည်ပမှ တင်သွင်းလာသည့် စားသုံးဆီများ သတ်မှတ်အရည်အသွေး စံချိန်စံညွှန်းများနှင့် ပြည့်မီစေရေး၊ စားသုံးသူပြည်သူများ ကျန်းမာရေးနှင့်ညီညွတ်သော စားသုံးဆီများကို သုံးစွဲနိုင်ရေး၊ စျေးနှုန်းတည်ငြိမ်စွာဖြင့် ဝယ်ယူစားသုံးနိုင်ရေးနှင့် စားအုန်းဆီ ကမ္ဘာ့စျေးနှုန်းဖြစ်ပေါ်ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် စျေးနှုန်းများ ဖြစ်ပေါ်စေရေး ထိန်းကျောင်းဆောင်ရွက်လျက်ရှိရာ စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်မှုဖြင့် (၄.၅.၂၀၂၃) ရက်နေ့၊နံနက် (၁၀:၀၀) နာရီအချိန်တွင် မုံရွာမြို့၊ တိုင်းဒေသကြီးအစိုးရအဖွဲ့ရုံးရှိ ဝန်ထမ်းများအား ကုမ္ပဏီများမှ ဖြန့်ဖြူးရောင်းချသော စားအုန်းဆီများကို စစ်ကိုင်းတိုင်းဒေသကြီး ဆီကုန်သည်များနှင့် ဆီလုပ်ငန်းရှင်များအသင်းမှ စျေးကားဖြင့် စားအုန်းဆီ(၁)ပိဿာလျှင် (၅၄၀၀)ကျပ်နှုန်းဖြင့် လူတစ်ဦးလျှင် (၁)ပိဿာနှုန်း ရောင်းချပေးနေမှုအား မုံရွာခရိုင်ဦးစီးမှူးရုံးမှ ဒု-ခရိုင်ဦးစီးမှူးနှင့် ဝန်ထမ်းတို့မှ သွားရောက်ပူးပေါင်းကြီးကြပ် ဆောင်ရွက်ခဲ့ပါသည်။

   ထိုသို့ကွင်းဆင်းကြီးကြပ်ဆောင်ရွက်ရာ၌ စားသုံးသူပြည်သူများ အဆင်ပြေချောမွေ့စွာ ဝယ်ယူနိုင်ရေး၊ စားအုန်းဆီစျေးနှုန်းများမှန်ကန်ရေး၊ အလေးချိန်ပြည့်ဝမှန်ကန်မှုရှိစေရေးနှင့် စားအုန်းဆီဝယ်ယူရာတွင် စနစ်တကျရှိစေရေးတို့ကို ကြီးကြပ်ပူးပေါင်းဆောင်ရွက်ခဲ့ပါသည်။

DOCA(စစ်ကိုင်း)

  တောင်ငူမြို့နယ်အတွင်းရှိ ကျေးလက်နေပြည်သူများကို သိသင့်သိထိုက်သည့် အသိပညာဗဟုသုတများရရှိစေရန်ရည်ရွယ်၍ ဌာနဆိုင်ရာများပူးပေါင်းပြီး ကျေးရွာများသို့သွားရောက်ကာ သက်ဆိုင်ရာဌာနဆိုင်ရာများအလိုက် အသိပညာပေးဟောပြောခြင်းများဆောင်ရွက်လျက်ရှိရာ စားသုံးသူရေးရာဦးစီးဌာနအနေဖြင့်လည်း စားသုံးသူကာကွယ်ရေးဆိုင်ရာအသိပညာပေးဟောပြောမှုတို့ဖြင့် ပူးပေါင်းဆောင်ရွက်လျက်ရှိကြပါသည်။

       စားသုံးသူရေးရာဦးစီးဌာန၊ တောင်ငူမြို့နယ်တာဝန်ခံ ဦးမြင့်သူသည် ၂၀၂၃ခုနှစ်၊ ဇူလိုင်လ ၅ရက်နေ့၊ နေ့လယ်ပိုင်းအချိန်တွင် တောင်ငူမြို့နယ်၊ ခပေါင်းတိမ်ကျေးရွာဓမ္မာရုံ၌ ကျေးရွာနေပြည်သူများကို စားသုံးသူ၏အခွင့်အရေးနှင့်တာဝန်များ၊ ကုန်စည်များကိုဝယ်ယူသုံးစွဲရာတွင် ကုန်အညွှန်းအမှတ်အသားများပြည့်စုံစွာဖော်ပြထားသည့် ကုန်စည်များရွေးချယ်ဝယ်ယူနိုင်ရေးနှင့် ကုန်စည်တွင်ဖော်ပြထားသော ကုန်အညွှန်းအမှတ်အသားနှင့်အညီ စားသောက်သုံးစွဲရေး၊ ကုန်စည်/ဝန်ဆောင်မှုများနှင့်စပ်လျဉ်း၍ စားသုံးသူများနစ်နာဆုံးရှုံးမှုများရှိပါက တိုင်ကြားနိုင်ခြင်းများကို အကျယ်တဝင့်ဟောပြောဆွေးနွေးခဲ့ပါသည်။

 ထို့အတူ ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ လက်ထောက်ညွှန်ကြားရေးမှူး ဒေါ်ငုဝါအေး၊ ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာနမှ လက်ထောက်အင်ဂျင်နီယာ (ဆည်မြောင်းထိန်းသိမ်းရေး) ဦးသောင်းတင်၊ ပတ်ဝန်းကျင်ထိန်းသိမ်းရေးဦးစီးဌာနမှ ဦးစီးအရာရှိ ဒေါ်သီတာမြင့်နှင့် စိုက်ပျိုးရေးဦးစီးဌာနမှ ဒုတိယဦးစီးမှူး ဒေါ်နီနီအေးတို့ကလည်း မိမိတို့နှင့် သက်ဆိုင်သည့်ဌာနဆိုင်ရာများအလိုက် အသိပညာပေးဟောပြောခဲ့ကြကြောင်းနှင့် ဟောပြောပွဲသို့ ခပေါင်းတိမ်ကျေးရွာမှ ကျေးလက်ပြည်သူ ၈၄ဦးတက်ရောက်ခဲ့ကြောင်းသိရပါသည်။

DOCA(ပဲခူး)

   စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်မှုဖြင့် ဒုတိယညွှန်ကြားရေးမှူး ဦးဝေဖြိုးထက်ဦးဆောင်၍ ဝန်ထမ်းများသည် (၆.၇.၂၀၂၃ ) ရက်နေ့၊ နံနက်(၀၉:၀၀)နာရီအချိန် မုံရွာစီးပွားရေးတက္ကသိုလ်တွင် စားသုံးသူကာကွယ်ရေးဆိုင်ရာ အသိပညာပေးဟောပြောပွဲနှင့် မူပိုင်ခွင့်ဆိုင်ရာသိကောင်းစရာများအကြောင်း အသိပညာပေးဟောပြောပွဲကို ကျင်းပပြုလုပ်ခဲ့ရာ ဆရာ/မ(၄၅)ဦး၊ ဌာနဝန်ထမ်း(၅)ဦး၊ ကျောင်းသား/သူ(၂၂၀)ဦး စုစုပေါင်း(၂၇၀) ဦးတက်ရောက်ကြောင်း သိရှိရပါသည်။

  အဆိုပါအခမ်းအနားတွင် မုံရွာစီးပွားရေးတက္ကသိုလ်ပါမာက္ခချုပ် ဒေါက်တာသီတာကြူက အဖွင့်အမှာစကားပြောကြားခဲ့ပြီးနောက် စားသုံးသူရေးရာဦးစီးဌာန၊ ဒုတိယညွှန်ကြားရေးမှူး ဦးဝေဖြိုးထက်က စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးဌာနအောက်တွင် ကုန်သွယ်ရေးဦးစီဌာန၊ စားသုံးသူရေးရာဦးစီးဌာန၊ မြန်မာကုန်သွယ်မှုမြှင့်တင်ရေးအဖွဲ့၊ မူပိုင်ခွင့်ဦးစီးဌာနတို့ဖြင့် ဖွဲ့စည်း ဆောင်ရွက်လျက်ရှိပြီး ဝန်ကြီးဌာန၏ဆောင်ပုဒ်ဖြစ်သော “ဖွံ့ဖြိုးကုန်သွယ်နိုင်ငံကြွယ်”နှင့်အညီ ကုန်သွယ်မှုလုပ်ငန်းများဖွံ့ဖြိုးတိုးတက်ရေး ဆောင်ရွက်လျက်ရှိကြောင်း၊ မိမိတို့ စားသုံးသူရေးရာ ဦးစီးဌာနသည် စားသုံးသူများအတွက် ကုန်စည်၊ ဝန်ဆောင်မှုများနှင့်ပတ်သက်၍ လုံခြုံစိတ်ချရမှုရှိစေရန်၊ စားသုံးသူကာကွယ်ရေးလုပ်ငန်းများနှင့် ပြည်တွင်းကုန်သွယ်မှုဖွံ့ဖြိုးတိုးတက်ရေး သုတေသနလုပ်ငန်းများကို သက်ဆိုင်ရာမိတ်ဖက်ဌာနများ၊ အဖွဲ့အစည်းများနှင့် ပူးပေါင်း၍ အဓိကဆောင်ရွက်ပေးလျက်ရှိကြောင်း၊ မိမိတို့ဌာန၏ စားသုံးသူကာကွယ်ရေးဥပဒေပါ စားသုံးသူအခွင့်အရေး(၈)ချက်နှင့် တာဝန်များအကြောင်း၊  ထုတ်ကုန်လုံခြုံစိတ်ချရမှုရှိစေရန် ဈေးကွက် စောင့်ကြည့်ကွင်းဆင်းစစ်ဆေးခြင်းများအကြောင်း၊ စားသုံးသူများအနေဖြင့် ဝယ်ယူသုံးစွဲသည့် ကုန်စည် သို့မဟုတ် ဝန်ဆောင်မှုများကြောင့် နစ်နာဆုံးရုံးမှုဖြစ်ပေါ်လာပါက လျင်မြန်စွာ တိုင်ကြားနိုင်သည့်နည်းလမ်းများအကြောင်းနှင့် တိုင်ကြားမှုဖြေရှင်းဆောင်ရွက်ပြီးစီးမှု အခြေအနေများအကြောင်းကို အသေးစိတ် ရှင်းလင်းဆွေးခဲ့ပါသည်။

    ဆက်လက်၍ မူပိုင်ခွင့်ဦးစီးဌာန၊ ရုံးချုပ်မှ ကုန်အမှတ်တံဆိပ်ဌာနခွဲတာဝန်ခံ ညွှန်ကြားရေးမှူး Dr စိမ့်သန္နာထွန်းက မူပိုင်ခွင့်အကြောင်းသိကောင်းစရာခေါင်းစဉ်ဖြင့်ဖြင့် ဆွေးနွေးဟောပြောရာ မူပိုင်ခွင့်ဦးစီးဌာနသည် ၂၀၀၁ ခုနှစ်၊ မေလ (၁၅)ရက်နေ့မှာ ကမ္ဘာမူပိုင်ခွင့် အဖွဲ့ဝင်နိုင်ငံဖြစ်ကြောင်း၊   WTO ကမ္ဘာကုန်သွယ်ခွင့်နိုင်ငံ တစ်နိုင်ငံဖြစ်ပြီး မူပိုင်ခွင့်ကို မြန်မာနိုင်ငံတွင် ကုန်အမှတ် တံဆိပ်မူပိုင်ခွင့်ဥပဒေ၊ စာပေနှင့်အနုပညာမူပိုင်ခွင့် ဥပဒေ၊ တီထွင်မှု မူပိုင်ခွင့်ဥပဒေ၊ စက်မှုဒီဇိုင်းမူပိုင်ခွင့်ဥပဒေဟူ၍ ၂၀၁၉ ခုနှစ်တွင် မူပိုင်ခွင့်ဥပဒေ (၄)ခု ပြဌာန်းခဲ့ပြီးဖြစ်ကြောင်း၊  ၂၀၁၉ ခုနှစ် ဇန်နဝါရီလ (၃၀) နေ့တွင် ကုန်အမှတ်တံဆိပ်မူပိုင်ခွင့်ဥပဒေနှင့် စက်မှုဒီဇိုင်း မူပိုင်ခွင့်ဥပဒေ၊ မတ်လ(၁၁)ရက်နေ့တွင် တီထွင်မှုမူပိုင်ခွင့်ဥပဒေ၊ စာပေနှင့်အနုပညာမူပိုင်ခွင့် ဥပဒေကို ဧပြီလ (၂၄) ရက်တွင် ပြဌာန်းခဲ့ကြောင်း၊ မူပိုင်ခွင့်ဦးစီးဌာနသည် ၂၀၂၀ ခုနှစ်တွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနအောက်တွင် ဖွဲ့စည်းတည်ထောင်ထာခြင်းဖြစ်ကြောင်း၊ နိုင်ငံသူနိုင်ငံသားများအနေဖြင့် မြန်မာနိုင်ငံတွင် မူပိုင်ခွင့်ဥပဒေရှိနေပြီဖြစ်ကြောင်း၊ ကုန်အမှတ်တံဆိပ် မူပိုင်ခွင့်  အရေးပါမှုများ၊ မူပိုင်ခွင့်ဥပဒေအရ  ရင်းနှီးမြှုပ်နှံမှုများတိုးတက်လာခြင်း၊ အလုပ်အကိုင် အခွင့်အလမ်းများရရှိလာခြင်း၊ နည်းပညာပိုင်းဆိုင်ရာလွှဲပြောင်းမှုများရရှိလာခြင်း၊ ယှဉ်ပြိုင်မှု မြင့်မားလာသော ဈေးကွက်တွင်   SME  လုပ်ငန်းများမှ တီထွင်ဆန်းသစ်မှုများ တိုးမြှင့်လုပ်ဆောင်လာစေရန် တွန်းအားတစ်ရပ်ဖြစ်လာစေခြင်း၊ မြန်မာနိုင်ငံထုတ်ကုန်ပစ္စည်းများကို ပိုမိုတင်ပို့လာနိုင်ခြင်းစသည့် အကျိုးကျေးဇူးများရရှိမှာဖြစ်ကြောင်း အသေးစိတ် ရှင်းလင်းဟောပြော ဆွေးနွေးပြီး တက်ရောက်လာကြသော ဆရာ/မများနှင့် ကျောင်းသား/သူများက အပြန်အလှန် မေးမြန်းဆွေးနွေးခဲ့ကြပြီး ဌာန၏ အသိပညာပေးလက်ကမ်းစာစောင်များကို ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

    စားသုံးသူရေးရာဦးစီးဌာန၊   မိုးညှင်းခရိုင်ဦးစီးမှူးရုံးမှ   ခရိုင်ဦးစီမှူး ဦးမောင်မောင်ခိုင်သည် (၁၂-၇-၂၀၂၃) ရက်နေ့၊ နံနက် (၁၀:၃၀) နာရီအချိန်တွင် မိုးညှင်းမြို့၊ အရှေ့စုရပ်ကွက်အတွင်းရှိ  ကုန်မျိုးစုံရောင်းချနေသော လုပ်ငန်းရှင်နှင့်တွေ့ဆုံဆွေးနွေးခဲ့ပါသည်။

  ထိုသို့တွေ့ဆုံဆွေးနွေးရာတွင် စားသုံးသူကာကွယ်ရေးဥပဒေတွင်ပါရှိသော စီးပွားရေးလုပ်ငန်းရှင်ဆိုသည်မှာ ကုန်စည်ကိုထုတ်လုပ်ခြင်း၊ ဖြန့်ဖြူးခြင်း၊ သိုလှောင်ခြင်း၊ သယ်ယူပို့ဆောင်ခြင်း၊ ရောင်းချခြင်း၊ ပြုပြင်ထုတ်လုပ်ခြင်း၊ ပြည်ပသို့တင်ပို့ခြင်း၊ ပြည်တွင်းသို့တင်သွင်းခြင်း၊ ပြန်လည်ရောင်းချခြင်းကိုဖြစ်စေ၊ ထောက်ပံ့ခြင်းကိုဖြစ်စေ၊ ဝန်ဆောင်မှုပေးခြင်းကိုဖြစ်စေ၊ ကြော်ငြာလုပ်ငန်းလုပ်ကိုင်ခြင်းကိုဖြစ်စေ တစ်ဦးချင်း သော်လည်းကောင်း၊ အဖွဲ့အစည်းနှင့်သော်လည်းကောင်း ဆောင်ရွက်သူကိုဆိုလိုကြောင်း၊ စီးပွားရေးလုပ်ငန်းရှင်၏တာဝန်များဖြစ်သော ကုန်စည် (သို့) ဝန်ဆောင်မှု၏အာမခံချက်၊ သတ်မှတ်ချက်များနှင့်စပ်လျဉ်း၍ ရိုးရှင်းမှန်ကန်သောသတင်းအချက်အလက်များပေးခြင်း၊ စားသုံးသူကိုခွဲခြားမှုမရှိဘဲ ဖြောင့်မတ်မှန်ကန်စွာဆက်ဆံခြင်း၊ အရည်အသွေးစမ်းသပ်ရန်လိုအပ်သော ကုန်စည်နှင့်စပ်လျဉ်း၍ ဝယ်ယူခြင်းမပြုမီ စားသုံးသူများကို စမ်းသပ်နိုင်သည့်အခွင့်အရေးပေးခြင်း၊ ကုန်စည် (သို့မဟုတ်) ဝန်ဆောင်မှုနှင့်စပ်လျဉ်း၍ ထပ်မံပေးချေရမည့်တန်ဖိုးကို စားသုံးသူက ဝယ်ယူအသုံးမပြုမီသိရှိစေရန် အတိအလင်းဖော်ပြပေးခြင်း၊ ဝန်ဆောင်မှုဆိုသည်မှာ လုပ်ငန်း (သို့မဟုတ်) လုပ်ဆောင်မှုအသွင်ဖြင့် စားသုံးသူ၏လိုအပ်ချက်ကို တန်ဖိုးဖြင့်ဖြစ်စေ၊ တန်ဖိုးမပါဘဲဖြစ်စေ ဖြည့်ဆည်းပေးသည့်ဆောင်ရွက်မှုကိုဆိုလိုကြောင်း၊ ဝန်ဆောင်မှုပေးခြင်းနှင့် စပ်လျဉ်းသည့်ဖော်ပြရမည့် အာမခံချက်များဖြစ်သော စားသုံးသူ၏လိုအပ်ချက်နှင့်ကိုက်ညီမှုရှိခြင်း၊ စားသုံးသူနှင့် သဘောတူညီထားသည့် ဝန်ဆောင်မှုတန်ဖိုးအတိုင်းပေးအပ်စေခြင်း စသည့်အချက်များကို ရှင်းလင်းဆွေးနွေးခဲ့ပြီးနောက် ကုန်အညွှန်းအမှတ်အသားဖော်ပြခြင်းဆိုင်ရာ  အသိပညာပေးလက်ကမ်းစာစောင်များဖြန့်ဝေခဲ့ကြောင်း သတင်းရရှိပါသည်။

DOCA(ကချင်)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှုနှင့် ပခုက္ကူခရိုင်ဦးစီးမှူး၏ကြီးကြပ်မှုဖြင့် ပခုက္ကူခရိုင်ဦးစီးမှူးရုံးမှ ဒုတိယခရိုင်ဦးစီးမှူး ဦးဇော်ထွန်းဦး၊ ပခုက္ကူမြို့နယ်တာဝန်ခံ ဦးဇော်မင်းဦးနှင့် ဝန်ထမ်းများအဖွဲ့တို့သည်   (၅-၇-၂၀၂၃) ရက်နေ့၊ နံနက် (၁၁:၃၀) နာရီအချိန်တွင် ပခုက္ကူမြို့ပေါ်ရှိ စက်သုံးဆီရောင်းချနေသော ဆီဆိုင်(၃)ဆိုင်သို့သွားရောက်၍ သတ်မှတ်ထားသော အခြေခံရည်ညွှန်းဈေးဖြင့် အမှန်တကယ်ရောင်းချမှုရှိ/မရှိနှင့် အချင်အတွယ်မှန်ကန်မှုရှိ/မရှိတို့ကို ကွင်းဆင်းစစ်ဆေးခဲ့ပါသည်။

   ဒုတိယခရိုင်ဦးစီးမှူးနှင့် ဝန်ထမ်းများသည် မြို့ပေါ်စက်သုံးဆီရောင်းချလျက်ရှိသော တောင်ဇလပ်၊ ရွှေဗျိုင်းဖြူ၊ Petro Top ဆီဆိုင်များကို သတ်မှတ်ထားသော အခြေခံရည်ညွှန်းဈေးဖြင့် ရောင်းချရန်၊ ဈေးနှုန်းများကိုလည်း အများပြည်သူသိရှိအောင် LED Board များတွင်ဖော်ပြပေးရန်၊ နေ့စဉ်ရောင်းချနေသော ဈေးနှုန်းများကိုလည်းဖော်ပြပေးရန်၊ အချင်အတွယ်မှန်ကန်မှုရှိစေရန်၊ စက်သုံးဆီများကို ပုံးများ၊ ပေပါအလိုက် ရောင်းချမည့်သူများကိုလည်း ရောင်းချခြင်းမပြုရန်နှင့် လုပ်ငန်းရှင်များအနေဖြင့် တရားမဝင် စက်ဆီ၊ ချောဆီများ တင်သွင်းရောင်းချခြင်းမပြုစေရန် ထုတ်ပြန်ထားသောညွှန်ကြားချက်များအတိုင်း လိုက်နာဆောင်ရွက်သွားရန်နှင့် စက်သုံးဆီပြတ်လတ် မှုမရှိစေရေး ဆောင်ရွက်သွားရန်တို့ကို ရှင်းလင်းဆွေးနွေးခဲ့ပါသည်။

DOCA(မကွေး)