ပြည်တွင်းကုန်သွယ်မှုသတင်း

          စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်သည် လယ်ယာစိုက်ပျိုးရေးလုပ်ငန်းများကို အဓိကလုပ်ကိုင်သော ဒေသတစ်ခုဖြစ်ပြီး၊ ကျွန်းလှမြို့နယ် ကျီကုန်းကျေးရွာ၊ စံပြကျေးရွာနှင့် အခြားသောကျေးရွာများတွင် ပဲမျိုးစုံစိုက်ပျိုးကြောင်း သိရှိရသည်။

     ၂၀၂၅ ခုနှစ် နိုဝင်ဘာလ စတုတ္ထပတ်အတွင်း ပဲနီ(၁)တင်းလျှင် (၈၃၀၀၀)ကျပ်၊ အကွဲအနာပါ (၁)တင်းလျှင် (၈၂၅၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ယခုနိုဝင်ဘာလ စတုတ္ထပတ်အတွင်း ထောပတ်ပဲတစ်တင်းလျှင် (၁၃၁၀၀၀)ကျပ်၊ အကွဲအနာပါ(၁)တင်းလျှင် (၁၃၅၀၀၀) ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ယခုပတ်အတွင်း ထောပတ်ပဲသီးနှံဈေးနှုန်း အနည်းငယ်ကျဆင်းကြောင်း၊ စွန်တာနီ(၁)တင်းလျှင် (၅၀၀)ကျပ်မြင့်တက်လာကြောင်း၊ ပဲနီနှင့်ထောပတ်ပဲများကို ရွှေဘိုမြို့နှင့် မန္တလေးမြို့ရှိပွဲရုံများသို့ တင်ပို့ရောင်းချကြောင်း၊ သီးနှံရောင်းဝယ်ရေးလုပ်ငန်းရှင်များထံမှ သတင်းရရှိပါသည်။

DOCA(စစ်ကိုင်း)

               မန္တလေးတိုင်းဒေသကြီး ငါန်းဇွန်မြို့သည် မြစ်ကမ်းဘေးတည်ရှိပြီး စိုက်ပျိုးရေးကို အခြေခံ သော မြို့လေးတစ်မြို့ဖြစ်ပြီး တံငါလုပ်ငန်းလုပ်ကိုင်သူများလည်း ရှိကြပါသည်။ အချို့သည် မြို့ပေါ်ရှိ ငါးဒိုင်များသို့ လာရောက်ရောင်းချပြီး အချို့မှာ ကိုယ်တိုင်လာရောက် ရောင်းချကြောင်း သိရသည်။ငါန်းဇွန်မြို့နယ်တစ်ဝှမ်းရှိ ကျေးရွာများသည် ငါန်းဇွန်မြို့ပေါ်သို့ ငါးချဉ်များ လွန်စွာမှကြိုက်နှစ်သက်ကြ၍ လူကြုံမှာယူ စားသောက်ကြပါသည်။ ငါန်းဇွန်မြို့ရှိ မြို့မစည်ပင် သာယာဈေး သည် နံနက်ခင်းဈေးဖြစ်ပြီး ကုန်စိမ်း၊ သားငါး၊ ကုန်ခြောက်၊ ဆန်၊ ဆီ၊အဝတ်အထည် စသည့်ဖြင့် အစုံအလင်ရောင်းချသောဈေး ဖြစ်ပါသည်။ ၂၀၂၅ ခုနှစ် နိုဝင်ဘာလ တတိယပတ်တွင် ဖြစ်ပေါ်နေသော ငါးဈေးနှုန်းများမှာ ငါးရံ့ တစ်ပိဿာလျှင် (၂၂၀၀၀)ကျပ်၊ ငါးတန် တစ်ပိဿာလျှင် (၁၀၀၀၀)ကျပ်၊ ငါးဘတ်တစ်ပိဿာလျှင် (၃၀၀၀၀)ကျပ်၊ ငါးဖယ် (ကောင်) တစ်ပိဿာလျှင် (၃၀၀၀၀)ကျပ်နှင့် ငါးချဉ် တစ်ပိဿာလျှင် (၇၀၀၀)ကျပ်ဖြင့်  ရောင်းချလျက်ရှိကြောင်း ငါးရောင်းချသူထံမှ သိရသည်။

DOCA(မန္တလေး)

           စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် စပါးနှင့် ဆီထွက်သီးနှံများအပြင် ပဲမျိုးစုံကိုလည်းစိုက်ပျိုးကြောင်း၊ ပဲဇီးကွက်သီးနှံများကို ကျွန်းလှမြို့နယ် ကျီကုန်းကျေးရွာ၊ စံပြကျေးရွာနှင့် အခြားသောကျေးရွာများမှ ဝင်ရောက်လျက်ရှိကြောင်း သိရသည်။

         ၂၀၂၅ ခုနှစ်၊ နိုဝင်ဘာလ စတုတ္ထပတ်အတွင်း ဈေးနှုန်းများမှာ ပဲဇီးကွက်တစ်တင်းလျှင် (၉၁၅၀၀)ကျပ်၊ အကွဲအနာပါလျှင်(၉၁၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ယခုပတ်အတွင်း ပဲဇီးကွက်တစ်တင်းလျှင် (၂၅၀၀)ကျပ်ဈေးနှုန်းကျဆင်းသွားကြောင်း၊ ဈေးကွက်အနေဖြင့် ကျွန်းလှမြို့နယ်မှထွက်ရှိသော ပဲဇီးကွက်သီးနှံများကို ရွှေဘိုမြို့နှင့် မန္တလေးမြို့ရှိပွဲရုံများ၊ ကုန်စည်ဒိုင်များသို့ တင်ပို့လျက်ရှိကြောင်း သီးနှံရောင်းဝယ်ရေးလုပ်ငန်းရှင်များထံမှ သတင်းရရှိပါသည်။

DOCA(စစ်ကိုင်း)

            မန္တလေးတိုင်းဒေသကြီး ငါန်းဇွန်မြို့သည် မြစ်ကမ်းဘေးတည်ရှိပြီး စိုက်ပျိုးရေးကို အခြေခံ သော မြို့လေးတစ်မြို့ဖြစ်ပြီး စပါးကို ဒေသတွင်းစားသုံးရန်အတွက် စိုက်ပျိုးကြောင်း၊ဆီထွက် သီးနှံ ဖြစ်သော မြေပဲ၊ နှမ်း၊ နေကြာများကိုလည်း စိုက်ပျိုးကြောင်း သိရသည်။ ငါန်းဇွန်မြို့ရှိ မြို့မစည် ပင်သာယာဈေး သည် နံနက်ခင်းဈေးဖြစ်ပြီး ကုန်စိမ်း၊ သားငါး၊ ကုန်ခြောက်၊ ဆန်၊ ဆီ၊အဝတ်အထည် စသည့်ဖြင့် အစုံအလင်ရောင်းချသောဈေး ဖြစ်ပါသည်။ ၂၀၂၅ ခုနှစ် နိုဝင်ဘာလ တတိယပတ်တွင် ဖြစ်ပေါ်နေသော ပဲဈေးနှုန်းများမှာ ကုလားပဲ တစ်ပိဿာလျှင် (၈၅၀၀)ကျပ်၊ မတ်ပဲ တစ်ပိဿာလျှင် (၅၀၀၀)ကျပ်၊ ပဲနီလေး တစ်ပိဿာလျှင် (၇၀၀၀)ကျပ်၊ ပဲဝါလေး တစ်ပိဿာလျှင် (၈၀၀၀)ကျပ်နှင့် မြေပဲဆံ တစ်ပိဿာလျှင် (၉၅၀၀)ကျပ်ဖြင့် ရောင်းချလျက်ရှိကြောင်း  ပဲရောင်းချသူဆိုင်မှ သိရသည်။

DOCA(မန္တလေး)

               မြင်းခြံမြို့သည် စိုက်ပျိုးရေးကို အခြေခံသောမြို့နယ်တစ်ခုဖြစ်ပြီး နှမ်း၊ မြေပဲ၊ နေကြာ၊ ပဲစဉ်းငုံ၊ ဝါ၊ ပဲတီစိမ်း၊  ပဲပုတ်၊ ကုလားပဲ စသည့်ဖြင့် သီးနှံမျိုးစုံစိုက်ပျိုးကြရာ ယခုအခါ နိုဝင်ဘာလ ပထမပတ်တွင် အများဆုံးအရောင်းအဝယ် ဖြစ်သော သီးနှံမှာ မြေပဲသည်သာ အများဆုံးဖြစ်ကြောင်းသိရပါသည်။ ၂၀၂၅ ခုနှစ် နိုဝင်ဘာလ ဒုတိယပတ်တွင် ဖြစ်ပေါ်နေသော ဈေးနှုန်းများမှာ ပဲစဉ်းငုံ တစ်ပိဿာလျှင် (၃၉၀၀)ကျပ်၊ ကုလားပဲ (V2) တစ်ပိဿာလျှင် (၄၁၀၀) ကျပ်၊ ပဲဇီးကွက် တစ်ပိဿာလျှင် (၅၈၀၀  မှ  ၆၀၀၀)ကျပ် ၊ ပဲပုတ် တစ်ပိဿာလျှင် (၆၄၀၀ မှ ၆၄၅၀) ကျပ်၊ မြေပဲလုံးဆံ တစ်ပိဿာလျှင် (၇၈၀၀ မှ ၈၀၀၀ ) ကျပ်၊ ပြန့်လုံးဆံ တစ်ပိဿာလျှင်( ၈၁၀၀၀ မှ ၈၁၀၀ ) ကျပ်၊ ဒေသအခေါ် တပေါက်ကျ တစ်ပိဿာလျှင် (၇၇၀၀ မှ ၇၈၀၀ )ကျပ်၊ ဆီဆံ တစ်ပိဿာလျှင် (၇၅၀၀ မှ ၇၆၀၀ ) ကျပ်၊ နှမ်းညို တစ်ပိဿာလျှင် ( ၅၈၀၀ မှ ၅၉၀၀) ကျပ် အရောင်းအဝယ်ဖြစ်လျက်ရှိကြောင်း သိရှိရပြီး  ပထမပတ်တွင် ဖြစ်ပေါ်နေ သော သီးနှံဈေးနှုန်းများ၏ ပဲစဉ်းငုံ တစ်ပိဿာလျှင် (၁၀၀)ကျပ်၊ ကုလားပဲ (V2) တစ်ပိဿာလျှင် (၅၀) ကျပ်ဈေးနှုန်းကျဆင်းပြီး ပဲဇီးကွက် တစ်ပိဿာလျှင် (၃၀၀  မှ ၂၀၀)ကျပ် ၊ ပဲပုတ် တစ်ပိဿာလျှင် (၅၀) ကျပ်၊ မြေပဲလုံးဆံ တစ်ပိဿာလျှင် (၂၀၀) ကျပ်၊ ပြန့်လုံးဆံ တစ်ပိဿာလျှင်( ၁၀၀) ကျပ်၊ ဒေသအခေါ် တပေါက်ကျ တစ်ပိဿာလျှင် (၅၀)ကျပ်၊ ဆီဆံ တစ်ပိဿာလျှင် (၁၀၀) ကျပ်၊ နှမ်းညို တစ်ပိဿာလျှင် ( ၂၀၀) ကျပ် ကျဆင်းခဲ့ကြောင်း သိရပါသည်။

DOCA(မန္တလေး)