သတင်းနှင့် လှုပ်ရှားမှုများ

       စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊  စားသုံးသူရေးရာဦးစီးဌာန၊ သာယာဝတီခရိုင်ဦးစီးမှုးရုံး၊ လက်ပံတန်းမြို့တွင် (၁၉.၄.၂၀၂၃) ရက်နေ့၊ နံနက် (၁၁:၀၀)နာရီအချိန်တွင် ခရိုင်ဦးစီးမှူး၏ လမ်းညွှန်မှုဖြင့် မုန့်မျိုးစုံလက်လီလက်ကားရောင်းဝယ်ရေးလုပ်ငန်းရှင် ဦးနေမျိုးအောင်နှင့် တွေ့ဆုံ၍ စားသုံးသူကာကွယ်ရေးဥပ‌‌‌ဒေ၊ အခန်း(၁၈)ပါ ကုန်စည်များအပေါ်တွင် ကုန်ညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ ထုတ်လုပ်ဖြန့်ဖြူးရောင်းချရန်၊ ထားသိုသိမ်းဆည်းပုံ အညွှန်း၊ ထုတ်လုပ်ရက် ၊ ကုန်ဆုံးရက်များ ပြည့်စုံစွာ ဖော်ပြရန်နှင့် စားသုံးသူကာကွယ်ရေးဥပဒေ၊ အခန်း(၁၀)ပါ စီးပွားရေးလုပ်ငန်းရှင်၏တာဝန်များအား သိရှိလိုက်နာဆောင်ရွက်ကြရန်တို့အား အသိပညာပေးဆွေးနွေးဆောင်ရွက်ခဲ့ပါကြောင်း သိရှိရသည်။

DOCA(ပဲခူး)

  စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဦးဝင်းသိန်းဦး(ရုံးအုပ်)သည် (၂၅-၄-၂၀၂၃) ရက်နေ့၊ နံနက် (၁၀:၃၀) နာရီအချိန်တွင် မိုးညှင်းမြို့၊ အုတ်ကျင်းရပ်ကွက်အတွင်းရှိ စားသုံးသူများအား စားသုံးသူကာကွယ်ရေးအသိပညာပေးဟောပြောပွဲပြုလုပ်ဆောင်ရွက်ခဲ့ပါသည်။

 စားသုံးသူကာကွယ်ရေးအသိပညာပေးဟောပြောရာတွင် စားသုံးသူကာကွယ်ရေးဆိုသည်မှာ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ စားသုံးသူ၏ အခွင့်အရေးနှင့်အကျိုးစီးပွားကိုကာကွယ်ပေးခြင်း၊ စားသုံးသူနှင့်စီးပွား‌ရေးလုပ်ငန်းရှင်တို့အကြား ကော်မရှင်နှင့်ကော်မတီအဆင့်ဆင့်တို့က သတ်မှတ်ဆောင်ရွက်ပေးသည့် မျှတမှုရှိသောလုပ်ငန်းစဉ်ကိုဆိုလိုကြောင်း၊ စားသုံးသူများအတွက် စားသုံးသူအခွင့်အရေးများဖြစ်သည့် ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ အခြေခံလိုအပ်ချက်များပေါ်တွင် စိတ်ကျေနပ်မှုရရှိစေခြင်း၊ ကုန်စည် သို့မဟုတ် ဝန်ဆောင်မှုကို ဘေးအန္တရာယ်ကင်းရှင်းစွာအသုံးပြုခွင့်ရှိခြင်း၊ ကုန်စည် သို့မဟုတ် ဝန်ဆောင်မှုကိုရွေးချယ်ဝယ်ယူအသုံးပြုရာတွင် လိုအပ်သောသတင်းအချက်အလက်များပြည့်စုံမှန်ကန်စွာသိရှိခွင့်နှင့် ပြေစာ သို့မဟုတ် အထောက်အထားရယူခွင့်ရှိခြင်း၊ စားသုံးသူနစ်နာဆုံးရှုံးမှုနှင့်စပ်လျဉ်းသည့်ကိစ္စရပ်များတွင် ရှင်းလင်းတင်ပြခွင့်နှင့် တိုင်ကြားခွင့်ရရှိနိုင်စေခြင်း၊ ကုန်စည် သို့မဟုတ် ဝန်ဆောင်မှုကို ဝယ်ယူအသုံးပြုခြင်းကြောင့်ဖြစ်ပေါ်လာသည့် နစ်နာဆုံးရှုံးများနှင့်စပ်လျဉ်း၍ ကုစားခွင့်ရရှိခြင်း၊ ကုန်စည် သို့မဟုတ် ဝန်ဆောင်မှုနှင့်စပ်လျဉ်းသည့် အသိပညာဗဟုသုတများ၊ အခွင့်အရေးများနှင့်လိုအပ်သော သတင်းအချက်အလက်များကို သိရှိလေ့လာနိုင်ခွင့်ရှိခြင်း၊ ပစ္စုပ္ပန်တွင်သာမက အနာဂတ်မျိုးဆက်များအတွက်ပါ ကောင်းမွန်သာယာသောလူနေမှုအဆင့်အတန်းနှင့် ပတ်ဝန်းကျင်တွင် နေထိုင်နိုင်ခွင့်ရရှိစေခြင်းတို့ကို အသိပညာပေးဟောပြောခဲ့ပြီး စားသုံးသူကာကွယ်ရေးဆိုင်ရာလက်ကမ်းစာစောင်များဖြန့်‌ဝေခဲ့ပါသည်။

DOCA(ကချင်)

    (၂၀-၃-၂၀၂၃) ရက်နေ့၊ နံနက် (၁၀:၃၀) နာရီအချိန်တွင် စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးး ဦးအောင်လွင်သည် ညောင်တုန်းမြို့နယ်၊ အထွေထွေအုပ်ချုပ်ရေးဦးစီးမှူးရုံး၏ အစည်းအဝေးခန်းမ၌ ညောင်တုန်းမြို့ပေါ်ရှိ ရပ်ကွက်နေပြည်သူ (၃၀) ဦးအားဖိတ်ကြားကာ စားသုံးသူကာကွယ်‌ရေးအသိပညာပေးဟောပြောပွဲဆောင်ရွက်ခဲ့ကြပါသည်။

       အဆိုပါဟောပြောပွဲတွင် ညောင်တုန်းမြို့နယ်ဦးစီးမှူးက စားသုံးသူရေးရာဦးစီးဌာနသည် ပြည်သူများ၏စားသုံးသူအခွင့်အရေးများနှင့် ထိခိုက်နစ်နာမှုများကိုဆန်းစစ်သိရှိနားလည်နိုင်ရန်အတွက် လူထုအသိပညာပေးခြင်း၊ လုပ်ငန်းရှင်အသိပညာပေးခြင်း၊ အလုပ်ရုံ၊ ဈေးကွက်မရောက်မီ စက်ရုံ၊ အလုပ်ရုံများမှထုတ်လုပ်သောကုန်စည်များကို ကွင်းဆင်း၍စစ်ဆေးဆောင်ရွက်ခြင်း၊ ဈေးကွက်ရောက်ကုန်စည်များကိုကွင်းဆင်းစောင့်ကြည့်စစ်ဆေးခြင်း၊ SMEလုပ်ငန်းများဖွံဖြိုးတိုးတက်စေရန် အသိပညာပေးဆောင်ရွက်ခြင်းများ၊ ပြည်တွင်းကုန်သွယ်မှုဖွံ့ဖြိုးရေးအတွက်ကိုလည်း ဆောင်ရွက်လျက်ရှိကြောင်း ရှင်းလင်းပြောကြားပြီး ဟောပြောပွဲသို့တက်ရောက်လာသောပြည်သူများအား မိမိတို့တွင် ကုန်စည်ဝန်ဆောင်မှုများကိုဝယ်ယူသုံးစွဲရာတွင် စစ်မှန်သောအခွင့်အရေးအပြည့်အဝရရှိခွင့်ရှိပါကြောင်း၊ စားသုံးသူများအနေဖြင့် ကုန်စည်ဝန်ဆောင်မှုနှင့်စပ်လျဉ်း၍ အာမခံထားမှုအပေါ် စားသုံးသူကတောင်ဆိုနိုင်သည့်အခွင့်အရေးရှိသောကြောင့် စားသုံးသူကာကွယ်ရေးဥပဒေ အခန်း(၁၂)ကိုသိရှိနားလည်ရန်၊ စားသုံးသူတို့၏ အခွင့်အရေး(၈)ချက်ကိုလည်း သိရှိနားလည်နိုင်ရန်၊ ဦးစီးဌာနအနေဖြင့်လည်း စစ်ဆေးရေးအရာရှိများ ခန့်အပ်ထားရှိ၍ ဈေးကွက်အတွင်းရောင်းချနေသောကုန်စည်များကို စားသုံးသူဘေးအန္တရာယ်ကင်းရှင်းစွာအသုံးပြုနိုင်ရန် လစဉ်ကွင်းဆင်း၍ ဈေးကွက်စောင့်ကြည့်စစ်ဆေးခြင်းများကိုဆောင်ရွက်လျက်ရှိကြောင်း၊ စားသုံးသူသည် ကုန်စည်၊ ဝန်ဆောင်မှုကြောင့် အမှန်တကယ်နစ်နာဆုံးရှုံးမှုရှိလာပါက စားသုံးသူရေးရာဦးစီးဌာနသို့တိုင်ကြားနိုင်သည့်နည်းလမ်းများအကြောင်းနှင့် စားသုံးသူကာကွယ်ရေးဥပဒေ အခန်း(၁၉)၊ အခန်း(၂၀)၊ အခန်း(၂၃)၊ အခန်း(၂၄)တို့ကို အကျယ်တဝင့်ရှင်းလင်းဟောပြောခဲ့ရာ တက်ရောက်လာသူများက သိရှိလိုသည်များကိုမေးမြန်း၍ အပြန်အလှန်ဆွေးနွေးခဲ့ကြကြောင်း သိရပါသည်။

DOCA(ဧရာဝတီ)

      စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်၊ ဦးစီးမှူးရုံးမှ ဦးစီးမှူး ဦးအောင်ဇော်ဦးသည် စီးပွားရေးလုပ်ငန်းရှင်များအား လစဉ် စားသုံးသူကာကွယ်ရေးလုပ်ငန်းအသိပညာပေးဟောပြောမှုများဆောင်ရွက်လျက်ရှိပါသည်။ (၁၉-၄-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် မအူပင်မြို့နယ်၊ အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမတွင် မအူပင်မြို့ပေါ်ရှိ ကုန်မျိုးစုံရောင်းချသောလုပ်ငန်းရှင် (၃၇) ဦးအား အသိပညာပေးဟောပြောခဲ့ကြပါသည်။

      အဆိုပါဟောပြောပွဲတွင် မအူပင်မြို့နယ်ဦးစီးမှူးက စားသုံးသူကာကွယ်ရေးဥပဒေ (၂၀၁၉) ကို အကျယ်တဝင့်ရှင်းလင်းဆွေးနွေးပြီး ကုန်မျိုးစုံရောင်းချသူလုပ်ငန်းရှင်များအား အစားအသောက်နှင့်ဆေးဝါးကွပ်ကဲရေးဦးစီးဌာနက တားမြစ်ထုတ်ပြန်ထားသည့် သုံးစွဲရန်မသင့်သောအလှကုန်ပစ္စည်းများ၊ စားသုံးရန်မသင့်သောစားသောက်ကုန်များကို ဈေးကွက်အတွင်းရောင်းချခြင်းမပြုရန်၊ စားသုံးသူရေးရာဦးစီးဌာန၊ စားသုံးသူကာကွယ်ရေးဥပဒေ (၂၀၁၉)၊ အခန်း(၁၈)ပါ ကုန်အညွှန်းအမှတ်အသားပြည်စုံစွာဖော်ပြထားရှိခြင်းမရှိသော ကုန်စည်များကိုရောင်းချခြင်းမပြုရန်၊ ဈေးကွက်အတွင်းရောင်းချနေသောကုန်စည်များပေါ်တွင် ကုန်အညွှန်းအမှတ်အသားပြည်စုံစွာဖော်ပြထားရှိသောကုန်စည်များကိုသာ ဦးစားပေးရောင်းချရန်၊ ဥပဒေအရ စီးပွားရေးလုပ်ငန်းရှင်၏လိုက်နာရမည့်တာဝန်များ၊ စားသုံးသူတို့သည် ဝယ်ယူအသုံးပြုသောကုန်စည်ကြောင့် ထိခိုက်နစ်နာဆုံးရှုံးမှုရှိလာပါက ခရိုင်မြို့နယ်များတွင် စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာများဖွင့်လှစ်ထားမှုအခြေအနေများကို ရှင်းလင်းအသိပညာပေးပြီး တက်ရောက်လာသူလုပ်ငန်းရှင်များက သိလိုသည်များမေးမြန်းမှုကို ပြန်လည်ဖြေကြားရှင်းလင်းခဲ့ကြောင်း သိရှိရပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဓနုဖြူမြို့နယ်ဦးစီးမှူးရုံးသည် မြို့နယ်အတွင်း ကုန်စည်ရောင်းဝယ်မြန်ဆန်ရေး၊ ကုန်ဈေးနှုန်းတည်ငြိမ်ရေးနှင့် စက်သုံးဆီပြတ်လပ်မှုရှိ/မရှိတို့အား (၂၀-၄-၂၀၂၃) ရက်နေ့၊ (၁၀:၃၀) နာရီအချိန်တွင် ပူးပေါင်းအဖွဲ့ဖြင့် ကွင်းဆင်းစစ်ဆေးဆောင်ရွက်လျက်ရှိပါသည်။

      ထိုသို့ ကွင်းဆင်းစစ်ဆေးရာတွင် ဓနုဖြူမြို့နယ်ဦးစီးမှူး ဦးဝင်မင်းစိုးနှင့် ဝန်ထမ်းများသည် မြို့နယ်ဌာနဆိုင်ရာအဖွဲ့အစည်းများနှင့်အတူ ဓနုဖြူမြို့ပေါ်ရှိ စက်သုံးဆီအရောင်းဆိုင်(၅)ဆိုင်သို့သွားရောက်၍ စက်သုံးဆီများကိုသက်သာသောဈေးနှုန်းဖြင့် ဝယ်ယူနိုင်စေရန်ရည်ရွယ်၍ စက်သုံးဆီတင်သွင်း၊ သိုလှောင်၊ ဖြန့်ဖြူးရောင်းချခြင်းလုပ်ငန်းကြီးကြပ်ရေးကော်မတီက သတ်မှတ်ထားသောရည်ညွှန်းဈေးများအတိုင်း ရောင်းချခြင်းရှိ/မရှိတို့ကိုကွင်းဆင်းစစ်ဆေးခြင်း၊ နေ့စဉ်ဈေးနှုန်းများကို ဝယ်ယူသူအများပြည်သူများသိရှိနိုင်စေရန် LED ဆိုင်းဘုတ်များတပ်ဆင်၍ ရောင်းချသွားရန် စစ်ဆေးကြပ်မတ်ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)