ပြည်တွင်းကုန်သွယ်မှုသတင်း

     ၂၀၂၃ခုနှစ်၊ မတ်လ ဒုတိယပတ်အတွင်း ကန့်ဘလူမြို့နယ်တွင် အခြေခံစားကုန်များဖြစ်သော ရွေဘိုပေါ်ဆန်း(အဟောင်း)တစ်ပြည်လျှင် (၃၈၀၀)ကျပ်၊ ဧရာမင်း(အဟောင်း)တစ်ပြည်လျှင် (၃၂၀၀)ကျပ်၊ ယခင်အပတ်ထက် ဧရာမင်း(အဟောင်း)တစ်ပြည်လျှင် (၂၀၀)ကျပ်နှုန်းမြင့်တက်နေပြီး ရွှေဘိုပေါ်ဆန်း(အသစ်) တစ်ပြည်လျှင် (၃၀၀၀)ကျပ်၊ ဧရာမင်း(အသစ်)တစ်ပြည်လျှင် (၂၈၀၀)ကျပ်ဖြင့် အရောင်းအဝယ်ဖြစ်လျက်ရှိပါသည်။ ကြက်သွန်နီ(အသစ်)လက်လီဈေးမှာ (အကြီး)တစ်ပိဿာလျှင် (၁၅၀၀)ကျပ်၊ (အလတ်)တစ်ပိဿာလျှင် (၁၂၀၀) ကျပ်၊ (အသေး)တစ်ပိဿာလျှင် (၁၀၀၀)ကျပ်နှုန်းဖြင့် အရောင်းအဝယ်ဖြစ်လျက်ရှိပါသည်။ ကြက်သွန်ဖြူလက်လီဈေးမှာ (ဗမာ)အလုံးသေးတစ်ပိဿာလျှင် (၃၅၀၀)ကျပ်၊ ကြက်သွန်ဖြူလက်လီဈေးမှာ (ဗမာ)အလုံးသေးတစ်ပိဿာလျှင် ယခင်အပတ်ထက် (၁၅၀၀)ကျပ်မြင့်တက်လာကာ  (၅၀၀၀)ကျပ်ဖြစ်နေပြီး ကြူကုတ်တစ်ပိဿာလျှင် (၄၅၀၀) ကျပ်မှ (၅၀၀၀) ကျပ်အထိ၊ ချင်းတစ်ပိဿာလျှင် (၂၀၀၀)ကျပ်၊ ငရုတ်သီးခြောက်တစ်ပိဿာလျှင် အမျိုးအစားအလိုက် (၁၅၀၀၀)ကျပ်မှ (၂၂၀၀၀)ကျပ်အထိ၊ အာလူးတစ်ပိဿာလျှင်  (၁၈၀၀)ကျပ်မှ (၂၀၀၀)ကျပ်အထိ စသည့်ဈေးနှုန်းတို့ဖြင့် အရောင်းအဝယ်ဖြစ်လျက်ရှိပါသည်။

      ငရုတ်သီးစိမ်းတစ်ပိဿာလျှင် (၂၅၀၀)ကျပ်ဖြစ်၍ ယခင်အပတ်ထက် တစ်ပိဿာလျှင် (၅၀၀)ကျပ်ကျဆင်းမှုရှိနေကြောင်း၊ ခရမ်းချဉ်သီးတစ်ပိဿာလျှင် (၈၀၀)ကျပ်၊ ခရမ်းသီးတစ်ပိဿာလျှင် (၁၂၀၀)ကျပ်၊ ပန်းဂေါ်ဖီတစ်ပွင့်လျှင် (၁၃၀၀)ကျပ်မှ (၁၅၀၀)ကျပ်အထိ၊ ဂေါ်ဖီထုပ်တစ်ထုပ်လျှင်  (၈၀၀)ကျပ်၊ ခါကြက်ဥတစ်ပိဿာလျှင် (၂၅၀၀)ကျပ်မှ (၃၀၀၀) ကျပ်အထိ၊ သံပရာသီးတစ်လုံးလျှင် (၂၀၀)ကျပ်မှ (၃၀၀)ကျပ်အထိ၊ ကန်ဇွန်းရွက်တစ်စီးလျှင် (၂၀၀)ကျပ်တို့ဖြင့် အရောင်းအဝယ်ဖြစ်နေပါသည်။

      ကြက်ဥလက်လီဈေးနှုန်းမှာ အကြီးတစ်လုံးလျှင် (၂၅၀)ကျပ်၊ အသေးတစ်လုံးလျှင် (၂၃၀)ကျပ်၊ ဘဲဥတစ်လုံးလျှင် (၃၅၀)ကျပ်ရှိပါသည်။  ကန့်ဘလူမြို့၏ အသားငါးဈေးနှုန်းများမှာ ကြက်သား (cp) တစ်ပိဿာလျှင် (၁၀၀၀၀)ကျပ်မှ (၁၂၀၀၀)ကျပ်အထိ၊ ကြက်သား(ဗမာ)တစ်ပိဿာလျှင် (၁၈၀၀၀)ကျပ်မှ (၂၀၀၀၀)ကျပ်အထိ၊ ဝက်သားတစ်ပိဿာလျှင် (၁၈၀၀၀)ကျပ်မှ (၂၀၀၀၀)ကျပ်အထိ၊ အမဲသားတစ်ပိဿာလျှင် (၁၀၀၀၀)ကျပ်မှ (၁၂၀၀၀)ကျပ်အထိ၊ ငါးကြင်းတစ်ပိဿာလျှင် (၆၀၀၀)ကျပ်မှ (၈၅၀၀)ကျပ်အထိ၊ တီလားပီးယားငါးတစ်ပိဿာလျှင် (၄၀၀၀)ကျပ်မှ (၆၀၀၀)ကျပ်အထိဈေးနှုန်းတို့ဖြင့် ရောင်းဝယ်နေကြောင်း သိရပါသည်။

     စားသုံးဆီဈေးနှုန်းမှာ မြေပဲဆီသန့်တစ်ပိဿာလျှင် (၁၃၀၀၀)ကျပ်၊ စားအုန်းဆီတစ်ပိဿာလျှင် (၇၅၀၀)ကျပ်ဖြစ်၍ ယခင်အပတ်ထက် ယခုအပတ်တွင် စားအုံးဆီဈေးနှုန်းမှာ (၇၀၀၀)ကျပ်ဖြစ်၍ တစ်ပိဿာလျှင် (၅၀၀)ကျပ်ကျဆင်းနေပြီး အရောင်းအဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)

   တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။

    မအူပင်ခရိုင်၊ မအူပင်မြို့နယ်သည် စိုက်ပျိုးရေးနှင့် မွေးမြူရေးကို အခြေခံသည့်မြို့နယ် တစ်ခုဖြစ်သော်လည်း၊ ငါးမွေးမြူရေးအနေဖြင့် ငါးကန်ပေါင်း (၁၀၀၀) ကျော်ရှိ၍ ငါးမွေးမြူရေးလုပ်ငန်းများလည်း အောင်မြင်မှုရရှိနေသည့် မြို့နယ်တစ်ခု ဖြစ်သည့်အလျောက် ယခုအခါတွင် ငါးမွေးကန်အတော်များများတွင် ဥစားကြက်ခြံများကို များပြားစွာ တွေ့မြင် နေရပါသည်။

    မအူပင်၊ ရန်ကုန်ကားလမ်းဘေးရှိ ငါးကန်များတွင် ဥစားကြက်များ မွေးမြူထားသည် ကိုတွေ့ရှိရသည့်အတွက် မအူပင်ခရိုင်စားသုံးသူရေးရာဦးစီးဌာနမှ ခရိုင်ဦးစီးမှူး ဦးဇော်မင်းနှင့် ဝန်ထမ်းများ သည် ၂၀၂၃ခုနှစ် မတ်လ ဒုတိယပတ်တွင် မအူပင်ငါးမွေးမြူရေးကန်သို့သွားရောက်၍ ငါးကန်ပေါ်တွင် ဥစားကြက်မွေးမြူထားသော YEE HOT AGRICULTURE & Kives Tock Co.LTD သို့ကွင်းဆင်း လေ့လာခဲ့ပါသည်။

     အဆိုပါကွင်းဆင်းလေ့လာဆောင်ရွက်မှုတွင် YEE HOT AGRICULTURE & Kives Tock Co.LTD ပိုင်ရှင်က ငါးကန်ပေါ်တွင် ကြက်ခြံ၏အရွယ်အစားမှာ ၃၆’ x ၂၈၀’ အရွယ်ခန့်ရှိပြီး ဥစား ကြက်ကောင်ရေ ၆၀၀၀ခန့် မွေးမြူခဲ့ပါသည်။ ဥစားကြက်အကောင်သေး တစ်ကောင်လျှင် ၁၀၀၀/-ကျပ်ဖြင့် စတင်ဝယ်ယူမွေးမြူခဲ့ရကြောင်း၊ ကြက်အစာအိတ် တစ်အိတ်လျှင် ၅၀၀၀၀/-ကျပ်ခန့်ရှိပြီး (၅) လအတွင်း ၆အိတ်၊ ၇အိတ်ခန့်ကျွေးမွေးခဲ့ရကာ မွေးမြူပြီး ၅လကြာသောအခါ ကြက်ဥများ စမ်းဥသည့်ကာလသို့ရောက်ရှိပါကြောင်း၊ မွေးမြူးပြီး ၇လမှာစတင်၍ (၁၀)လခန့် ကြက်ဥများ လှိုင်လှိုင်ဥသည် ကာလဖြစ်ကြောင်း ဆွေးနွေးခဲ့ပါသည်။

       ကြက်ဥများ လှိုင်လှိုင်ဥသည့်ကာလတွင် အလုံးကြီး၊ အလုံးလတ်၊ အလုံးသေးများကို တစ်ပိဿာ ၅၂၀၀/-ကျပ်ဖြင့် ရန်ကုန် အစာစက်ရုံမှ ပြန်လည်ဝယ်ယူပြီး ကြက်ဥဈေးကွက်လိုအပ်ချက်များကို မျှတစွာ ဖြန့်ဖြူးရောင်းချလျက်ရှိကြောင်း ရှင်းလင်းဆွေးနွေးခဲ့ပါသည်။

      ထို့အပြင် ဥစားကြက်မွေးမြူရေးမှ အကျိုးအမြတ်ရရှိမှု နည်းပါးသော်လည်း ငါးကန်အတွင်းရှိ မွေးမြူထားသော ငါးများမှာအစာကျွေးရမှု လျော့နည်းသက်သာပြီး ငါးမွေးမြူရေးမှ အကျိုးအမြတ်ရရှိကြောင်း ထပ်မံရှင်းလင်းဆွေးနွေးခဲ့ပါသည်။

   မအူပင်ခရိုင် စားသုံးသူရေးရာဦးစီးဌာနမှ ခရိုင်ဦးစီးမှူး ဦးဇော်မင်းက ဈေးကွက်လိုအပ်ချက်ရှိနေသော ဥစားကြက်မွေးမြူမှု အခြေအနေကောင်းများ ရရှိလာနိုင်စေရေး၊ အရည်အသွေးကောင်း ဥစားကြက်များမွေးမြူမှု အခြေအနေကောင်းများ ရရှိလာနိုင်စေရေး၊ အရည်အသွေးကောင်းဥစားကြက်များမွေးမြူနိုင်ရေးမှသည် ငါးမွေးမြူးရေးကို အထောက်အပံ့ပြုနိုင်ရေးအတွက် ရရှိနိုင်မည့် နည်းလမ်းကောင်းများကို ထည့်သွင်းဆွေးနွေးရုံသာမက စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ ရည်ရွယ်ချက်၊ ရည်မှန်းချက်များနှင့် စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များကို အကျယ်တဝင့် ဆွေးနွေးမှာကြားခဲ့ကြောင်း သိရှိရပါသည်။

DOCA(ဧရာဝတီ)

      ၁၄.၃.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

    ရန်ကုန်မြို့တော်စည်ပင်သာယာရေးကော်မတီ၏ကြီးကြပ်မှုအောက်ရှိ ရန်ကုန်အရှေ့ပိုင်းခရိုင်၊ အထက်ပုဇွန်တောင်လမ်း၊ မင်္ဂလာတောင်ညွှန့်မြို့နယ်ရှိ ကြက်/ဘဲဈေးဒိုင်မှ စားသုံးသူပြည်သူများသို့ နေ့စဉ် ကြက်/ဘဲများကို လက်လီ/လက်ကားရောင်းချပေးလျက်ရှိပါသည်။

    ရန်ကုန်အရှေ့ပိုင်းခရိုင်၊ စားသုံးသူရေးရာဦးစီးမှူးရုံးမှ ဝန်ထမ်းများသည် (၆-၃-၂၀၂၃) ရက်နေ့တွင် မင်္ဂလာတောင်ညွန့်မြို့နယ်ရှိ ကြက်/ဘဲဈေးဒိုင်သို့သွားရောက်၍ ရောင်းချလျက်ရှိသော ကြက်/ဘဲဈေးနှုန်နှင့် ဈေးကွက်းများအား စုံစမ်းခြင်းများပြုလုပ်ခဲ့ရာ ရန်ကုန်တိုင်းဒေသကြီးအတွင်းရှိ မြို့နယ်များမှ ခြံဖမ်းဈေးစနစ်ဖြင့်လည်းကောင်း၊ အခြားတိုင်းနှင့် ပြည်နယ်များက အရောက်ပို့စနစ်ဖြင့်လည်းကောင်း တင်ပို့ရောင်းချလျက်ရှိပါသည်။

     ထိုသို့ပြန်လည်ရောင်းချလျက်ရှိသော ကြက်/ဘဲဈေးနှုန်းများမှာ အိမ်မွေးကြက် ၁ပိဿာလျှင် (၁၃၀၀၀/၁၄၀၀၀)ကျပ်၊ အသားတိုးကြက် ၁ပိဿာလျှင် (၅၆၀၀/၅၈၀၀) ကျပ်၊ မွေးမြူရေးကြက် (ထီး/မ) ၁ပိဿာလျှင် (၆၅၀၀/၈၅၀၀) ကျပ်၊ ဘဲ ၁ပိဿာလျှင် (၇၅၀၀/၇၆၀၀) ကျပ်၊ ချယ်ရီဘယ်ရီဘဲ ၁ပိဿာလျှင် (၉၀၀၀) ကျပ်တို့ဖြင့် ‌ရောင်းချလျက်ရှိကြောင်းနှင့် တစ်ရက်လျှင် ကုန်ပိဿာချိန် (၇၄၆၀၀) ပိဿာခန့်ရောင်းချနေကြောင်း သိရှိရပါသည်။

DOCA(ရန်ကုန်)