သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ မကွေး/ချောက်ခရိုင်ဦးစီးမှူး၏လမ်းညွှန်မှုဖြင့် ချောက်မြို့နယ် တာဝန်ခံ ဒေါ်မြတ်မြတ်မိုး (ဌာနခွဲစာရေး)နှင့် ဒေါ်ချိုဝေလွင် (ဒု-ဦးစီးမှူး) တို့သည်ချောက်မြို့နယ်ရှိ အခြေခံပညာမူလတန်းကျောင်း(၂)ကျောင်း၊ အခြေခံပညာ မူလတန်းလွန်(၁)နှင့်အခြေခံပညာ အထက်တန်းကျောင်း(၂)ကျောင်း၊ စုစုပေါင်းကျောင်း(၅)ကျောင်းအား (၂.၂.၂၀၂၃)ရက်နေ့မှ (၈.၂.၂၀၂၃) ရက်နေ့ထိ ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့နှင့် ပူးပေါင်းပြီး စားသုံးသူကာကွယ်ရေး အသိပညာပေးဟောပြောပွဲများ ကျင်းပပြုလုပ်ခဲ့ပါသည်။

          ဟောပြောပွဲဆွေးနွေးရာတွင်ချောက်မြို့နယ်တာဝန်ခံဒေါ်မြတ်မြတ်မိုးကစားသုံးသူကာကွယ်ရေးဥပဒေ-၂၀၁၉ပါ စားသုံးသူ၊ စီးပွားရေးလုပ်ငန်းရှင်၊ စားသုံးသူကာကွယ်ရေး၏ အဓိပ္ပါယ်များ စားသုံးသူများ ရရှိနိုင်မည့် အခွင့်အရေး (၈)ချက်၊ စားသုံးသူများ လိုက်နာရမည့် တာဝန်(၄)ချက်နှင့် ကုန်စည်များဝယ်ယူသုံးစွဲရာတွင် သတိပြု ရမည့် ကုန်အညွှန်းအမှတ်အသားများအကြောင်းကို ရှင်းလင်းဆွေးနွေးခဲ့ပြီး ဒေါ်ချိုဝေလွင် (ဒု-ဦးစီးမှူး)ကစီးပွားရေးလုပ်ငန်းရှင်များ၏တာဝန်နှင့် တားမြစ်ချက်များ ပြစ်မှု၊ ပြစ်ဒဏ်များ၊ ကုန်စည်နှင့် ဝန်ဆောင်မှုနှင့် စပ်လျဉ်း၍ အာမခံပေးထားမှုအပေါ် စားသုံးသူများက တောင်းဆိုနိုင်သည့် အခွင့်အရေးများအား အသေးစိတ်ရှင်းလင်းဆွေးနွေးပြီး စားသုံးသူများ၌ နစ်နစ်ဆုံးရှုံးမှုများ ဖြစ်ပေါ် လာပါက မကွေးတိုင်းဒေသကြီး၊ စားသုံးသူရေးရာဦးစီးဌာန၌ ဖွင့်လှစ်ထားသော Consumer Information Complaint Center (CICC)သို့လည်းကောင်း၊ Consumer Call Center No. 1535 သို့ ဆက်သွယ်မေးမြန်းခြင်းသို့လည်းကောင်းဌာန၏ Website www.doca.gov.mm သို့မဟုတ်၊ Face-book page များမှလည်းကောင်း Myanmar DOCA သို့ ဝင်ရောက်တိုင်ကြားနိုင်ပုံများအား ရှင်းလင်းဆွေးနွေးခဲ့ပါသည်။

          အဆိုပါ အသိပညာပေးဟောပြောပွဲများ၌ အခြေခံပညာမူလတန်းကျောင်း(အေးရပ်)တွင် ဆရာ/ဆရာမ(၈)ဦး၊ ကျောင်းသား/ကျောင်းသူ (၄၇)ဦး၊ အခြေခံပညာမူလတန်းကျောင်း(ပုဂံ) ကျောင်း၌ ဆရာ/ဆရာမ (၁၀)ဦး၊ ကျောင်းသား/ကျောင်းသူ (၄၅)ဦး၊ အခြေခံပညာမူလတန်းလွန်ကျောင်း (ကင်ပွန်းခြုံ)တွင် ဆရာ/ဆရာမ (၇)ဦး၊ ကျောင်းသား/ကျောင်းသူ(၅၂)ဦး၊ အခြေခံပညာအထက်တန်းကျောင်း(၃)ကျောင်းတွင် ဆရာ/ဆရာမ (၂၈)ဦး၊ ကျောင်းသား/ကျောင်းသူ (၁၅၂)ဦးနှင့် အခြေခံပညာ အထက်တန်းကျောင်း(၄)ကျောင်းတွင် ဆရာ/ဆရာမ (၄၁)ဦး၊ ကျောင်းသား/ကျောင်းသူ (၁၄၅)ဦး စုစုပေါင်း ဆရာ/ဆရာမ(၉၄)ဦး၊ ကျောင်းသား/ကျောင်းသူ (၄၄၁)ဦး တို့တက်ရောက်ခဲ့ပြီး ဌာနမှ အသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

       စားသုံးသူရေးရာဦးစီးဌာန၊ ကသာခရိုင်ဦးစီးမှူးရုံးမှ စစ်ဆေးရေးမှူး ဦးကြည်နိုင်ဦး(ဦးစီးမှူး)နှင့်အတူ ကသာမြို့နယ်တာဝန်ခံနှင့် ဌာနမှဝန်ထမ်းများသည် ဌာန၏ရည်မှန်းချက်တစ်ခုဖြစ်သည့် စားသုံးသူများသည် လုံခြုံစိတ်ချရသောကုန်စည်များကို ဝယ်ယူသုံးစွဲနိုင်ရန်အတွက် ၂၀၂၃ ခုနှစ် ဖေဖော်ဝါရီလ (၁၃)ရက်နေ့တွင် ကသာမြို့၊ အမှတ်(၉)ရပ်ကွက်ရှိ BOB (mini mart) ကုန်စုံဆိုင်အား ဈေးကွက်စောင့်ကြည့်စစ်ဆေးခြင်းလုပ်ငန်းဆောင်ရွက်ခဲ့သည်။

        စစ်ဆေးရာတွင် ကုန်စုံဆိုင်၌ရောင်းချလျက်ရှိသော စားသောက်ကုန်များနှင့် ကုန်ပစ္စည်းများတွင် စားသုံးသူကာကွယ်ရေးဥပဒေ၌ပါဝင်သည့် ကုန်အညွှန်းအမှတ်အသားများအား မြန်မာစာဖြင့် ပြည့်စုံစွာဖော်ပြထားခြင်း ရှိ/မရှိကိုစစ်ဆေးခြင်း၊ သက်တမ်းလွန်စားသောက်ကုန်များ၊ သက်ဆိုင်ရာဌာနများက သုံးစွဲရန်မသင့်ဟု ထုတ်ပြန်ထားသည့် စားသောက်ကုန်များနှင့် အလှကုန်ပစ္စည်းများ ရောင်းချမှု ရှိ/မရှိကို စစ်ဆေးခြင်းများဆောင်ရွက်ခဲ့ပြီး လုပ်ငန်းရှင်အား မြန်မာစာဖြင့် ကုန်အညွှန်းအမှတ်အသားပြည့်စုံစွာဖော်ပြထားခြင်းမရှိသောကုန်စည်များအား ရောင်းချခြင်းမပြုရန်နှင့် ကုန်အညွှန်းအသားဆိုင်ရာ လိုက်နာရမည့်အချက်များအား သိရှိလိုက်နာဆောင်ရွက်သွားရန် ရှင်းလင်းဆွေးနွေးခဲ့ပါသည်။

DOCA(စစ်ကိုင်း)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီးဦးစီးမှူးနှင့် ပခုက္ကူခရိုင်ဦးစီးမှူး၏ လမ်းညွှန်မှုဖြင့် စားသုံးသူအခွင့်အရေးနှင့် အကျိုးစီးပွားကို ကာကွယ်ရန်အတွက် ရည်ရွယ်၍ (၁၀.၂.၂၀၂၃)ရက်နေ့ နံနက်(၀၉:၃၀)နာရီအချိန်တွင် ပခုက္ကူမြို့၊ စာတိုက်တန်းရပ်ကွက် အမှတ်(၁၅)၊ အခြေခံပညာမူလတန်းကျောင်း၌  စားသုံးသူကာကွယ်ရေးအသိပညာပေးဟောပြောပွဲ ကျင်းပပြုလုပ်ခဲ့ရာ ဆရာ/ဆရာမ(၆)ဦး၊ ကျောင်းသား/ ကျောင်းသူ (၃၅)ဦး၊ မိဘပြည်သူ(၁၀)ဦး စုစုပေါင်း(၅၁)ဦး တက်ရောက်ခဲ့ကြပါသည်။

      အသိပညာပေးဟောပြောပွဲတွင် ကျောင်းအုပ်ဆရာကြီးက ကြိုဆိုနှုတ်ခွန်းဆက် စကားပြောကြားခဲ့ပြီး ဒု-ဦးစီးမှူး ဒေါ်မြင့်မြင့်သန်းက ဌာန၏ သမိုင်းကြောင်း၊ မျှော်မှန်းချက်၊ ရည်မှန်းချက်များနှင့် ယခုဌာနမှ ဆောင်ရွက်နေသည့် လုပ်ငန်းများအကြောင်း၊ စားသုံးသူကာကွယ်ရေး ဥပဒေ ၂၀၁၉ အခန်း(၉)ပါ စားသုံးသူများ ရရှိနိုင်မည့်အခွင့်အရေးများနှင့် လိုက်နာရမည့်တာဝန်များ၊ ကုန်စည်နှင့် ဝန်ဆောင်မှုကို ဝယ်ယူသုံးစွဲရာတွင် နစ်နာဆုံးရှုံးမှုများ ဖြစ်ပေါ်လာပါက ပြောရေးဆိုခွင့် တိုင်ကြား နိုင်ခွင့်နှင့် ပြန်လည်ကုစားနိုင်ခွင့်များနှင့် CICC ရုံးများ ဖွင့်လှစ်ထားရှိပြီးဖြစ်၍ နစ်နာသည့် စားသုံးသူ များမှ တိုင်ကြားနိုင်ကြောင်း၊ Facebook စာမျက်နှာ၊ DOCA Myanmar Mobile Application နှင့်  Consumer Call Center (1535)တို့တွင် တိုင်ကြားနိုင်ကြောင်းတို့ကို အကျယ် တဝင့် ရှင်းလင်းဆွေးနွေးခဲ့ပါသည်။

      ဆက်လက်၍ ဒု-ဦးစီးမှူးဦးဇော်မင်းဦးက စားသုံးသူကာကွယ်ရေးဥပဒေ အခန်း(၁၈)ပါ ကုန်စည်များတွင် ဖော်ပြရမည့် ကုန်အညွှန်းအမှတ်အသားများကို နမူနာပစ္စည်းများ ပြသ၍ ကျယ်ကျယ်ပြန့်ပြန့် ရှင်းလင်းပြီး ကုန်အညွှန်းအမှတ်အသားမပါလျှင် ဝယ်ယူစားသောက်ရောင်းချခြင်း မပြု စေချင်ကြောင်း၊ ကုန်အညွှန်းအမှတ်အသားပြည့်စုံမှသာလျှင် ဝယ်ယူသုံးစွဲစေလိုကြောင်း ရှင်းလင်းဆွေးနွေးခဲ့ပြီး ဒု-ဦးစီးမှူး ဒေါ်လှိုင်ဥမ္မာဦးက မြန်မာနိုင်ငံစားသုံးသူကာကွယ်ရေးကော်မရှင်၏ (၂/၂၀၁၉)ပါ ကုန်စည်အုပ်စု(က) အစားအသောက်တွင် မြန်မာဘာသာဖြင့် ထည့်သွင်းရမည့် အချက်များ၊ ကုန်အညွှန်းအမှတ်အသားဖော်ပြခြင်းနှင့်ပတ်သက်သည့် ဥပဒေပြဌာန်းချက်များနှင့် စီမံခန့်ခွဲရေးနည်းလမ်းအရ အရေးယူခြင်း၊ တားမြစ်ချက်များကို ရှင်းလင်းဆွေးနွေးခဲ့ပြီး စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)         

      စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ပြည်နယ်ဦးစီးမှူးနှင့် ဝန်ထမ်းများသည် ၂၀၂၃ခုနှစ်၊ ဖေဖော်ဝါရီလ (၁၆)ရက်နေ့၊ နံနက်( ၁၀:၀၀ )နာရီအချိန်တွင် လွိုင်ကော်မြို့၊ မင်းစုရပ်ကွက်ရှိ အမျိုးသမီး အိမ်တွင်းမှုအသက် မွေးပညာသင်တန်းကျောင်း အစည်းအဝေးခန်းမ၌ စားသုံးသူကာကွယ်ရေး အသိပညာပေးဟောပြော ဆွေးနွေးဆောင် ရွက်ခဲ့ရာ ဟောပြောဆွေးနွေးပွဲသို့ အိမ်တွင်း မှုသင်တန်းကျောင်းမှ ဆရာ/ ဆရာမများ၊သင်တန်းသား / သင်တန်းသူများ စုစုပေါင်း(၄၀)ဦး တက်ရောက်ခဲ့ပါသည်။

    အဆိုပါ ဟောပြောပွဲတွင် အိမ်တွင်းမှုသင်တန်းကျောင်းမှ ကျောင်းအုပ်ဆရာမကြီး ဒေါ်အေးအေးသွင်က ယနေ့အချိန်အခါတွင် အရည်အသွေးမမီသည့် စားသောက်ကုန်လူသုံးကုန် ပစ္စည်းအမျိုးမျိုးကြောင့် စားသုံးသူတို့၏ ကျန်းမာရေးထိခိုက်ခြင်းများ ကြုံတွေ့နေရပါကြောင်း၊ ထိခိုက်နစ်နာမှုများကြောင့်မည့်သည်နေရာသို့အရေးဆိုတိုင်တန်းရမည်ကိုသေချာမသိရှိကြောင်း၊ စားသုံးသူကာကွယ်ရေးနှင့် ပတ်သက်၍ အသိပညာများလာရောက် ဟောပြောဆွေးနွေးသည့် ပြည်နယ်ဦးစီးမှူးနှင့် ဝန်ထမ်းများကိုလည်း အထူးကျေးဇူးတင်ရှိကြောင်း အဖွင့်အမှာစကား ပြောကြားခဲ့ပါသည်။

       ဆက်လက်၍ စားသုံးသူရေးရာဦးစီးဌာန၊ ပြည်နယ်ဦးစီးမှူး ဦးမြင့်အောင်က စားသုံးသူ ကာကွယ်ရေးသမိုင်းကြောင်း စတင်ဖြစ်ပေါ်လာပုံနှင့် ဌာနမှစားသုံးသူကာကွယ်ရေးနှင့် စပ်လျဉ်း၍ ဆောင်ရွက်နေသည့် လုပ်ငန်းများအား ရှင်းလင်းပြောကြားခဲ့ပါသည်။

     ထို့နောက်ခရိုင်ဦးစီးမှူး၊ ဦးမိုးညွန့်ဦးက စားသုံးသူကာကွယ်ရေးဥပဒေကို ၂၀၁၉ ခုနှစ်၊ မတ်လ (၁၅) ရက်နေ့တွင် ပြည်ထောင်စုလွှတ်တော်ဥပဒေအမှတ်(၉)ဖြင့် ပြဌာန်းခဲ့ကြောင်း၊ ဥပဒေတွင်ပါရှိသည့် စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များအကြောင်း၊ စီမံခန့်ခွဲရေးနည်းလမ်းအရအရေးယူခြင်းများ၊ စီးပွားရေးလုပ်ငန်းရှင်၏တားမြစ်ချက်များနှင့်ပြစ်မှုပြစ်ဒဏ်များ ၊ ကုန်စည်နှင့်သက်ဆိုင်သည့် ကုန်အညွှန်းအမှတ်အသားတွင် ဖော်ပြရမည့်သတ်မှတ်ချက်များအားလည်းကောင်း  ရှင်းလင်းဆွေးနွေးပြီး  စားသုံးသူများအနေဖြင့် ကုန်စည်နှင့် ဝန်ဆောင်မှုများနှင့် ပတ်သက်၍ နစ်နာဆုံးရှုံးမှုများရှိပါက စားသုံးသူသတင်း ပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ CICC Page သို့ လူကိုယ်တိုင်ဖြစ်စေ ၊ Website မှ ဖြစ်စေ၊ Doca Myanmar application များမှဖြစ်စေဆက်သွယ် တိုင်ကြားနိုင်ပါကြောင်း ၊ Consumer call center ၁၅၃၅ နံပါတ်များသို့ ခေါ်ဆို၍ စားသုံးသူရေးရာနှင့်စပ်လျဉ်း၍ သိရှိလိုသည်များကို    မေးမြန်းနိုင်ပါကြောင်းရှင်းလင်းပြောကြားခဲ့ပြီး စားသုံးသူအသိပညာပေးလက်ကမ်းစာစောင်များကို ကျောင်းသား / ကျောင်းသူများထံသို့ ဖြန့်ဝေပေးခဲ့ပြီး ၊ ဗွီနိုင်းများကို ကျောင်းအုပ်ဆရာမကြီးထံသို့ ပေးအပ်ဆောင်ရွက်ခဲ့ကြောင်း သတင်းရရှိပါသည်။

DOCA(ကယား)

      ရခိုင်ပြည်နယ်၊ စားသုံးသူရေးရာဦးစီးဌာန၊ စစ်တွေခရိုင်ဦးစီးမှူး ဦးမောင်လှဝင်း (ဦးစီးအရာရှိ) နှင့်ဝန်ထမ်းများသည် စားသုံးသူကာကွယ်ရေး၊ ထုတ်ကုန်လုံခြုံစိတ်ချရမှုရှိစေရေး၊ ဈေးကွက်စီးပွားရေးစနစ်နှင့်အညီ ပုဂ္ဂလိကအခန်းကဏ္ဍဖွံ့ဖြိုးတိုးတက်ရေးအတွက် (၁၅-၂-၂၀၂၃)ရက်နေ့ နံနက် (၁၀:၀၀)နာရီ အချိန်တွင် စစ်တွေမြို့၊ မင်းဂံအကွက်(၁၅)ရပ်ကွက် မှန်စီလမ်းမဘေး၌ တီးရှူးစက်ရုံနှင့် စက္ကူစက်ရုံ (၂)ခု ပူးတွဲတည်ဆောက် လည်ပတ်လျက်ရှိသော ကုန်ထုတ်လုပ်ငန်းစွမ်းအားစု စီးပွားရေး လုပ်ငန်းရှင် ဦးဘိုထွန်းအား တွေ့ဆုံ၍ စက္ကူစက်ရုံလည်ပတ်နေမှုများအား မေးမြန်းခဲ့ပါသည်။တွေ့ဆုံမေးမြန်းမှုအရ ရခိုင်ပြည်နယ်တွင် တီရှူး၊ စက္ကူစက်ရုံအား တည်ဆောက် လည်ပတ်ခြင်းအားဖြင့် သုံးစွဲပြီး စက္ကူအဟောင်းများ ဈေးကောင်းရရှိစေခြင်း၊ တီရှူးအချော/ အကြမ်းနှင့်စက္ကူ(၆)မျိုးဖြစ်သည့် ဘားပြာ (တစ်ဖက်ချောစက္ကူ) ၊ ဘားဖြူ(A4-စက္ကူ)၊ ဘော့စပို့ (၂ထပ်စက္ကူ) ၊ ဟီတာကဒ် (ဖိုင်စက္ကူ)၊ ကာလကဒ်(ရောင်စုံစက္ကူ)နှင့် ဂျက်ဖာ(ဂျက်ဖာစက္ကူ) များကို ထုတ်လုပ်ဖြန့်ချီနိုင်မည်ဖြစ်ပြီး ရခိုင်ပြည်နယ်တွင် တီရှူး၊ စက္ကူများထုတ်လုပ်နိုင်မှုစွမ်းရည်မြင့်မား လာစေရေး လူ့စွမ်းအားအရင်းအမြစ်များတိုးတက်စေရေး၊ အလုပ်အကိုင်အခွင့်အလမ်းများ ရရှိစေ ရေးတို့အား ရည်ရွယ်၍ တည်ဆောက်ခဲ့ခြင်းဖြစ်ကြောင်း၊ ၎င်းစက်ရုံ(၂)ခု အား ၂၀၁၈ ခုနှစ်မှ စတင်တည်ဆောက်ပြီး “RZ ရာဇာ ကုန်အမှတ်တံဆိပ်”ဖြင့် တီရှူး(ချော/ကြမ်း)ကို ထုတ်လုပ်ဖြန့်ချီ နိုင်ခဲ့ပြီး ရခိုင်ပြည်နယ် မြောက်ပိုင်း(၁၀)မြို့နယ်၊ စစ်တွေ၊ ပုဏ္ဏားကျွန်း၊ ပေါက်တော၊ ရသေ့တောင်၊ ဘူးသီးတောင်၊ မောင်တော၊ ကျောက်တော်၊ မြောက်ဦး၊ မင်းပြား၊ မြေပုံမြို့နယ်များသို့ လက်ကား ဖြန့်ချီရောင်းချလျက်ရှိကြောင်း၊ စက္ကူ(၆) မျိုးထုတ်လုပ်နိုင်ရန် လုပ်သား၊ ကုန်ကြမ်း၊ ရင်းနှီးငွေများအား စုဆောင်းလျှက်ရှိပါကြောင်း ရှင်းလင်းပြောကြားချက်အပေါ် စားသုံးသူရေးရာဦးစီးဌာန စစ်တွေခရိုင် ဦးစီးမှူးမှ ဈေးကွက်စီးပွားရေးစနစ်နှင့်အညီ ပုဂ္ဂလိကအခန်းကဏ္ဍဖွံ့ဖြိုးတိုးတက်ရေး၊ နိုင်ငံတော်ဘက် မှလည်း အားပေးကူညီနေကြောင်း၊ ဌာနအနေဖြင့်လည်း ဝိုင်းဝန်းကူညီမည်ဖြစ်ကြောင်းနှင့် ထုတ်ပိုးကုန်စည်များဖြန့်ဖြူး ရောင်းချရာတွင် စားသုံးသူကာကွယ်ရေးဥပဒေ (၂၀၁၉)၊  အခန်း(၁၈)၊ ပုဒ်မ(၄၁) ပြဌာန်းချက် ကုန်အညွှန်းအမှတ်အသားဖော်ပြချက်နှင့်ပတ်သက်၍ ပြည့်စုံစွာဖော်ပြစေရေး ချပြဆွေးနွေးပြီး တီရှူးစက္ကူများ ထုတ်လုပ်ရာတွင် သုံးစွဲသူများဘေးအန္တရာယ်ကင်းရှင်းစေရေး သံတိုသံစများမပါဝင်စေရေး အထူးဂရုပြုဆောင်ရွက်စေရေး အသိပညာပေးတွေ့ဆုံဆွေးနွေးခဲ့ကြောင်း သိရှိရပါသည်။

DOCA(ရခိုင်)